மீண்டும் சைக்கிள் மீது காதல் கொள்ள தொடங்கிய மக்கள்… உபயம்: கொரோனா வைரஸ்

நவீன மற்றும் அவசர உலகம் மற்றும் போக்குவரத்து வளர்ச்சியால் கடந்த பல ஆண்டுகளாக சைக்கிள் ஒன்று இருப்பதையே மக்கள் குறிப்பாக நகரவாசிகள் மறந்து விட்டனர். வீட்டுக்கு வீடு சைக்கிள் இருந்த காலம் மலையேறி விட்டது. தற்போது ஒவ்வொரு வீடுகளிலும் கட்டாயம் பைக் அல்லது ஸ்கூட்டர் உள்ளது. இந்த சூழ்நிலையில் கொரோனா வைரஸ் பரவல் விளைவாக மக்கள் தற்போது மீண்டும் சைக்கிளை பயன்படுத்த தொடங்கி விட்டனர்.

பணிக்கு ஆர்வமாக சைக்கிளில் செல்லும் பொதுமக்கள்

கொல்கத்தா, சென்னை, பெங்களூரு, டெல்லி, கொச்சி மற்றும் மும்பை போன்ற நகரங்களில் மக்கள் பணிக்கு செல்ல, வேலைகள் செய்ய அல்லது உடற்பயிற்சிக்காக மீண்டும் சைக்கிளை மிதிக்க தொடங்கி விட்டனர். கொரோனா வைரஸ் லாக்டவுன் காரணமாக மெட்ரோ ரயில் சேவை நிறுத்தி வைக்கப்பட்டுள்ளது. பஸ்களில் குறைந்த எண்ணிக்கையிலான மக்கள் மட்டுமே பயணிக்க அனுமதிப்படுவதால் வேலைக்கு செல்வோர் பஸ் நிலையங்களில் மணிக்கணக்கில் வரிசைகளில் காத்திருக்க வேண்டிய சூழல். ஆட்டோ, கால் டாக்சி போன்றவற்றில் பயணம் செய்வது பெரும்பாலான பணியாளர்களுக்கு கட்டுப்பிடி ஆகாது. ஆக, எடு சைக்கிளை என மீண்டும் சைக்கிளை மிதித்து வேலைக்கு செல்ல தொடங்கி விட்டனர்.

சைக்கிள் பயணம்

டெல்லியின் மத்திய தலைமை செயலக பகுதியில் வேலைபார்க்கம் சாந்த் ராம் கூறுகையில், போக்குவரத்து பயன்பாடு அதிகமாக இருக்கும் நேரத்தில், பேருந்துக்காக மணிக்கணக்கில் காத்திருப்பதில் அர்த்தம் இல்லை. எனது வீட்டுக்கும், அலுவலகத்துக்கும் இடையிலான 10 கி.மீட்டர் தொலைவை சைக்களில் பயணிப்பது சிறந்த தேர்வு என நான் கண்டுபிடித்தேன் என தெரிவித்தார். இது சாந்த் ராம் ஒருவரின் குரல் மட்டுமல்ல பல லட்சம் நகரவாசிகளின் குரலும் இதே போன்றுதான் ஒலிக்கிறது. போக்குவரத்து மற்றும் போக்குவரத்து திட்டமிடல் இயக்குநரகம் மதிப்பீட்டின்படி, கடந்த ஜூன் 1ம் தேதி முதல் கொல்கத்தா சாலைகளில் 15 லட்சம் மக்கள் சைக்கிளில் வலம் வருகின்றனர். லாக்டவுன் விதிமுறைகள் தளர்த்தப்பட்ட முதல் நாட்டின் அனைத்து நகரங்களிலும் சைக்கிள் விற்பனை சூடு பிடித்துள்ளதாக சைக்கிள் விற்பனையாளர்கள் தெரிவித்துள்ளனர்.

Most Popular

தமிழகத்தில் பாதிப்பு 3 லட்சத்தை தாண்டியது: குணமடைந்தோர் 2,44,675 பேர்

தமிழகத்தில் கொரோனா பாதிப்பு எண்ணிக்கை 3 லட்சத்தை தாண்டி அதிர்ச்சியை ஏற்படுத்தி இருக்கிறது. குணமடைந்தோர் 2,44,675 பேர் என்ற தகவலும் வெளியாகி இருக்கிறது. 3,02,815 பேர் தமிழகத்தில் கொரோவினால் பாதிக்கப்பட்டுள்ளனர். அதில், சென்னையில் மட்டும்...

தமிழகத்தில் இன்று கொரோனாவுக்கு 114 பேர் உயிரிழப்பு

தமிழகத்தில் கொரோனா வைரஸ் பாதிக்கப்பட்டு சிகிச்சை பெற்று வந்தவர்களில் இன்று 114 பேர் உயிரிழந்துள்ளனர். தமிழ்நாடு 3,02,815 பேர் கொரோவினால் பாதிக்கப்பட்டுள்ளனர். அதில், சென்னையில் மட்டும் 1,10,121 பேருக்கு கொரோனா தொற்று உறுதி செய்யப்பட்டுள்ளது....

தமிழகத்தில் மேலும் 5,914 பேருக்கு கொரோனா

தமிழகத்தில் மேலும் 5,914 பேருக்கு கொரோனா பாதிப்பு ஏற்பட்டுள்ளது. சென்னை -976, செங்கல்பட்டு -483, அரியலூர் -54, கோவை -392, கடலூர் -287, தருமபுரி -18, திண்டுக்கல் -173, ஈரோடு -37, கள்ளக்குறிச்சி...

செப்., 30 வரை ரயில்கள் ரத்து இல்லை! ரயில்வே அமைச்சகம் மறுப்பு!

நாடு முழுவதும் செப்டம்பர் மாதம் 30ஆம் தேதி வரை அனைத்து ரயில்களும் ரத்து செய்யப்பட்டுள்ளது என்றும், மெயில், விரைவு ரயில்கள், பயணிகள் மற்றும் புறநகர் ரயில்கள் அனைத்தும் ரத்து செய்யப்பட்டுள்ளன என்று வெளியான...