“சீட்டு இல்ல; உள்ளாட்சி தேர்தலில் கவனிக்கலாம்” ஓபிஎஸ் – ஈபிஎஸ் வகுக்கும் திட்டம்!

அதிமுக மாவட்ட செயலாளர்களுடன் இன்று ஓபிஎஸ் – ஈபிஎஸ் ஆலோசனை நடத்துகின்றனர்.

சட்டமன்றத் தேர்தல் வரும் ஏப்ரல் 6 ஆம் நடைபெறவுள்ள நிலையில் அதிமுக பிப் 24 ஆம் தேதி முதல் விருப்ப மனுக்களை விநியோகம் செய்தது. இதையடுத்து விருப்ப மனு தாக்கல் கடந்த 3 ஆம் தேதியுடன் நிறைவடைந்தது. மொத்தமாக 8,240 பேர் விருப்ப மனுக்கள் பெறப்பட்ட நிலையில் நேற்று ஒரே நாளில் அனைவருக்கும் நேர்காணல் நடத்தப்பட்டதாக அதிமுக தலைமை கழகம் கூறியுள்ளது

இந்நிலையில் அதிமுக மாவட்ட செயலாளர்கள் உடன் இன்று ஓபிஎஸ் இபிஎஸ் ஆலோசனை நடத்துகின்றனர். நேற்று நேர்காணல் முடிந்த நிலையில் இன்று அதிமுக தலைமை அலுவலகத்தில் ஆலோசனை நடக்கிறது. மாவட்ட செயலாளர்களுடன் ஆலோசனை நடத்தி அதிமுக வேட்பாளர்களின் ஓபிஎஸ் – ஈபிஎஸ் இறுதி செய்ய வாய்ப்பு உள்ளதாக தகவல் வெளியாகியுள்ளது. பேரவைத் தேர்தலில் சீட்டு கிடைக்காதவர்களுக்கு உள்ளாட்சி தேர்தலில் வாய்ப்பு தருவது பற்றி ஆலோசிக்க வாய்ப்பு உள்ளதாக தெரிகிறது.