Home அரசியல் கோவிட்-19 தடுப்பூசி இலவசம்.. பா.ஜ.க.வின் தேர்தல் வாக்குறுதியை கடுமையாக விமர்சித்த எதிர்க்கட்சிகள்

கோவிட்-19 தடுப்பூசி இலவசம்.. பா.ஜ.க.வின் தேர்தல் வாக்குறுதியை கடுமையாக விமர்சித்த எதிர்க்கட்சிகள்

கோவிட்-19 தடுப்பூசி இலவசமாக வழங்கப்படும் என்ற பா.ஜ.க.வின் பீகார் தேர்தல் வாக்குறுதியை காங்கிரஸ் உள்ளிட்ட எதிர்கட்சிகள் கடுமையாக விமர்சனம் செய்துள்ளனர்.

எதிர்வரும் பீகார் சட்டப்பேரவை தேர்தலை முன்னிட்டு பா.ஜ.க. நேற்று தனது தேர்தல் அறிக்கையை வெளியிட்டது. அதில் முதல் மற்றும் முக்கிய வாக்குறுதியாக பீகார் மக்களுக்கு கோவிட்-19 தடுப்பூசி இலவசமாக வழங்கப்படும் என வாக்குறுதி அளித்துள்ளது. இதனை காங்கிரஸ் உள்ளிட்ட எதிர்க்கட்சிகள் கடுமையாக விமர்சனம் செய்துள்ளன.

ரன்தீப் சிங் சுர்ஜேவாலா

காங்கிரஸ் பொதுசெயலாளர் ரன்தீப் சிங் சுர்ஜேவாலா இது தொடர்பாக கூறியதாவது: புலம்பெயர்ந்த தொழிலாளர்கள் நெருக்கடியின்போது, பீகாரின் முதல்வரும், துணை முதல்வரும் பீகாரிகளை உள்ளே நுழைய விடமாட்டோம் என்றார்கள். ஒரு ஆண்டுக்குள் கொரோனா வைரஸ் தடுப்பூசி தயாரிக்க சாத்தியமில்லை என்று பிரதமர் தெரிவித்தார். கோவிட் காரணமாக ஆயிரம் பிகாரிகள் இறந்தனர். மத்திய அமைச்சர்கள் கவலைப்படுகிறார்களா? அவர்கள் பீகார் மக்களை கேலி செய்கிறார்கள். இவ்வாறு அவர் தெரிவித்தார்.

பா.ஜ.க.

காங்கிரஸ் கட்சியின் மற்றொரு பிரபல தலைவர் கவுரவ் கோகோய் டிவிட்டரில், பீகார் மக்கள் பா.ஜ.க.வுக்கு வாக்களிக்கவில்லை என்றால், பிரதமர் அவர்களுக்கு தடுப்பூசி வழங்கமாட்டாரா? இது ஜனநாயகம் அல்ல. இது கொடுங்கோன்மை. பீகார் மக்கள் மிரட்டப்பட மாட்டார்கள். எந்தவொரு சக்தியும் அவர்களின் உரிமைகளை மறுக்க முடியாது. டெல்லியின் கொடுமைக்காரர்களை அவர்கள்(மக்கள்) தங்கள் வாக்குகளால் நிராகரிப்பார்கள் என பதிவு செய்து இருந்தார். பீகாரின் முக்கிய எதிர்க்கட்சியான ராஷ்டிரிய ஜனதா தளம், பீகார் மக்கள் பணத்துக்காக தங்களது எதிர்காலத்தை விற்க மாட்டார்கள் என தெரிவித்துள்ளது.

மாவட்ட செய்திகள்

Most Popular

கிளர்ச்சியில் ஈடுபடாதீங்க.. டிசம்பர் 3ம் தேதி பேசுவோம்.. விவசாயிகளுக்கு அழைப்பு விடுத்த மத்திய அமைச்சர்

மத்திய வேளாண் துறை அமைச்சர் நரேந்திர சிங் தோமர், புதிய வேளாண் சட்டங்கள் தொடர்பான வேறுபாடுகளை தீர்க்க விவசாயிகளை டிசம்பர் 3ம் தேதி பேச்சுவார்த்தைக்கு அழைத்தார்.

இயற்கைக்கு மாறான இந்த மகா விகாஸ் அகாடி அரசாங்கம் நீண்ட நாள் நீடிக்காது.. தேவேந்திர பட்னாவிஸ்

மகாராஷ்டிராவில் முதல்வர் உத்தவ் தாக்கரே தலைமையிலான இயற்கைக்கு மாறான இந்த மகா விகாஸ் அகாடி கூட்டணி அரசாங்கம் நீண்ட நாள் நீடிக்காது என்று தேவேந்திர பட்னாவிஸ் தெரிவித்தார்.

இரவு ஊரடங்கால் உற்சாகமான திருடர்கள்… குஜராத்தில் கடைகளை உடைத்து பல லட்சம் பொருட்கள் கொள்ளை

குஜராத்தில் அமலில் உள்ள இரவு ஊரடங்கை பயன்படுத்தி, கடைகளை உடைத்து பல லட்சம் மதிப்பிலான பொருட்களை திருடர்கள் கொள்ளையடித்து சென்ற சம்பவம் பரபரப்பை ஏற்படுத்தியுள்ளது. டெல்லி,...

நம் நாட்டில் ஊழல் அதிகரித்துள்ளதாக 47 சதவீத மக்கள் தகவல்… ஆய்வு முடிவு

நம் நாட்டில் கடந்த 12 மாதங்களில் ஊழல் அதிகரித்துள்ளதாக கருத்து கணிப்பில் ஒன்றில் 47 சதவீதம் பேர் தெரிவித்துள்ளனர். டிரான்ஸ்பரன்சி இன்டர்நேஷனல் நிறுவனம் ஆசிய பிராந்திய...
Do NOT follow this link or you will be banned from the site!