“கல்லூரி இறுதியாண்டு தேர்வுகளை செப்டம்பர் மாத இறுதிக்குள் நடத்த இயலாத சூழல் ” : அமைச்சர் ரமேஷ் பொக்ரியாலுக்கு முதல்வர் பழனிசாமி கடிதம்!

கொரோனா தொற்று நாளுக்கு நாள் அதிகரித்த வண்ணம் உள்ளது. இதனால் கடந்த 3 மாதங்களுக்கு மேலாக பள்ளிகள் மூடப்பட்டுள்ளன. பள்ளிப் பொதுத்தேர்வுகள் அனைத்தும் ரத்து செய்யப்பட்டு மாணவர்கள் அனைவரும் தேர்ச்சி என்று அறிவித்தனர்.

அடுத்து கல்லூரிகளுக்கு என்ன செய்யலாம் என தீவிரமாக ஆலோசனை நடத்தப்பட்டு வந்தது. அதன்படி வரும் செப்டம்பர் மாத இறுதிக்குள் செமஸ்டர் தேர்வுகளை நடத்த மத்திய அரசு அறிவுறுத்தியது.

 

இந்நிலையில் கல்லூரி இறுதியாண்டு தேர்வுகளை செப்டம்பர் மாத இறுதிக்குள் நடத்த இயலாத சூழல் உள்ளதாக மத்திய மனிதவள மேம்பாட்டுத்துறை அமைச்சர் ரமேஷ் பொக்ரியாலுக்கு முதல்வர் பழனிசாமி கடிதம் எழுதியுள்ளார். செமஸ்டர் தேர்வுகள் குறித்து முடிவெடுக்க மாநில அரசுக்கு அதிகாரம் வழங்க வேண்டுமென வலியுறுத்தியுள்ளார்.