kaappan-mobile kaappan-large
  • September
    21
    Saturday

Main Area

Main

kaappan-mobile kaappan-large


பழைய எம்.பி.,க்களின் பராக்கிரமம்... நடுத்தெருவில் அலையும் எம்.பி., நடிகைகள்..!

மிமி சக்ரபோர்த்தி
மிமி சக்ரபோர்த்தி
Loading...

16வது மக்களவை கலைக்கப்பட்டு, இரண்டு மாதங்களுக்கு மேலாகியும் 200க்கும் மேற்பட்ட முன்னாள் எம்.பி.க்கள் டெல்லியில் லுடைன்ஸ் பகுதியில் உள்ள அரசு பங்களாக்களை இன்னும் காலி செய்யாமல் இருப்பதாக தகவல்கள் வெளியாகியுள்ளன.

இரண்டாவது முறையாக பிரதமர் மோடி தலைமையிலான பாரதிய ஜனதா அரசு அமைக்கப்பட்ட பின்னர், மத்திய அமைச்சரவையின் பரிந்துரையின்பேரில், குடியரசுத்தலைவர் ராம்நாத் கோவிந்த், கடந்த மே மாதம் 25ம் தேதி 16வது மக்களவையை கலைத்தார். சட்டப்படி மக்களவை கலைக்கப்பட்ட ஒரு மாதத்துக்குள் முன்னாள் எம்.பி.க்கள் அவர்கள் தங்கியிருந்த பங்களாக்களை அரசிடம் ஒப்படைக்க வேண்டும்.

ஆனால், 200க்கும் மேற்பட்ட முன்னாள் மக்களவை எம்.பி.க்கள் 2014ம் ஆண்டு அவர்களுக்கு ஒதுக்கப்பட்டிருந்த உத்தியோகப்பூர்வ பங்களாக்களை காலி செய்யவில்லை என தகவல்கள் வெளியாகியுள்ளன. டெல்லியில் அமைந்துள்ள தங்களது பங்களாக்களை காலி செய்யாததால், மக்களவை தேர்தலில் வெற்றிபெற்ற புதிதாக தேர்ந்தெடுக்கப்பட்ட எம்.பி.க்கள் தற்காலிக தங்குமிடத்திற்கு குடிபெயர்ந்துள்ளனர்.

புதிதாக தேர்ந்தெடுக்கப்பட்ட எம்.பி.க்கள் கடந்த ஜூன் மாதத்திலிருந்து முழுநேர உத்தியோகப்பூர்வ பங்களா ஒதுக்கப்படும் வரை, 5 நட்சத்திர ஹோட்டல்களில் தங்கியிருந்தனர். இதனால் புதிய எம்.பி.க்களின் தங்குமிட செலவு கோடிக்கணக்கான ரூபாய் எகிறியது.

இதையடுத்து மத்திய அரசின் அறிவுறுத்தலின்படி, வெஸ்டன்கோர்ட் கட்டடத்திலும், பல விருந்தினர் மாளிகையிலும் புதிய எம்.பி.க்கள் தற்காலிகமாக தங்கியுள்ளனர். எனினும் இதில் அவர்கள் தொடர்ந்து தங்கமுடியாது.

முதல்முறையாக மக்களவைக்கு தேர்ந்தெடுக்கப்பட்ட 260க்கும் மேற்பட்ட எம்.பி.க்கள் உள்ளனர். இதில் முன்னாள் கிரிக்கெட் வீரர் கவுதம் கம்பீர், மத்திய அமைச்சர்கள் ரவிசங்கர் பிரசாத், ஸ்மிதி இரானி, சூஃபி பாடகர் ஹன்ஸ்ராஜ் மற்றும் பெங்காலி நடிகைகள் மிமி சக்ரபோர்த்தி மற்றும் நஸ்ரத் ரூஹி உள்ளிட்டோர் அடங்குவர்.

2018 TopTamilNews. All rights reserved.