சமீபத்தில் திமுகவில் இருந்து நீக்கப்பட்ட எம்.பி. கே.பி.ராமலிங்கம் அதிமுகவில் இணைகிறாரா?

திமுக விவசாய அணி மாநில செயலாளராக இருந்தவர் கே.பி.ராமலிங்கம். முன்னாள் எம்பியான இவர், அண்மையில் திமுகவில் இருந்து நீக்கப்பட்டார். இந்நிலையில் கே.பி.ராமலிங்கம் முதல்வர் பழனிசாமி இல்லத்தில் சந்தித்து நீண்ட நேரம் உரையாடினார்.

சந்திப்புக்கு பின் செய்தியாளர்களை சந்தித்த முன்னாள் மாநிலங்களவை உறுப்பினர் கே.பி. ராமலிங்கம், “கருணாநிதியை போல் கட்சியை வழிநடத்த ஸ்டாலினுக்கு தெரியவில்லை. தன்னை முன்னிலைப்படுத்தக்கொள்ள நாடக அரசியல் நடத்துகிறார் ஸ்டாலின். திமுகவில் மூத்த நிர்வாகிகளுக்கு மரியாதை இல்லை. என்னை போல் பாதிக்கப்பட்டவர் நிறைய பேர் திமுகவில் உள்ளனர். விவசாயிகளுக்காக முதலமைச்சர் மேற்கொண்ட நடவடிக்கைகளை பாராட்டுவதற்காக விவசாய சங்கங்களின் சார்பில் முதலமைச்சர் சந்தித்து நன்றி தெரவித்தேன்” எனக் கூறினார்.