• April
    07
    Tuesday

Main Area

Main



தமிழகத்தில் 100 யூனிட் மின்சாரம் எக்காரணம் கொண்டும் ரத்து செய்யப்படமாட்டாது- தங்கமணி

minister thangamani
minister thangamani

தமிழகத்தில் 100 யூனிட் மின்சாரம் எக்காரணம் கொண்டும் ரத்து செய்யப்படமாட்டாது என அமைச்சர் தங்கமணி தெரிவித்துள்ளார். 

கடந்த ஐந்து ஆண்டுகளாக தமிழகத்தில் மின்சார கட்டணம் உயர்த்தப்படாமல் உள்ளதால் அதிக மானியத்தை மின்சார வாரியம் தமிழக அரசிடம் எதிர்பார்க்க வேண்டிய சூழல் உள்ளதாகவும் இதனால்  விரைவில் மின் கட்டண உயர்வு குறித்த வரைவு பட்டியலை தயாரிக்க வேண்டும் என்றும் மின்சார வாரியத்திற்கு தமிழ்நாடு மின்சார ஒழுங்குமுறை ஆணையம் அண்மையில் அறிக்கை வெளியிட்டிருந்தது. இதனால் மின்கட்டணம் உயர வாய்ப்பிருப்பதாக தெரிவிக்கப்பட்டிருந்தது. 

minister thangamani

இந்நிலையில் தமிழகத்தில் புதுப்பிக்கதக்க மின்சார மேலாண்மை மையம் சென்னை அண்ணா சாலை உள்ள மின்வாரிய அலுவலகத்தில் திறக்கப்பட்டது. இந்நிகழ்ச்சியில் கலந்துகொண்டபின் செய்தியாளர்களை சந்தித்த அமைச்சர் தங்கமணி, “புதுப்பிக்கதக்க மின்சாரம் எந்த அளவிற்கு உற்பத்தி ஆகிறது என்பதை கண்காணிக்கும் மையம் தொடங்கப்பட்டுள்ளது. போதிய அளவு மின்சாரம் உற்பத்தி செய்யப்பட்டு வருவதால் தமிழகத்தில் மின்வெட்டு என்ற பேச்சுக்கே இடமில்லை. தமிழகத்தில் 100 யூனிட் இலவச மின்சாரம் யாருக்கும் ரத்து செய்யப்பட மாட்டாது. தமிழகத்தில் இப்போது மின் கட்டண உயர்வு இருக்காது. கோடைக்காலத்தில் மின் தட்டுப்பாடும் வராது” என தெரிவித்தார். 


 

2018 TopTamilNews. All rights reserved.