ஈரோடு
ஈரோடு மேற்கு சட்டமன்ற தொகுதியில் 66 லட்சத்து 50 ஆயிரம் ரூபாய் மதிப்பில் 7 இடங்களில் கட்டிமுடிக்கப்பட்ட அங்கன்வாடி மையங்களை திறக்கும் நிகழ்ச்சி நடைபெற்றது. இதில், அதிமுக எம்எல்ஏ-க்கள் கே.வி.ராமலிங்கம், தென்னரசு ஆகியோர் கலந்துகொண்டனர். அப்போது, சட்டமன்ற தொகுதி மேம்பாட்டு நிதியில் இருந்து காரப்பாறை, கொங்கனாம் பள்ளி, நேதாஜி நகர், மோகன் குமாரமங்கலம் வீதி, காந்திஜி ரோடு, நேதாஜி வீதி பகுதியில் கட்டிப்பட்டிருந்த 7 அங்கன்வாடி மையங்களையும் ரிப்பன் வெட்டி திறந்துவைத்தனர்.
இந்த நிகழ்ச்சியில் ஈரோடு மாநகராட்சி ஆணையாளர் இளங்கோவன், உதவி ஆணையாளர் விஜயா, குழந்தைகள் வளர்ச்சி திட்ட அலுவலர் சாந்தி மற்றும் அதிமுக நிர்வாகிகள் ஏராளமானோர் கலந்துகொண்டனர்.