Home தமிழகம் ஜெயலலிதா நினைவு இல்லத்தை மக்கள் பார்வையிட தடை நீட்டிப்பு!

ஜெயலலிதா நினைவு இல்லத்தை மக்கள் பார்வையிட தடை நீட்டிப்பு!

மறைந்த முதல்வர் ஜெயலலிதாவின் போயஸ் கார்டன் இல்லம், நினைவு இல்லமாக மாற்றப்பட்டது. இல்லம் கடந்த மாதம் திறந்து வைக்கப்பட்டது. ஆனால் பொதுமக்கள் பார்வைக்கு அனுமதிக்கப்படவில்லை. போயஸ் தோட்ட இல்லத்தைக் கையகப்படுத்தியதை எதிர்த்தும், இழப்பீடு உத்தரவை எதிர்த்தும் தீபக், தீபா ஆகியோர் தாக்கல் செய்த வழக்குகளை விசாரித்த தனி நீதிபதி சேஷசாயி, போயஸ் கார்டன் இல்லத்தை பொதுமக்கள் பார்வையிட அனுமதிக்கக் கூடாது என உத்தரவிட்டார்.

ஜெயலலிதா நினைவு இல்லத்தில் மக்களை அனுமதிக்க தடை நீட்டிப்பு

இந்த உத்தரவை எதிர்த்து சென்னை உயர் நீதிமன்றத்தில் தமிழக அரசு மேல் முறையீடு செய்தது. இதனை விசாரித்த சென்னை உயர் நீதிமன்றம், ஜெயலலிதாவின் நினைவு இல்லத்துக்கு பொதுமக்களை அனுமதிக்க விதித்த தடையை நீட்டித்தது. அதேசமயம் பொதுமக்கள் பார்வைக்கு திறந்துவிடக் கூடாது என்ற தனி நீதிபதியின் உத்தரவை எதிர்த்த அரசின் மேல்முறையீட்டு வழக்குகளை முடித்துவைத்தது. போயஸ் இல்லத்தை கையகப்படுத்தியதை எதிர்த்து தீபா, தீபக் வழக்குகளைச் சேர்த்து விசாரிக்க சென்னை உயர் நீதிமன்றம் மறுத்துவிட்டது.

மாவட்ட செய்திகள்

தேர்தல் வீடியோஸ்

- Advertisment -
TopTamilNews