Home அரசியல் யானை கூட்டத்தால் சேதம் அடைந்த பகுதிகளை 7 கி.மீட்டர் நடந்தே சென்று பார்வையிட்ட ஒடிசா பெண் எம்.எல்.ஏ....

யானை கூட்டத்தால் சேதம் அடைந்த பகுதிகளை 7 கி.மீட்டர் நடந்தே சென்று பார்வையிட்ட ஒடிசா பெண் எம்.எல்.ஏ….

ஒடிசாவில் வனத்தை ஒட்டியுள்ள கிராமங்களில் யானை கூட்டம் ஏற்படுத்திய சேதங்களை, பெண் எம்.எல்.ஏ. ஒருவர் 7 கி.மீட்டர் தூரம் நடந்தே சென்று பார்வையிட்டது பலரையும் வியப்பில் ஆற்றியுள்ளது.

ஒடிசா மாநிலம் மயூர்பஞ்ச் மாவட்டத்தில் பழங்குடியினர் அதிகமாக வாழ்ந்து வருகின்றனர். இந்த மாவட்டத்தில் வனஎல்லைக்கு பகுதிகளில் கிராமங்களில் வசிக்கும் மக்கள் யானை கூட்டத்தால் மிகவும் துன்பத்தை சந்தித்து வருகின்றனர். ஜார்க்கண்டிலிருந்து வரும் யானை கூட்டம் நெல் வயல்களையும், வீடுகளையும் சேதப்படுத்தி சென்று விடுகின்றன. இது தொடர்பாக அந்த பகுதி வனத்துறையினரிடம் அந்த கிராமத்தினர் புகார் கொடுத்தனர். ஆனால் அதனால் இந்த நிவாரணமும் கிடைக்கவில்லை. இந்த கரஞ்சியா சட்டப்பேரவை தொகுதி பிஜூ ஜனதா தளம் எம்.எல்.ஏ. பசாந்தி ஹெம்ப்ராம். கடந்த வெள்ளிக்கிழமையன்று மாவட்ட தலைநகரமான பாரிபாடவுக்கு சென்று கொண்டு இருந்தார்.

யானை கூட்டம் (கோப்புப்படம்)

இதனை பார்த்த பியுன்ரியா, நகுட்மாதா, குஞ்சியா மற்றும் டாடோ உள்ளிட்ட கிராமங்களை சேர்ந்த 200க்கும் மேற்பட்ட மக்கள் அவரது வாகனத்தை மறித்தனர். யானை கூட்டத்தால் நெல் வயல்கள் மற்றும் வீடுகளுக்கு இழப்பீடு வழங்க வேண்டும் என்று எம்.எல்.ஏ. பசாந்தி ஹெம்பராமிடம் கோரிக்கை விடுத்தனர். மேலும், யானைகள் ஏற்படுத்திய சேதத்தை பார்வையிடுமாறு கோரினர். இதனையடுத்து பசாந்த ஹெம்ப்ராம் உடனடியாக எந்தவித பந்தாவும் இல்லாமல் அவர்களுடன் சுமார் 7 கி.மீட்டர் நடந்தே சென்று அவர்களின் கிராமங்களுக்கு சென்று சேதங்களை பார்வையிட்டார். மேலும், யானைகளை விரட்டுவது தொடர்பாக உள்ளூர் வன அதிகாரிகளுடன் அவர் விவாதித்தார். பாதிக்கப்பட்டவர்களுக்கு உடனடியாக இழப்பீடு வழங்குவது தொடர்பான விஷயத்தையும் கவனிக்கும்படி அவர்களிடம் பசாந்தி ஹெம்ப்ராம் வலியுறுத்தினார்.

பசாந்தி ஹெம்பராம்

இது தொடர்பாக பசாந்தி ஹெம்பராம் கூறுகையில், யாரும் என்னை கிராமத்துக்கு நடந்து வர வேண்டும் என்று கட்டாயப்படுத்தவில்லை. போராட்டத்தில் ஈடுபட்ட கிராமவாசிகளை பார்த்ததும் அவர்களின் குறைகளை கேட்க என் வாகனத்திலிருந்து கீழே இறங்கினேன். அவர்களின் குறைகள் உண்மையானவை. வனத்துறை அதிகாரிகள் அவர்களின் கோரிக்கைகளுக்கு இன்னும் கொஞ்சம் பதிலளித்திருக்க வேண்டும் என தெரிவித்தார். எம்.எல்.ஏ. பசாந்தி ஹெம்பராம் 7 கி.மீட்டர் நடந்தே சென்று சேதங்களை பார்வையிட்டது அந்த பகுதியினருக்கு சந்தோஷத்தையும், தங்களுக்கு கஷ்டத்துக்கு ஒரு தீர்வு கிடைக்கும் என்ற நம்பிக்கையும் கொடுத்துள்ளது. மேலும் பசாந்தி ஹெம்ராமை பல்வேறு தரப்பினரும் பாராட்டி வருகின்றனர்.

மாவட்ட செய்திகள்

Most Popular

கோயில் திருவிழாவில் தொழிலாளி மீது தாக்குதல் – 5 பேர் கைது

தென்காசி தென்காசி அருகே கோவில் திருவிழாவில் தொழிலாளியை தாக்கி, கொலை மிரட்டல் விடுத்த 5 பேரை போலீசார் கைதுசெய்தனர். தென்காசி மாவட்டம்...

தமிழகத்தில் மார்ச் 31-ஆம் தேதி வரை தளர்வுகளுடன் கூடிய ஊரடங்கு நீட்டிப்பு

தமிழகத்தில் தற்போது அமலில் இருந்த ஊரடங்கு இன்றுடன் நிறைவடையவுள்ள நிலையில், மார்ச் 31ஆம் தேதி வரை தளர்வுகளுடன் கூடிய ஊரடங்கை நீட்டித்து அரசு உத்தரவிட்டுள்ளது உருமாறிய...

துணை வாக்குச்சாவடி மையங்களில், தஞ்சை ஆட்சியர் நேரில் ஆய்வு!

தஞ்சை தஞ்சாவூர் மாநகராட்சி பகுதிகளில் அமைக்கப்பட்டு உள்ள துணை வாக்குச்சாவடி மையங்களை, மாவட்ட ஆட்சியர் கோவிந்தராவ் இன்று நேரில் பார்வையிட்டு ஆய்வு செய்தார்.

அர்ஜுன மூர்த்திக்கு ரோபோ சின்னம் ஒதுக்கீடு

ரஜினிகாந்த் புதிய கட்சி தொடங்கப்போவதாக சொன்னதும் பாஜகவில் இருந்து விலகி ரஜினியுடன் கைக்கோர்த்தார் அர்ஜூனமூர்த்தி. அவருக்கு, ஒருங்கிணைப்பாளர் என்ற பொறுப்பும் கொடுத்த ரஜினிகாந்த், கடைசியில் கட்சியே தொடங்கவில்லை. உடல்நிலையை கருத்தில்...
TopTamilNews