கூட்டுறவு வங்கிகளைக் கையகப்படுத்தும் சட்டம் தமிழகத்துக்குத் தேவையில்லை! – செல்லூர் ராஜூ எதிர்ப்பு

மத்திய அரசு கொண்டு வந்துள்ள கூட்டுறவு வங்கிகளை ரிசர்வ் வங்கியின் நேரடி கட்டுப்பாட்டில் கொண்டு செல்லும் சட்டத்துக்கு தமிழக கூட்டுறவுத் துறை அமைச்சர் செல்லூர் ராஜூ எதிர்ப்பு தெரிவித்துள்ளார்.

கூட்டுறவு வங்கிகளில் முறைகேடு நடப்பதாக கூறி அவற்றை ரிசர்வ் வங்கியின் நேரடி கட்டுப்பாட்டில் கொண்டு செல்ல மத்திய அரசு சட்டம் கொண்டுவந்துள்ளது. இதற்கு நாடு முழுவதும் எதிர்ப்பு கிளம்பியுள்ளது. இது குறித்து மதுரையில் தமிழக கூட்டுறவுத் துறை அமைச்சர் செல்லூர் ராஜூவிடம் நிருபர்கள் கேள்வி எழுப்பினர்.

அதற்கு அவர், “இந்த விவகாரம் தொடர்பாக மத்திய அரசுக்கு முதல்வர் எடப்பாடி பழனிசாமி கடிதம் எழுத உள்ளார். பிற மாநிலங்களில் முறைகேடுகள் நடந்ததால்தான் சட்டம் கொண்டு வரப்பட்டுள்ளது. தமிழகத்தில் அப்படி ஒரு நிலை இல்லை. நம்முடைய முன்னோர்கள் எல்லாம் மிக நுணுக்கமாகச் சட்டத்தை உருவாக்கியுள்ளனர். எனவே, தமிழகத்திற்கு அப்படி ஒரு சட்டம் தேவையில்லை.

இந்த சட்ட முன்வடிவு தயாராகும் நிலையிலேயே, தமிழகத்தில் கூட்டுறவு வங்கிகள் சிறப்பாக செயல்பட்டு வருகின்றன என்று கடந்த மார்ச் 24ம் தேதி முதல்வர் எடப்பாடி பழனிசாமி பிரதமர் மோடிக்கு கடிதம் அனுப்பியிருந்தார். மீண்டும் தமிழகத்தில் கூட்டுறவு வங்கிகள் செயல்பாடு, தமிழகத்தில் பின்பற்றப்படும் நடவடிக்கைகளைக் குறிப்பிட்டு இந்த சட்டம் தேவையில்லை என்று முதலமைச்சர் கடிதம் எழுத உள்ளார்” என்றார்.

Most Popular

கொரோனாவை குணப்படுத்துவதாகக் கூறி லாபம் ஈட்ட முயன்ற பதஞ்சலிக்கு ரூ.10 லட்சம் அபராதம்

கொரோனாவை குணப்படுத்துவதாகக் கூறி மக்களின் அச்சத்தை பயன்படுத்தி லாபம் ஈட்ட முயன்றதாக பதஞ்சலி நிறுவனத்திற்கு ரூ.10 லட்சம் அபராதம் விதித்து சென்னை உயர்நீதிமன்றம் உத்தரவு பிறப்பித்துள்ளது. கனரக தொழிற்சாலைகளில் இயந்திரங்களை சுத்தப்படுத்துவதற்கான ரசாயன கலவையை...

’இந்த லிஸ்ட்டில் நானா?’ கிரிக்கெட்டர் மிதாலி ராஜ் ஆச்சரியம் – டாப்ஸி பெருமை!

ஆண்கள் மட்டுமே கோலோச்சிய வந்த கிரிக்கெட் உலகத்தில் ஒரு பெண் சட்டென்று எல்லோரின் பார்வையையும் தன்னை நோக்கி திரும்பிப் பார்க்க வைத்தவர் மிதாலி ராஜ். ஆண்கள் கிரிக்கெட்டில் சச்சின் எப்படி கருதப்பட்டரோ அதற்கு...

கொரோனா காரணமாக நீட், ஜேஇஇ தேர்வுகளை ஒத்தி வைக்க கோரி மனு!

நடப்பு கல்வி ஆண்டுக்கான நீட் மற்றும் ஜேஇஇ தேர்வுகளை ரத்து செய்ய உத்தரவிடக்கோரி உச்சநீதிமன்றத்தில் மனு தாக்கல் செய்யப்பட்டுள்ளது. கொரோனா ஊரடங்கு காரணமாக மே மாதம் நடைபெறவிருந்த நீட் தேர்வு ஜூலை 26-ஆம் தேதிக்கு...

“வாஷிங் மெஷின் போல ஏடிஎம் மெஷினை அடிக்கடி தூக்கி செல்லும் கூட்டம் ” -இந்நிலை நீடித்தால் இனி ஏடிஎம் மெஷின்ல காசுக்கு பதில் காத்துதான் வரும்.

தென்மேற்கு டெல்லியில் உள்ள ராஜோக்ரி கிராமத்தில் செவ்வாய்க்கிழமை அதிகாலை 4 மணியளவில் ஒரு ஏடிஎம் மெஷினை அடையாளம் தெரியாத இருவர் தூக்கி சென்றனர் .அந்த மெஷினில் மொத்தம் 18 லட்ச ரூபாய் பணம்...