நாகப்பட்டினம்- 6 மாதத்துக்கு பின் பள்ளிகள் திறப்பு – ஆர்வமுடன் வந்த மாணவர்கள்!

நாகப்பட்டினம்

காரைக்காலில் அரசு மற்றும் தனியார் பள்ளிகளை திறக்க அரசு அனுமதி அளித்ததை அடுத்து, 6 மாதங்களுக்கு பிறகு பள்ளிகள் திறக்கப்பட்டுள்ளன. 10 மற்றும் 12 வகுப்பு மாணவர்கள் ஆர்வத்துடன் பள்ளிகளுக்கு வருகை தந்தனர்.

பல்வேறு கட்டுப்பாடுகளுடன் பள்ளிகளை திறக்க மத்திய அரசு அனுமதி அளித்துள்ளது. அதைத் தொடர்ந்து, காரைக்காலில் உள்ள அரசு மற்றும் தனியார் பள்ளிகள் திறக்கப்பட்டன.

இதையடுத்து இன்று பெற்றோர்களின் அனுமதி கடிதத்துடன் பத்தாம் வகுப்பு மற்றும் பன்னிரண்டாம் வகுப்பு மாணவர்கள் ஆர்வத்துடன் பள்ளிக்கூடங்களுக்கு வருகை தந்தனர்.

பள்ளிக்கு வந்த மாணவ மாணவிகளுக்கு வெப்ப பரிசோதனை செய்யப்பட்டு ஒரு வகுப்பறையில் 20 மாணவ மாணவிகள் அமர வைக்கப்பட்டனர். வகுப்புகள் காலை 10 மணி முதல் மதியம் 1 மணிவரை மட்டுமே நடத்தப்படும். காரைக்காலில் 30 அரசு பள்ளிகள், 46 தனியார் பள்ளிகள் திறக்கப்பட்டுள்ளன.

நாகப்பட்டினம்- 6 மாதத்துக்கு பின் பள்ளிகள் திறப்பு – ஆர்வமுடன் வந்த மாணவர்கள்!#Nagapattinam #schoolsreopening #tngovt pic.twitter.com/b4nslzme7g

— Top Tamil News (@toptamilnews) October 8, 2020

9 மற்றும் 11ஆம் வகுப்புகள் திங்கட்கிழமை முதல் தொடங்க உள்ளதாக காரைக்கால் மாவட்ட முதன்மை கல்வி அலுவலர் தெரிவித்துள்ளார்.