Home தமிழகம் கிருஷ்ணகிரியில் நோயாளியை தள்ளிவிட்ட விவகாரம்... விளக்கம் கேட்கும் மனித உரிமை ஆணையம்!

கிருஷ்ணகிரியில் நோயாளியை தள்ளிவிட்ட விவகாரம்… விளக்கம் கேட்கும் மனித உரிமை ஆணையம்!

கிருஷ்ணகிரி அரசு மருத்துவமனையில் சக்கர நாற்காலியில் அமர்ந்திருந்த நோயாளி கீழே தள்ளிவிடப்பட்ட விவகாரம் தொடர்பாக விளக்கம் அளிக்க வேண்டும் என்று மாநில மனித உரிமை ஆணையம் உத்தரவிட்டுள்ளது.


கிருஷ்ணகிரி அரசு தலைமை மருத்துவமனையில் சிறுநீரகம் மற்றும் கல்லீரல் பிரச்னை காரணமாக அனுமதிக்கப்பட்ட நோயாளி சிகிச்சைக்காக சக்கர நாற்காலியில் கொண்டு செல்லப்பட்டு மீண்டும் படுக்கைக்கு அழைத்து வரப்பட்டார். உடல்நிலை முடியாத அவரை கைதாங்கலாகப் படுக்கையில் படுக்க வைக்க ஆள்

இல்லை. இதனால் தாமாக அவர் எழுந்து படுக்கைக்கு செல்ல வேண்டும் என்று ஊழியர் ஆபாசமாக திட்டியுள்ளார். அவரால் முடியாத நிலையில் அந்த ஊழியர் வீல் சேரில் இருந்து அவரை கீழே தள்ளிவிட்டு சென்றார். மற்றொருவர் இந்த சம்பவத்தை வீடியோ எடுத்து சமூக ஊடகங்களில் வெளியிட்டார்.


அரசு ஊழியரின் மனிதாபிமானம் இல்லாத இந்த செயலுக்கு கண்டனம் எழுந்தது. கீழே தள்ளிய பாஸ்கர் என்ற ஊழியர் பணியிடை நீக்கம் செய்யப்பட்டார்.

அவர் மீது நடவடிக்கை எடுக்கப்படும் என்று தமிழக சுகாதாரத் துறை அமைச்சர் விஜயபாஸ்கர் தெரிவித்தார்.


இந்த நிலையில் மாநில மனித உரிமை ஆணையம் தாமாக முன்வந்து இது தொடர்பாக வழக்குப் பதிவு செய்துள்ளது. நடந்த சம்பவம் தொடர்பாக தமிழக ஊரக சுகாதாரம் மற்றும் மருத்துவப் பணிகள் இயக்குநர் மூன்று வாரங்களில் அறிக்கை அளிக்க வேண்டும் என்று மனித உரிமை ஆணையம் உத்தரவிட்டுள்ளது. சமீப நாட்களாக மாநில மனித உரிமை ஆணையம் தாமாக முன்வந்து பல்வேறு வழக்குகளைப் பதிவு செய்து விசாரணை நடத்தி வருவது குறிப்பிடத்தக்கது.

மாவட்ட செய்திகள்

Most Popular

பள்ளிகொண்டா சுங்கச்சாவடியில் தீப்பிடித்து எரிந்த சொகுசு கார்

திருப்பத்தூர் மாவட்டம் பள்ளிகொண்டா சுங்கச்சாவடியில் சொகுசு கார் ஒன்று திடீரென தீப்பற்றி எரிந்த சம்பவம் பரபரப்பை ஏற்படுத்தி உள்ளது. சென்னை ஆவடியை சேந்தவர் பேக்கரி உரிமையாளர் சக்கரபாணி. இவர் கர்நாடக...

சென்னை அணிக்கு வந்தது‘ஸ்பார்க்’… பெங்களூரை வீழ்த்தி வெற்றி!

ஐபிஎல் தொடரின் 44-வது லீக்கில் சென்னை சூப்பர் கிங்ஸ் மற்றும் ராயல் சேலஞ்சர்ஸ் பெங்களூர் அணியை எதிர்கொண்டது. பெங்களூர் அணி இந்த போட்டியில் வெற்றி பெற்றால் ப்ளே ஆஃப் வாய்ப்பை...

7 மாவட்டங்களில் இடியுடன் கூடிய கனமழை பெய்ய வாய்ப்பு

தமிழகக் கடலோரப் பகுதிகளில் நிலவும் வளிமண்டல சுழற்சி காரணமாக அடுத்த 24 மணி நேரத்திற்கு வட தமிழக மாவட்டங்களில் குறிப்பாக,சேலம், நாமக்கல், கள்ளக்குறிச்சி, பெரம்பலூர், விழுப்புரம், திருவண்ணாமலை மற்றும் கடலூர்...

திருப்பதி ஏழுமலையான் கோயிலில் நாளை முதல் இலவச தரிசனத்திற்கு அனுமதி

திருப்பதி ஏழுமலையான் கோயிலில் நாளை முதல் இலவச தரிசனத்திற்கு அனுமதி அளிக்கப்படும் என தேவஸ்தானம் அறிவித்துள்ளது. கடந்த மார்ச் மாதம் நாடு முழுவதும் ஊரடங்கு அறிவிக்கப்பட்ட...
Do NOT follow this link or you will be banned from the site!