Home தமிழகம் "100 நாளில் மக்களின் பிரச்னைகள் தீர்க்கப்படும் : மு.க.ஸ்டாலின் அதிரடி அறிவிப்பு!

“100 நாளில் மக்களின் பிரச்னைகள் தீர்க்கப்படும் : மு.க.ஸ்டாலின் அதிரடி அறிவிப்பு!

ஆட்சிக்கு வந்ததும் முதல் 100 நாட்களில் போர்க்கால அடிப்படையில் மக்கள் பிரச்னைகள் தீர்க்கப்படும் என்று மு.க. ஸ்டாலின் தெரிவித்துள்ளார்.

இந்நிலையில் மறைந்த முன்னாள் முதல்வர் கருணாநிதியின் கோபாலபுர வீட்டில் செய்தியாளர் சந்திப்பிற்கு ஏற்பாடு செய்யப்ட்டிருந்தது. அதில் சட்டமன்ற தேர்தல் பரப்புரை குறித்த அறிவிப்பை மு.க.ஸ்டாலின் வெளியிட்டுள்ளார். அப்போது செய்தியாளர்கள் மத்தியில் பேசிய ஸ்டாலின், ” விடியலை நோக்கி , மக்கள் கிராம சபை கூட்டத்தை தொடர்ந்து திருவண்ணாமலை மாவட்டத்தில் இருந்து ஜனவரி 29 முதல் ‘உங்கள் தொகுதியில் ஸ்டாலின்’ என்ற பெயரில் புதிய முறையில் பிரச்சாரம் மேற்கொள்ளவுள்ளேன். கொரோனா காலத்தில் மக்களை அதிமுக அரசு கைவிட்டுவிட்டது; குழந்தைகள் முதல் முதியவர் வரை அனைவரின் வாழ்க்கையையும் நிர்கதியாக்கி விட்டது.

அதிமுக ஆட்சியில் எல்லாத் துறைகளிலும் பல கோடி ரூபாய் கொள்ளை நடைபெற்றுள்ளது. பெரிய முதலீடுகளை ஈர்க்க முடியாத மாநிலமாக தமிழகம் இருக்கிறது. சட்டம் ஒழுங்கு, சீர்குலைவு, விவசாயிகள் வஞ்சிப்பு, வேலைவாய்ப்பு இல்லை. ஆட்சிக்கு வந்ததும் முதல் 100 நாட்களில் போர்க்கால அடிப்படையில் மக்கள் பிரச்னைகள் தீர்க்கப்படும். தேர்தல் அறிக்கை வேறு; 100 நாள் செயல்திட்டம் வேறு. மக்களின் பிரச்னைகளை அறிந்து திமுக ஆட்சி அமைந்தவுடன் 100நாளில் அவையெல்லாம் தீர்க்கப்படும். மக்கள் தங்கள் தொகுதி பிரச்னைகளை http://stalinani.com என்ற இணையதளம் அல்லது 9179091790 என்ற எண்ணில் பதிவு செய்யுங்கள். தி.மு.க ஆட்சி அமைந்ததும் முதல் 100 நாட்கள் போர்கால அடிப்படையில் உங்கள் பிரச்னைகள் தீர்க்கப்படும். விண்ணப்பத்தில் மக்கள் குறைகள் எழுதி கொடுத்தால் போதும்; மக்கள் பிரச்னைகள் தொடர்பாகமனுக்களை நானே சேகரித்து சீல் வைத்து மக்களுக்கு ரசீது வழங்குவேன்.சொன்னதை செய்வோம்ல்; செய்வதை தான் சொல்வோம் என்பதற்கு ஏற்பவே, கருணாநிதியின் இல்லத்தில் செய்தியாளர்களை சந்தித்துள்ளேன்” என்றார்.

மாவட்ட செய்திகள்

Most Popular

வாக்கு சீட்டில் புகைப்படம் இருக்காது: தேர்தல் அதிகாரி சத்ய பிரதா சாகு

தமிழகத்தில் ஒரே கட்டமாக வரும் ஏப்ரல் 6ம் தேதி தேர்தல் நடைபெற உள்ளது. இதையொட்டி, அரசியல் கட்சிகள் அனைத்தும் தேர்தல் பணிகளில் தீவிரமாக ஈடுபட்டுள்ளன. விருப்பமனு விநியோகம் நிறைந்து வேட்பாளர்களுக்கான...

மின்சாரம் தாக்கி பனியன் கம்பெனி ஊழியர் பலி!

ஈரோடு ஈரோடு அருகே கிரக பிரவேசத்திற்கு மா இலை பறிக்க சென்றபோது மின்சாரம் தாக்கி, பனியன் கம்பெனி தொழிலாளி உயிரிழந்தார். ஈரோடு...

பாலியல் புகாருக்கு ஆளான சிறப்பு டி.ஜி.பி.யை சஸ்பெண்ட் செய்ய ஐபிஎஸ் அதிகாரிகள் கோரிக்கை

முதல்வர் பழனிசாமியின் பரப்புரைக்கு அவரது பாதுகாப்புக்காக சென்னையில் இருந்து சிறப்பு டிஜிபி சென்றிருந்த நிலையில், அவருடன் பெண் ஐபிஎஸ் அதிகாரிகள் பலரும் சென்றிருந்தனர். பாதுகாப்பு பணியை முடித்துவிட்டு சென்னை திரும்பும்...

’’ஓசிமணி’’- வறுத்தெடுக்கும் பாஜக

முதலில் வதந்தியை கிளப்பி விட்டு ஊசி ஓசி என்றவுடன் சத்தமில்லாமல் போட்டுச் செல்லும் தமிழகத்தின் ஓசி மணி என்று திராவிடர் கழக தலைவர் கி.வீரமணியை சாடியிருக்கிறார் பாஜக தகவல் தொழில்நுட்ப...
TopTamilNews