darbar
  • January
    29
    Wednesday

Main Area

Main



பழநி பஞ்சாமிர்தம் மட்டுமல்ல:பிரியாணியும் ஃபேமஸ்தான்! அம்சவல்லிக்கு வாங்க

அம்சவல்லி உணவகம்
அம்சவல்லி உணவகம்

பழனி ஆர்.எஃப் ரோட்டில் இருக்கிறது இந்தப் பழைமையான ( 1961 ) உணவகம்.உள்ளே நுழைந்ததும் இரண்டு பக்கமும் சுவரை ஒட்டி வரிசையாக உணவு மேசைகள் போடப்பட்டு இருக்கின்றன.கல்லாவில் இருக்கும் பெண் மைக்கில்தான் கிச்சனுக்கு ஆர்டர் தருகிறார்.

hotel

சுவற்றில்,பிரியாணிக்கு இலவச சாப்பாடு கிடையாது,சைவக் குழம்புகள் கிடையாது என்று ஸ்ட்ரிக்டாக எழுதி வைத்திருக்கிறார்கள்.குடும்பத்தோடு வருகிறவர்களுக்கு மாடி ஹாலில் இடம் தருகிறார்கள்.இவர்களின் சாப்பாட்டை விட பிரியாணிக்குத்தான் ரசிகர்கள் அதிகம் இருக்கிறார்கள்.

food

ஊட்டி,கொடைக்கானல் போல பழநியும் ஒரு சுற்றுலாத் தலம்தான்.தினமும் புதுப்புது ஆட்கள்தான் வருவார்கள்.ஆனாலும் அம்சவல்லிக்கு தேடிவரும் வாடிக்கையாளர்கள் இருக்கிறார்கள்.இவர்களின் பிரியாணி ருசிக்கு இவர்களின் கைபக்குவம்,சொந்தமாக அரைத்துச் சேர்க்கும் மசாலா இவற்றுடன் இந்தப் பகுதியில் வளர்க்கப்படும் மைலம்பட்டி ஆடும் ஒரு காரணம்.எப்போதும் வெள்ளாடுதான்,அதுவும் மைலம்பட்டி ஆடுதான்.

food

பிரியாணிக்கு ஒரு ரைத்தா மட்டுமே தருகிறார்கள். விலை 180 ரூபாய்தான்.
இது தவிர வளக்கமான சுக்கா,கொத்துக்கறி,குடல் , செட்டிநாடு சிக்கன் கிரேவி போன்ற ரெகுலர் ஐட்டங்களும் இருக்கின்றன. இவர்களின் சிக்னேச்சர் டிஷ்கள் என்று மூன்று விசயங்களைச் சொல்லலாம்.ஒன்று , சிக்கன் மஞ்சூரியன். அளவான காரத்துடன் மசாலாத் தடவி பொரித்த கோழித் துண்டுகளுடன், நிறைய நட்ஸ் சேர்த்து ஒரு தட்டு நிறையத் தருகிறார்கள். இரண்டு பேருக்கு ஒன்று வாங்கினால் போதும்.குழந்தைகளுக்கும் தாராளாமாகத் தரலாம்.

food

அடுத்தபடியாக கிராமத்து மட்டன் ,கிராமத்து சிக்கன் என்று இரண்டு ஐட்டங்கள் வைத்திருக்கிறார்கள்.காய்ந்த மிளகாய் சின்ன வெங்காயம் சேர்த்து அளவான மசாலாவுடன் தரப்படும் மிக எளிமையான தயாரிப்புகள். இரண்டுமே சுவையாகவும் தரமாகவும்  இருக்கின்றன.

hotel

ஆனால்,அம்சவல்லி என்றால் பிரியாணிதான் என்பதை மறந்து விடாதீர்கள்.தட்டில் பிரியாணியின் மீது அமர்ந்து வரும் மைலம்பட்டி ஆட்டுக்கறியை கண்ட உடனே காதல் கொண்டு விடுவீர்கள்.அத்தனை மென்மை,அத்தனை சுவை.

2018 TopTamilNews. All rights reserved.