”குரல் வழி உத்தரவுக்கு கட்டுப்படும் நவீன ரோபோட் வேகுவம் கிளீனர்கள்” – டிரிஃபோ அறிமுகம்

 

”குரல் வழி உத்தரவுக்கு கட்டுப்படும் நவீன ரோபோட் வேகுவம் கிளீனர்கள்” – டிரிஃபோ அறிமுகம்

குரல் வழி உத்தரவுக்கு கட்டுப்பட்டு வீடுகளை சுத்தப்படுத்தும் ரோபாட் தொழில்நுட்பத்திலான வேகுவம் கீளினர்களை டிரிஃபோ நிறுவனம் அறிமுகப்படுத்தி உள்ளது.

”குரல் வழி உத்தரவுக்கு கட்டுப்படும் நவீன ரோபோட் வேகுவம் கிளீனர்கள்” – டிரிஃபோ அறிமுகம்
”குரல் வழி உத்தரவுக்கு கட்டுப்படும் நவீன ரோபோட் வேகுவம் கிளீனர்கள்” – டிரிஃபோ அறிமுகம்

எம்மா ஸ்டாண்டர்ட் மற்றும் எம்மா பெட் என இருவேறு வகைகளில் இந்த ரோபாட் வேகுவம் கிளீனர்கள் அறிமுகமாகி உள்ளது. இதில் 2600எம்ஏஎச் பேட்டரி உள்ளது என்றும் இதனால் ஒரு முழுமையான சார்ஜ்க்கு 110 நிமிடங்களுக்கு தொடர்ந்து இயங்கும் என தெரிவிக்கப்பட்டுள்ளது.

இந்த ரோபோட் தொழில்நுட்பத்திலான வேகுவம் கிளீனர்களில் பல நவீன வசதிகள் உள்ளன. இதை வைஃபை உடன் இணைத்துக்கொள்ளலாம் என்றும், அலெக்ஸா உடன் இணைத்து குரல் வழி உத்தரவிட்டு இவற்றை கட்டுப்படுத்தலாம் என தெரிகிறது. அதாவது ”அலெக்ஸா., டர்ன் ஆன் எம்மா என குரல் கொடுத்து, இந்த வேகுவம் கிளீனர்களை பணிசெய்ய வைக்கலாமாம். மேலும் கொடுக்கப்பட்ட பணி முடிந்த உடனோ அல்லது சார்ஜ் முடியும் நிலையிலோ தானாகவே அதை உணர்ந்து, அதன் சார்ஜிங் ஸ்டேஷனுக்கு இந்த வேகுவம் கிளீனர்கள் சென்று விடுமாம்.

செல்லப்பிராணிகளின் முடி வீடுகளின் தரையில் ஆங்காங்கே கிடந்தால், இந்த வேகுவம் கிளீனர்கள் அதை உறிந்து சுத்தப்படுத்தும் தன்மை கொண்டதாம். இதில் 600 மில்லி கொள்ள ளவு கொண்டதால் அடிக்கடி குப்பை பேக்கை மாற்ற வேண்டிய தேவை இருக்காது என்றும், நீளமான பிரஷ் மற்றும் ஸ்மார்ட் சென்சார்கள் இருப்பதால் இல்லங்களை மிக நேர்த்தியாக இது சுத்தப்படுத்தும் என தெரிவிக்கப்பட்டுள்ளது.

கலிபோர்னியாவை சேர்ந்த டிரிஃபோ நிறுவனம் அறிமுகப்படுத்தி உள்ள இந்த வேகுவம் கிளீனர்கள், செயற்கை நுண்ணறிவு தொழில்நுட்பம் கொண்டது என்றும், இதன் மூலம், வீடுகளின் வடிவத்தையும், சுத்தப்படுத்த வேண்டிய வழித்தடங்களையும் அவ்வப்போது தானாகவே புரிந்துகொண்டு தன்னை அப்டேட் செய்து கொள்ளும் திறன் படைத்தது என்றும் தெரிகிறது.

”குரல் வழி உத்தரவுக்கு கட்டுப்படும் நவீன ரோபோட் வேகுவம் கிளீனர்கள்” – டிரிஃபோ அறிமுகம்

இந்த வேகுவம் கிளீனர்களை டிரிஃபோ ஹோம் செல்போன் செயலி மூலமகாவும் இதை கட்டுப்படுத்தலாம் என்றும் இந்த செயலி, ஆப்பிள் ஸ்டோர் மற்றும் ஆண்டிராய்ட் பிளே ஸ்டோரிலும் கிடைக்கிறது. இந்த இரண்டு மாடல்களில் எம்மா ஸ்டாண்டர்ட் வேகுவம் கிளீனர்கள் 21,990 ரூபாய்க்கும், எம்மா பெட் வேகுவம் கிளீனர்கள், 23,990 ரூபாய்க்கும் அமேசான் மற்றும் பிளிப்கார்ட் வலைதளத்தில் விற்பனைக்கு கிடைக்கிறது.

  • எஸ். முத்துக்குமார்