• December
    12
    Thursday

Main Area

Main



காதலனை தாக்கிவிட்டு காதலியை கடத்தி சென்று பாலியல் வன்கொடுமை செய்த இளைஞர்!

Rape
Rape

திருச்சியில் காதலனை தாக்கிவிட்டு, கல்லூரி மாணவியை கடத்திச் சென்று பாலியல் வன்கொடுமை செய்த இளைஞரை காவல்துறையினர் கைது செய்தனர். 

திருச்சி துவாக்குடியில் உள்ள என்.ஐ.டியில் மகாராஷ்டிராவை சேர்ந்த ஒரு பெண் 3ம் ஆண்டு படித்து வருகிறார். இவர் நேற்று அதிகாலை 3 மணியளவில் சென்னை கல்பாக்கத்தில் பணியாற்றும் தனது காதலனுடன் என்.ஐ.டி அருகே உள்ள பேருந்து நிறுத்தத்தில் அமர்ந்து பேசிக்கொண்டிருந்தார்.  அப்போது, அவ்வழியாக வந்த வாழவந்தான் கோட்டை பெரியார் நகரை சேர்ந்த மணிகண்டன் என்பவர், போலீஸ் எனக்கூறி, அவர்களை அழைத்து மிரட்டியுள்ளார்.

தொடர்ந்து மாணவியுடன் பேசிக் கொண்டிருந்த இளைஞரை அடித்து துரத்திவிட்டு, மாணவியை என்.ஐ.டி வளாகத்தில் உள்ள காட்டுப்பகுதிக்குள் இழுத்துச்சென்று பாலியல் வன்கொடுமை செய்துள்ளார். பாதிக்கப்பட்ட மாணவி திருச்சியிலுள்ள தனியார் மருத்துவமனையில் அனுமதிக்கப்பட்டுள்ளார். இதுகுறித்து மாணவியின் தந்தை அளித்த புகாரின்பேரில் மணிகண்டனை கைது செய்து காவல்துறையினர் விசாரணை நடத்தி வருகின்றனர். 
 

2018 TopTamilNews. All rights reserved.