Home தமிழகம் கொரோனா ஒழிய கோவிலில் சிறப்பு பூஜை செய்த பொள்ளாச்சி தி.மு.க!

கொரோனா ஒழிய கோவிலில் சிறப்பு பூஜை செய்த பொள்ளாச்சி தி.மு.க!

கொரோனா வைரஸ் ஒழிய வேண்டும் என்று பொள்ளாச்சி தி.மு.க சார்பில் கோவிலில் சிறப்பு வழிபாடு செய்யப்பட்டு இருப்பது சமூக ஊடகங்களில் விமர்சிக்கப்பட்டு வருகிறது.


தி.மு.க இந்து மதத்துக்கு விரோதமான கட்சி என்ற தோற்றத்தை உருவாக்க பா.ஜ.க சார்பில் முயற்சிகள் மேற்கொள்ளப்பட்டு வருகின்றன. அதற்கு தி.மு.க சார்பில் பதிலடி கொடுக்கப்பட்டு வருகிறது. உதயநிதி ஸ்டாலின் விநாயகர் சதுர்த்தியையொட்டி பிள்ளையார் படத்தை வெளியிட்டார். இதற்கு கட்சிக்குள் இருந்தே விமர்சனங்கள் எழுந்தன. இதனால் தி.மு.க இந்து விரோத கட்சியா, இல்லையா என்பதைத் தெளிவுபடுத்த வேண்டும் என்று பா.ஜ.க உள்ளிட்ட இந்து அமைப்புகள் வலியுறுத்தி வருகின்றன.


அண்ணா காலத்திலேயே ஒன்றே குலம், ஒருவனே தேவன் என்ற முடிவுக்கு வந்துவிட்டோம். கடவுள் நம்பிக்கை அவரவர் தனிப்பட்ட விருப்பம். அதற்குள்ளாக செல்ல விரும்பவில்லை என்று கட்சி மேலிடம் தொடர்ந்து கூறி வரும் நிலையில், களத்தில் நாங்கள்தான் மக்களை சந்திக்க வேண்டும், எனவே, மக்களின் உணர்வுக்கு மதிப்பளிக்க வேண்டும் என்று தி.மு.க நிர்வாகிகள் கூறி வருகின்றனர்.


இதன் ஒரு பகுதியாக பொள்ளாச்சியில் கொரோனா ஒழிய வேண்டும் என்று தி.மு.க நிர்வாகிகள் கோவிலில் சிறப்பு வழிபாடு நடத்தி மக்களுக்கு அன்னதானமும் வழங்கியுள்ளனர். பொள்ளாச்சியில் உள்ள பழமையான மாரியம்மன் கோவிலில் தி.மு.க நிர்வாகிகள் பூஜை நடத்தியதை மக்கள் ஆச்சரியத்துடன் பார்த்து சென்றனர். பக்தி பழகமாக தி.மு.க நிர்வாகிகள் நிற்பதைப் பார்த்து எலெக்‌ஷனுக்காக இப்படி மாறிவிட்டார்களே என்று பக்தர்கள் கமெண்ட் செய்து சென்றனர். சமூக ஊடகங்களிலும் பலரும் தி.மு.க-வின் திடீர் பக்தியை விமர்சித்து வருகின்றனர்.

மாவட்ட செய்திகள்

Most Popular

ஈரோடு: ஊராட்சிகோட்டை குடிநீர் திட்ட பணிகளை முதல்வர் விரைவில் துவக்கி வைப்பார்- மாவட்ட செயலாளர் கே வி ராமலிங்கம்

ஈரோடு மாநகரில் நடைபெற்றுவரும் ரூபாய் 500 கோடி மதிப்பிலான ஊராட்சிக்கோட்டை குடிநீர் திட்டப்பணிகள் நிறைவடையும் தருவாயில் உள்ளன. எனவே அடுத்த மாதம் முதலமைச்சர் இத்திட்டத்தை துவக்கி வைக்க உள்ளார், என்று...

தரமான தேயிலை கொள்முதல் செய்ய தேயிலை வாரியம் சுற்றறிக்கை!

தேயிலை தொழிற்சாலையில் தரமான தேயிலை கொள்முதல் செய்ய தேயிலை வாரியம் சுற்றறிக்கை. அனுப்பியுள்ளது. நீலகிரி மாவட்டத்தில் சிறு மற்றும் குறு விவசாயிகள் 65,000 பேர் தேயிலை...

புதுக்கோட்டையில் திமுக பிரமுகர் வெட்டிப் படுகொலை! அவருக்கு 6 நாட்களில் திருமணம்…

புதுக்கோட்டை மாவட்ட திமுக இளைஞரணி துணை அமைப்பாளரான மாத்தூரை சேர்ந்த பாலச்சந்தர் மர்ம நபர்களால் வெட்டி படுகொலை செய்யப்பட்டுள்ளார். 36 வயதான பாலசந்தருக்கு இந்த மாதம்...

பெரம்பலூரில் கண்டெடுக்கப்பட்டது டைனோசரின் முட்டைகள் இல்லை- அருங்காட்சிய காப்பாட்சியர்

பெரம்பலூர் மாவட்டம் குன்னம் கிராமத்தில் கடந்த புதன்கிழமை கண்டுபிடிக்கப்பட்ட டைனோசர் முட்டைகள் போன்ற உருவம் குறித்த முக்கிய செய்தி வெளியாகியுள்ளது. பெரம்பலூர் மாவட்டம் குன்னம் அரசு...
Do NOT follow this link or you will be banned from the site!