Home தமிழகம் அரசு பேருந்துகளில் ஒரு கோடிக்கும் மேற்பட்டோர் பயணம் : 10 நாட்களில் ரூ.10 கோடி வருவாய்!

அரசு பேருந்துகளில் ஒரு கோடிக்கும் மேற்பட்டோர் பயணம் : 10 நாட்களில் ரூ.10 கோடி வருவாய்!

கடந்த 10 நாட்களில் பேருந்து போக்குவரத்து மூலம் அரசுக்கு ரூ.10 கோடி வருவாய் கிடைத்திருப்பதாக மாநகர போக்குவரத்து கழகம் அறிவித்துள்ளது.

கொரோனா பேரிடர் காலமாக தமிழகத்தில் பொது போக்குவரத்து நிறுத்தி வைக்கப்பட்டிருந்த நிலையில் ஜூன் மாதத்திற்கு பிறகு மீண்டும் கடந்த 1 ஆம் தேதி முதல் பேருந்து போக்குவரத்து ஆரம்பமானது. இதனால் மக்கள் பணிகளுக்கும், தங்கள் சொந்த ஊர்களுக்கு செல்ல ஆன்லைனில் பதிவு செய்தும் பயணித்து வருகின்றனர்.

இந்நிலையில் சென்னை மற்றும் புறநகர் பகுதியில் செப்டம்பர் 1 முதல் இதுவரை ஒரு கோடிக்கும் மேற்பட்டோர் சொந்த ஊர் பயணம் மேற்கொண்டுள்ளதாக மாநகர போக்குவரத்து கழகம் அறிவித்துள்ளது. மாநகர பேருந்துகள் மூலம் ஒரு கோடியே ஒரு லட்சத்து 23 ஆயிரம் பேர் பயணம் செய்துள்ளதாகவும், தினமும் 2,400 க்கும் அதிகமான பேருந்துகள் இயக்கப்பட்டு 10 லட்சம் பேர் பயணம் செய்து வருவதாகவும் போக்குவரத்து கழகம் கூறியுள்ளது.

மேலும் மாநகர பேருந்துகளில் ஒரு கோடிக்கும் மேற்பட்டோர் பயணம் செய்ததன் மூலம் ரூ.10 கோடி வருவாய் கிடைத்துள்ளது என்று தெரிவித்துள்ளது. ஊரடங்கால் மக்கள் மட்டுமல்லாது அரசும் வருவாய் இழப்பால் திணறி வந்த நிலையில் பேருந்து போக்குவரத்து கணிசமான தொகையை ஈட்டி தந்துள்ளது கவனிக்கத்தக்கது.

மாவட்ட செய்திகள்

Most Popular

மூதாட்டி பாலியல் வன்கொடுமை செய்து படுகொலை – போலீஸ் விசாரணை

கிருஷ்ணகிரி ஓசூர் அருகே 62 வயது மூதாட்டியை பாலியல் வன்கொடுமை செய்த மர்மநபர்கள், அவரை கழுத்தை நெரித்து கொலைசெய்துவிட்டு, நகைகளை பறித்துச்சென்ற சம்பவம் அதிர்ச்சியை ஏற்படுத்தி...

தமிழகத்தில் 22 இடங்களில் நடந்த சோதனையில் ரூ.5 கோடி பறிமுதல்!

தமிழகத்தில் 22 இடங்களில் நடந்த சோதனையில் இதுவரை ரூ.5 கோடி ரொக்கம் சிக்கியதாக வருமான வரித்துறை தெரிவித்துள்ளது. ஈரோட்டை சேர்ந்த...

”85 இன்ச் மெகா 4 கே ஒஎல்இடி டிவி – வியு அறிமுகம்” !

ஆப்ஷனல் அப்கிரேட் ஆக விண்டோஸ் 10 இயங்குதளத்தை இயக்கிக்கொள்ளக்கூடிய பிரத்யேக 85 இன்ச் மெகா 4 கே ஒஎல்இடி ஆண்டிராய்ட் டிவியை வியூ நிறுவனம் அறிமுகப்படுத்தி உள்ளது.

தொடர்மழையால் முக்கிய ஏரிகளின் நீர்மட்டம் உயர்வு

திருவள்ளூர் திருவள்ளூர் மாவட்டத்தில் நேற்று நள்ளிரவு முதல் விடிய விடிய மழை பெய்து வருவதால், சென்னைக்கு குடிநீர் வழங்கும் முக்கிய ஏரிகளின் நீர்மட்டம் உயர்ந்து வருவதாக...
Do NOT follow this link or you will be banned from the site!