• December
    13
    Friday

Main Area

Main



திரையரங்குகளில் படத் தலைப்புக்கு முன் திருக்குறள் - அமைச்சர் கடம்பூர் ராஜூ...

Kadambur Raju
Kadambur Raju

திரையரங்குகளில் திரைப்படத் தலைப்புக்கு முன்பு திருவள்ளூர் படத்துடன் திருக்குறள் திரையிடப்படும் என அமைச்சர் கடம்பூர் செ. ராஜூ தெரிவித்துள்ளார். 

தேசிய பத்திரிக்கையாளர்கள் தினத்தை முன்னிட்டு கோவில்பட்டியில் செய்தியாளர்களுடன்‌ கேக் வெட்டி கொண்டாடிய தமிழக செய்தி மற்றும் விளம்பரத்துறை அமைச்சர் கடம்பூர் செ.ராஜு, “திரையரங்குகளில் திரைப்படத் தலைப்புக்கு முன்பு திருவள்ளூர் படத்துடன் திருக்குறள் திரையிடப்படும். தமிழகத்தில் பருவமழை காலத்தை முன்னிட்டு கால்நடைகளுக்கு ஏற்படும் நோய்த் தாக்குதலுக்கு தேவையான சிகிச்சை அளிக்க போதிய மருத்துவ வசதிகள் உள்ளன. 

திருக்குறள்

உள்ளாட்சி தேர்தலை பொறுத்தவரை முதன்முதலில் போட்டியிட விரும்புபவர்களிடமிருந்து அதிமுகதான் விருப்ப மனுக்களை பெற்றது. அதன் பின்னர் தான் திமுக உள்ளிட்ட கட்சிகள் விருப்ப மனுக்களை பெற்று வருகின்றன. வாக்காளர் பட்டியல் வெளிப்படையாக மக்களுக்கு வழங்கப்பட்டுள்ளது. முன்னாள் முதல்வர்கள் எம்ஜிஆர், ஜெயலலிதா ஆகியோரின் வெற்றிடங்களை அவர்கள்தான் நிறைவு செய்ய முடியும். அவர்களுக்கு பின்னர் கட்சியில் வெற்றிடம் இல்லாமல் இருப்பதால் தான் ஆட்சி முழுமையாக செயல்படுத்தப்படுகிறது. தமிழக முதல்வரும், கட்சியின் ஒருங்கிணைப்பாளரும் வெற்றிடம் இல்லாமல் கட்சியையும், ஆட்சியையும் மட்டுமல்ல தமிழகத்தையே வழி நடத்தி வருகின்றனர். வெற்றிடம் என்று நினைப்பவர்களுக்கு, அதை நினைக்க உரிமை உண்டு. தமிழகத்தைப் பொருத்தவரை வெற்றிடம் என்பதே இல்லை” என்று கூறினார்.
 

2018 TopTamilNews. All rights reserved.