Home அரசியல் கேக் கட்டிங்.. கொண்டாட்டம்... ஆடம்பர மதிய உணவு கிடையாது.. மாயாவதி முடிவால் கட்சி தொண்டர்கள் வருத்தம்

கேக் கட்டிங்.. கொண்டாட்டம்… ஆடம்பர மதிய உணவு கிடையாது.. மாயாவதி முடிவால் கட்சி தொண்டர்கள் வருத்தம்

பகுஜன் சமாஜ் கட்சி தலைவர் மாயாவதி இந்த ஆண்டு தனது பிறந்த நாளை (ஜனவரி 15) கொண்டாட வேண்டாம் என்று முடிவு செய்துள்ளார். இதனால் அந்த கட்சி தொண்டர்கள் வருத்தத்தில் உள்ளனர்.

உத்தர பிரதேசத்தின் முன்னாள் முதல்வரும், பகுஜன் சமாஜ் கட்சி தலைவருமான மாயாவதி 1956 ஜனவரி 15ம் தேதியன்று பிறந்தார். ஆகையால் பகுஜன் சமாஜ் கட்சி தொண்டர்கள் ஒவ்வொரு ஆண்டும் ஜனவரி 15ம் தேதியன்று மாயாவதியின் பிறந்த நாளை சிறப்பாக கொண்டாடுவர். அந்த கட்சியின் அலுவலகத்தில், கொண்டாட்டம், கேக் கட்டிங் மற்றும் தடபுடலான மதிய விருந்து நடக்கும்.

கேக் வெட்டும் தொண்டர்கள் (கோப்புப்படம்)

இந்நிலையில் மாயாவதி நாளை 65 வயதில் அடியெடுத்து வைக்க உள்ளார். இதனால் பகுஜன் சமாஜ் கட்சி தொண்டர்கள் அவரது பிறந்த நாளை சிறப்பாக கொண்டாட திட்டமிட்டு இருந்தனர். இந்நிலையில் இந்த ஆண்டு தனது பிறந்த நாளை கொண்டாடப் போவதில்லை என்று மாயாவதி முடிவு செய்துள்ளார். அதேசமயம் ஜனவரி 15ம் தேதியை சிக்கன தினமாக கடைப்பிடிக்கும்படி தனது தொண்டர்களுக்கு வேண்டுகோள் விடுத்துள்ளார். மேலும், ஏழைகளுக்கு போர்வைகள், உடைகள் மற்றும் தேவைப்படும் நபர்களுக்கு முடிந்தால் பண உதவியும் செய்யும்படி தொண்டர்களை வலியுறுத்தியுள்ளார்.

பகுஜன் சமாஜ் கட்சி

இது தொடர்பாக பகுஜன் சமாஜ் கட்சி வட்டாரங்கள் கூறுகையில், கடந்த ஆண்டு நவம்பரில் தனது தந்தை இறந்தது, கொரோனா வைரஸ் தொற்று நோய் பரவல் மற்றும் வேளாண் சட்டங்களை எதிர்த்து விவசாயிகள் நடத்தி வரும் போன்ற பல்வேறு காரணங்களால் இந்த ஆண்டு தனது பிறந்த நாளை கொண்டாட வேண்டாம் என்று மாயாவதி முடிவு செய்துள்ளார். இதனால் பகுஜன் சமாஜ் கட்சி அலுவலகத்தில் இந்த ஆண்டு கேக் வெட்டுவது, கொண்டாட்டங்கள் மற்றும் ஆடம்பரமான மதிய உணவு உள்ளிட்டவை கிடையாது என்று கட்சி தெரிவித்துள்ளது. மாயாவதி பிறந்த நாளன்று டெல்லியில் இருப்பார் என தெரிகிறது என்று தெரிவித்தன.

மாவட்ட செய்திகள்

Most Popular

ஏப்ரல் மாதத்துடன் பழைய ரூ.5,10,100 நோட்டுகள் செல்லாது- ரிசர்வ் வங்கி

மார்ச் அல்லது ஏப்ரல் மாதத்துக்குள் பழைய ரூ.5,10,100 நோட்டுக்கள் திரும்பப்பெறப்படும் என ரிசர்வ் வங்கி அறிவித்துள்ளது. கருப்பு பணத்தை ஒழிக்க கடந்த 2016 ஆம் ஆண்டு...

அருகம்புல் ஜூஸ் தெரியும்… கோதுமை புல் ஜூஸ் பயன்கள் தெரியுமா?

ஹெல்த்தி ஃபுட் ஆர்வலர்களின் தேர்வாக அருகம்புல் சாறு உள்ளது. காலையில் வாக்கிங் செல்பவர்கள் ஒரு டம்ளர் அருகம்புல் ஜூஸ் குடித்துவிட்டு வீட்டுக்குத் திரும்புவது வழக்கமாக மாறிவிட்டது. அதை விட அதிக...

சசிகலா விடுதலையாகி வந்து அரசியலில் நுழையவேண்டும்- பிரேமலதா விஜயகாந்த்

சட்டமன்ற தேர்தலில் விஜயகாந்த் அனுமதி அளித்தால் போட்டியிடுவேன் என தேமுதிக பொருளாளர் பிரேமலதா விஜயகாந்த் தெரிவித்துள்ளார். தேமுதிக சார்பில் செங்கல்பட்டு மாவட்டம் 2021 சட்டமன்ற தேர்தலுக்கான...

ஐசியூவில் சிகிச்சை பெறும் சசிகலா உணவு உட்கொள்கிறார்! மருத்துவமனை அறிக்கை

சொத்துகுவிப்பு வழக்கில் சிறை தண்டனை அனுபவித்து வந்த சசிகலாவுக்கு கடந்த சில தினங்களுக்கு முன்பு உடல்நலக்குறைவு ஏற்பட்டது. இதனால் அவர் சிவாஜி நகர் அரசு மருத்துவமனையில் சிகிச்சைக்காக அழைத்து செல்லப்பட்டார்....
Do NOT follow this link or you will be banned from the site!