கால்பந்து விளையாட்டின் சரித்திரம் மாரடோனா – பத்து விஷயங்கள்! RIP_Maradona

உலகில் பல கோடி பேருக்கு கால்பந்து விளையாட்டு பிடிக்க காரணமான அற்புதமான வீரர் மாரடோனா நேற்று மறைந்தார். அவரி இழப்பு ரசிகர்களுக்கு மட்டுமல்ல விளையாட்டுத் துறைக்கே பேரிழப்பு. மாரடோனா பற்றிய பத்து விஷயங்கள்.

ஒன்று: 1960 ஆம் ஆண்டு அக்டோபர் 25-ம் நாள் அர்ஜெண்டினாவில் பிறந்தவர். கியூபா விடுதலைக்குப் போராடிய சேகுவெரா பிறந்த நாடும் அதுதான்.

இரண்டு: மிகவும் வறுமையில் வாடிய குடும்பத்தில்தான் பிறந்தவர் மாரடோனா. மிகச் சிறுவயதில் உறவினர் பரிசாகத் தந்த கால்பந்தே அவரை அதன்மீது ஆர்வம் வரச்செய்தது.

மூன்று: 21 ஆண்டுகள் மாரடோனா கால்பந்து விளையாட்டை தொழில்முறையா ஆடியவர். 491 போட்டிகளில் ஆடிய இவர், 295 கோல்களை அடித்தவர்.

நான்கு: 1986 ஆம் ஆண்டு அர்ஜெண்டினா உலக கோப்பையை வெல்ல முக்கியக் காரணம் அப்போது கேப்டான இருந்து அணியை திறமையாக வழி நடத்திய மாரடோனாதான்.

ஐந்து: 1990 ஆம் ஆண்டில் அர்ஜெண்டினா அணிதான் உலக கோப்பையை வெல்லும் என பலரையும் நம்ப வைத்ததும், இறுதிப்போட்டி வரை அணியை அழைத்துச் சென்றதும் மாரடோனாதான். ஆனால், அம்முறை கோப்பையை வெல்ல முடியவில்லை.

ஆறு: பிஃபா அமைப்பு 2000 ஆம் ஆண்டு நூற்றாண்டின் சிறந்த கால்பந்து வீரர் நடத்திய வாக்கெடுப்பில் 53.6 வாக்குகள் பெற்று முதலிடத்தைப் பிடித்தார். அதாவது வாக்களித்ததில் பாதிக்கும் மேற்பட்டோரின் சாய்ஸ் இவரே.

ஏழு: 60 மீட்டர் தொலைவிலிருந்து மாரடோனா அடித்த கோல் இன்றைய வரைக்கும் சிறப்பான கோல் என்று புகழப்படுகிறது.

எட்டு: கிளாடியா வில்லஃபேன் என்பவரை 1984 ஆம் ஆண்டு திருமணம் செய்துகொண்டார். இவர்களுக்கு ஐந்து குழந்தைகள். 2003 ஆம் ஆண்டு மனைவி மரணம் அடைந்துவிட்டார்.

ஒன்பது: போதை மருந்து பழக்கத்தால் மாரடோனா கால்பந்து விளையாட்டிலிருந்து நீக்கப்பட்டிருந்தார்.

பத்து: கியூப நாட்டு அதிபர் பிடல் காஸ்ட்ரோ மீது மிகுந்த மரியாதை கொண்டவர். பிடலை மாரடோனா எடுத்து தொலைக்காட்சி பேட்டி உலகமே வியந்து பார்த்த ஒன்று. பிடல் இறந்த நவம்பர் 25-ம் தேதியே மாரடோனாவும் இறந்துள்ளார்.