Home அரசியல் 'சசிகலாவிடம் இருந்து தப்பிக்க முதல்வர் டெல்லி பயணம்' : மு.க ஸ்டாலின் விமர்சனம்!

‘சசிகலாவிடம் இருந்து தப்பிக்க முதல்வர் டெல்லி பயணம்’ : மு.க ஸ்டாலின் விமர்சனம்!

தமிழகத்தில் சட்டமன்றத் தேர்தல் நெருங்கி வரும் சூழலில், அரசியல் களம் சூடு பிடித்துள்ளது. ஆளும் கட்சியுடனான எதிர்க்கட்சியின் மோதல் நாளுக்கு நாள் வலுக்கிறது. தேர்தலில் பாஜகவுடன் கூட்டணியை அதிமுக உறுதிப்படுத்தியிருக்கும் நிலையில், அரசு முறை பயணமாக டெல்லி சென்ற முதல்வர் பிரதமருடன் பேச்சுவார்த்தை நடத்தினார். தமிழகத்திற்கு தேவையான திட்டங்கள் குறித்தும், சட்டமன்றத் தேர்தல் குறித்தும் அவர் பேச்சுவார்த்தை நடத்தியதாக தெரிகிறது.

முதல்வரின் இந்த பயணம், அரசு முறை பயணம் என்று சொல்லப்பட்டாலும் இதன் முக்கிய நோக்கம் தேர்தல் ரீதியாக தான் இருக்கும் என அரசியல் விமர்சகர்கள் தெரிவிக்கின்றனர். குறிப்பாக சிறையில் இருந்து சசிகலா விடுதலையாகவிருக்கும் நிலையில், திடீரென முதல்வர் டெல்லி சென்றதற்கு என்ன காரணம்? பிரச்சாரத்திற்கு முன்பே முதல்வர் சென்றிருக்கலாமா? என்றெல்லாம் எதிர்க்கட்சிகள் கேள்வி எழுப்பி வருகின்றன.

இந்த நிலையில், சசிகலாவிடம் இருந்து தன்னைப் பாதுகாத்துக் கொள்ளவே பிரதமர் மோடியையும் அமித்ஷாவையும் முதல்வர் பழனிசாமி சந்தித்ததாக திமுக தலைவர் மு.க ஸ்டாலின் விமர்சித்துள்ளார். மேலும் அதிமுக மீது தொடர்ந்து ஊழல் குற்றச்சாட்டுகளை முன்வைத்து வரும் ஸ்டாலின், வாழைப்பழத்தில் ஊசி நுழைவது போல் வெளியே தெரியாத வகையில் அமைச்சர் தங்கமணி ஊழல் செய்து வருவதாகவும் குற்றஞ்சாட்டினார்.

மேலும், புதுச்சேரியில் திமுகவை வலுப்படுத்த சிறப்பு கவனம் செலுத்தப்பட்டு வருகிறது என்றும் புதுச்சேரி தேர்தலுக்கு இன்னும் அறிவிப்பு வரவில்லை, இதனை கூட்டணியுடன் குழப்பிக்கொள்ள வேண்டாம் என்றும் மு.க ஸ்டாலின் தெரிவித்தார்.

மாவட்ட செய்திகள்

Most Popular

கூட்டணி கட்சிகளுக்கு அள்ளிக்கொடுத்த கமல்! நள்ளிரவில் கையெழுத்தான ஒப்பந்தம்!!

கூட்டணி மற்றும் தொகுதி பங்கீடு குறித்து பல நாட்களாக நடைபெற்ற பேச்சுவார்த்தை நள்ளிரவில் முடிவுற்று ஒப்பந்தம் கையெழுத்திடப்பட்டு இருக்கிறது. தமிழக சட்டமன்றத் தேர்தல் அடுத்த மாதம்...

திமுக கூட்டணியே ஆட்சியமைக்கும்… டைம்ஸ்நவ் சிவோட்டர்ஸ் கருத்துக் கணிப்பு முடிவு

டைம்ஸ் நவ் சி வோட்டர்ஸ் கருத்துக்கணிப்புகளுக்கும் தேர்தல் இறுதி முடிவுக்கும், வேறுபாடு இருக்காது. தேர்தலுக்கு முந்தைய மற்றும் பிந்தைய என இரு கருத்துக்கணிப்புகளையும் அந்நிறுவனங்கள் வெளியிடும். கிட்டத்தட்ட அவற்றின் கருத்துக்கணிப்பின்படியே...

சுயேட்சை வேட்பாளர்களாக களமிறங்கும் சின்னம்மா பேரவை அமைப்பினர்!

அரசியலை விட்டு ஒதுங்கி இருந்து ஜெயல‌லிதாவின் பொற்கால ஆட்சி அமைய இறைவனிடம் பிரார்த்திக்கிறேன் அறிக்கை என சசிகலா அறிக்கை வெளியிட்டிருந்தார். அதில், “நான் என்றும் பதவிக்காகவோ, அதிகாரத்திற்காகவோ, ஆசைப்பட்டதில்லை. ஜெயலலிதாவின்...
TopTamilNews