அரியர் மாணவர்களின் அரசன் எடப்பாடியார் – சட்டப்பேரவையில் கருணாஸ் புகழாரம்!
Sep 16, 2020, 11:01 IST1600234302000
4 ஆண்டுகளில் எத்தனையோ சோதனைகளை சாதனைகளாக மாற்றியவர் எடப்பாடி பழனிசாமி என்று எம்எல்ஏ கருணாஸ் புகழாரம் சூட்டியுள்ளார்.
தமிழக சட்டப்பேரவை கூட்டத்தொடர் கடந்த 14 ஆம் தேதி தொடங்கி இன்றுடன் நிறைவு பெறுகிறது.
மூன்றாம் நாளான இன்று துணை பட்ஜெட் தாக்கல், ஜெயலலிதாவின் போயஸ் கார்டன் இல்லத்தை அரசுடைமையாக்கியதற்கான சட்ட மசோதா தாக்கல் என பல முக்கிய அம்சங்கள் இடம் பெறுகிறது.
இந்நிலையில் பேரவையில் இன்று எம்எல்ஏ கருணாஸ் பேசுகையில், 10 ஆம் வகுப்பு மாணவர்கள் அனைவரும் தேர்ச்சி, அவர்கள் வேண்டிய எந்த சாமியும் செய்யாததை செய்தார் எடப்பாடி பழனிசாமி. 4 ஆண்டுகளில் எத்தனையோ சோதனைகளை சாதனைகளாக மாற்றியவர் என்றும் 40 ஆண்டு அத்திவரதரையும் பார்த்துவிட்டீர்கள், நாற்றங்காலும் நட்டு விட்டீர்கள்” என்று புகழ்ந்து பேசினார்.