‘இந்த நேரத்தில் மட்டுமே மெட்ரோ ரயில் இயங்கும்’.. மெட்ரோவுக்கு நேரக் கட்டுப்பாடு!

காலை 8 மணி முதல் இரவு 8 மணி வரை மட்டுமே மெட்ரோ ரயில்கள் இயக்கப்படும் என மெட்ரோ நிர்வாகம் அறிவித்துள்ளது.

தமிழகத்தில் கொரோனா பாதிப்பின் காரணமாக பொதுப்போக்குவரத்து சேவை அனைத்தும் முடக்கப்பட்டிருந்தது. ஆனால் கிட்டத்தட்ட 5 மாதங்களாக பொதுப்போக்குவரத்து இல்லாமல் பொதுமக்கள் மிகவும் சிரமப்பட்டு வந்தனர். அதனை கருத்தில் கொண்ட அரசு, கடந்த 1 ஆம் தேதி முதல் பேருந்துகளை இயக்க அனுமதி அளித்தது. அதே போல 7 ஆம் தேதியில் இருந்து மெட்ரோ ரயில்களும் இயங்கும் என அறிவித்தது. இந்த அறிவிப்பு மக்களிடையே பெரும் மகிழ்ச்சியை ஏற்படுத்தியது.

இதனிடையே மாவட்டங்களுக்கு இடையேயான பேருந்து இயக்கம் மற்றும் பயணிகள் ரயில் சேவையையும் 7 ஆம் தேதி முதல் அனுமதிப்பதாக அறிவிக்கப்பட்டது. ஆனால், சென்னை புறநகர் ரயில்கள் இயங்குவது குறித்த எந்த விளக்கமும் அளிக்கப்படவில்லை. இந்த நிலையில் 7 ஆம் தேதி முதல் இயங்க உள்ள மெட்ரோ ரயிலுக்கு நேரக்கட்டுப்பாடு விதிக்கப்பட்டுள்ளது.

அதாவது சென்னையில் காலை 8 மணி முதல் இரவு 8 மணி வரை மட்டுமே மெட்ரோ ரயில்கள் இயங்கும் என்றும் அலுவலக நேரமான காலை 8.30 முதல் 10.30 வரை 5 நிமிடத்துக்கு ஒரு ரயில் இயக்கப்படும் என்றும் அலுவலகம் இல்லாத நேரத்தில் 10 நிமிடத்துக்கு ஒரு ரயில் இயக்கப்படும் என்றும் மெட்ரோ நிர்வாகம் அறிவித்துள்ளது. மேலும், 7 ஆம் தேதி முதல் சென்னை விமான நிலையம் முதல் வண்ணாரப்பேட்டை இடையே ரயில்கள் இயக்கப்படும் என்றும் 9 ஆம் தேதி முதல் பரங்கிமலையில் இருந்து சென்ட்ரல் வரை ரயில்கள் இயக்கப்படும் என்றும்