டெல்லியை வீழ்த்தி பிரமாண்ட வெற்றி பெற்ற மும்பை

ஐபிஎல் திருவிழாவில் இன்றைய முதல் போட்டியில் மோதும் அணிகள் டெல்லி கேப்பிடல்ஸ் vs மும்பை இண்டியன்ஸ்!

ஐபிஎல் பாயிண்ட் டேபிளில் முதல் இடத்தைப் பிடித்து பிளே ஆஃப்க்கு தகுதி பெற்றுவிட்டது மும்பை இண்டியன்ஸ். மூன்றாம் இடத்தில் உள்ளது டெல்லி கேப்பிடல்ஸ். இன்று வென்றால் பிளே ஆஃப் செல்ல எளிதாக இருக்கும் டெல்லிக்கு.

டாஸ் வென்ற மும்பை கேப்டன் முதலில் பீல்டிங்கைத் தேர்வு செய்ய, டெல்லி பேட்டிங் ஆடியது. ஓப்பனிங் வீரர்கள் பிரத்திவ் ஷா 10, தவான் 0 என்று அவுட்டாகி அதிர்ச்சி தந்தார். ஸ்ரேயாஸ் ஐயர் 25, பண்ட் 21, ஸ்டொயினிஸ் 2, ஹெட்மெயர் 11, அஸ்வின் 12 என்று வரிசையாக விக்கெட்டுகள் விழுந்துகொண்டே இருந்தன.

மும்பை அணி பவுலர்களின் அசத்தலான பந்து வீச்சால் 20 ஓவர் முடிவில் டெல்லி கேப்பிட்டல்ஸ் அணியால் 110 ரன்கள் மட்டுமே எடுக்க முடிந்தது.

மும்பை தரப்பில் போல்ட், பும்ரா தலா மூன்று விக்கெட்டுகளை வீழ்த்தினர். ஜெயந்த் யாதவ் 3 ஓவர்கள் வீசி 18 ரன்களும், க்ருணால் பாண்டியா 3 ஓவர் வீசி 13 ரன்களுமே கொடுத்திருந்தனர்.

111 எனும் எளிய இலக்கோடு ஆடத் தொடங்கினர் மும்பை அணி வீரர்கள். ஓப்பனிங் வீரர்களாக இஷான் கிஷானும் டி காக்கும் இறங்கினார்கள். 28 பந்துகளில் 26 ரன்கள் எடுத்த நிலையில் நொர்ட்ஜெ பந்தில் விக்கெட்டைப் பறிக்கொடுத்தார் டி காக்.

பிறகு, கிஷனுடன் ஜோடி சேர்ந்தார் சூர்யகுமார். சென்ற போட்டியில் இறுதிவரை நிலைத்து நின்று சூர்யகுமார் ஆடியதைக் குறிப்பிட வேண்டும்.14.2 ஓவரில் 111 ரன்கள் எடுத்து இமாலய வெற்றி பெற்றது மும்பை.