darbar
  • January
    24
    Friday

Main Area

Main



ராமர் ஆனார் ராகுல்: சர்ச்சையை ஏற்படுத்திய போஸ்டரின் பின்னணி?

ramrahul
ramrahul

பாட்னா: காங்கிரஸ் பேரணியை முன்னிட்டு ஒட்டப்பட்ட போஸ்டரில், ராகுல் காந்தியை ராமர் போல் சித்தரிக்கப்பட்ட போஸ்டர் சர்ச்சையை ஏற்படுத்தியுள்ளது.

பிப்ரவரி 3-ஆம் தேதி காங்கிரஸ் கட்சியின் ‘ஜன் ஆகன்ஷா பேரணி’ பாட்னாவில் உள்ள காந்தி மைதானத்தில் நடைபெறவுள்ளது. இதற்கான ஏற்பாடுகள் விரைவாக நடைபெற்று வருகிறது. எல்லா இடங்களிலும் பேனர்கள், போஸ்டர்கள் ஒட்டப்பட்டுள்ளது. இதில் ராகுல் காந்தியை ராமர் போல் சித்தரித்து ஒட்டப்பட்ட போஸ்டர்கள், சமூக வலைதளங்களில் கடும் விமர்சனத்தை சந்தித்து வருகிறது.

 

இதுகுறித்து இந்த போஸ்டரை அச்சிட்டு ஒட்டிய காங்கிரஸ் ஊழியர் விஜய் குமார் சிங், “ராமராய் இருக்க அத்தனை தகுதிகளும் உடையவர் ராகுல் காந்தி, ராமர் பெயரை வைத்து அரசியல் செய்பவர்தான் நரேந்திர மோடி. காங்கிரஸ் இந்த நாட்டின் முன்னேற்றத்துக்காக பாடுபடுகிறது. அயோத்தி பிரச்சனையை தீர்க்க காங்கிரஸ் அரசால்தான் முடியும்” என தெரிவித்துள்ளார். பிப்ரவரி 3-ஆம் தேதி நடக்கவுள்ள பேரணியில், காங்கிரஸ் அம்மாநிலத்தில் தங்கள் பலத்தை காட்ட இருக்கிறது.

2018 TopTamilNews. All rights reserved.