Home இந்தியா கர்ப்பிணி யானை கொலை வழக்கில் ஒருவர் கைது: கேரளா வனத்துறை!

கர்ப்பிணி யானை கொலை வழக்கில் ஒருவர் கைது: கேரளா வனத்துறை!

வனவிலங்கு குற்றத்தடுப்பு பிரிவினரும் சம்பவ இடத்தில் விசாரணை நடத்தவும் உத்தரவிடப்பட்டது.

கேரள மாநிலம் மலப்புரம் மாவட்டத்தின் வனப்பகுதியில் கருவுற்ற யானை ஒன்று பசியுடன் சுற்றி திரிந்துள்ளது. இதனால் அந்த யானை பசி தாளாமல் ஊருக்குள் வந்துள்ளது. அங்கு மனிதர்கள் கொடுத்த உணவை சாப்பிட்டுள்ளது. அப்போது சிலர் அன்னாச்சி பழத்தில் வெடிமருந்து வைத்து யானைக்கு சாப்பிட கொடுத்துள்ளனர். யானை அதை சாப்பிட முயன்ற போது அந்த வெடிமருந்து வாயிலேயே வெடித்துள்ளது.

இதனால் பலத்த காயமடைந்த யானை வலி தாங்க முடியாமல் அங்கிருந்து மீண்டும் காட்டுக்குள் ஓடியுள்ளது. இருப்பினும் வலி தாங்க முடியாமல் ஆற்றில் இறங்கி நின்றுள்ளது. இதை அறிந்த வனத்துறையினர் இரண்டு யானைகளின் உதவியுடன் அதனை மீட்க முயன்றுள்ளனர். ஆனால் அதற்குள் யானை பரிதாபமாக பலியானது.இந்த தகவல் இணையத்தில் கேரள வனத்துறை அதிகாரி ஒருவரால் பதியப்பட்ட நிலையில் பலரும் யானையை கொன்றவர்களுக்கு உரிய தண்டனை அளிக்க வேண்டும் என கோரிக்கை வைத்து வருகின்றனர்.

இதையடுத்து இறந்த கர்ப்பிணி யானையின் பிரேதப் பரிசோதனை அறிக்கை வெளியாகியுள்ளது. அதில், “யானையின் வாய் பகுதி வெடிபொருள்களால் வெடித்துள்ளது, இதனால் வாய் பகுதி முழுவதும் காயம் ஏற்பட்டு சீழ் பிடித்துள்ளது. இதனால் அந்த யானை கடுமையான வலியிலும், மன உளைச்சலிலும் இருந்துள்ளது. யானை கிட்டத்தட்ட 2 வாரங்களுக்கு உணவு ஏதும் சாப்பிடாமல் இருந்திருக்கிறது. அதனால் தான் அந்த யானை நீரில் நின்ற படி சரிந்து விழுந்து இறந்துள்ளது. முக்கியமாக யானை தனது காயத்தின் வலியை தாங்கமுடியாமல் நிறைய தண்ணீரை உறிஞ்சியுள்ளது. அதனால் அதன் நுரையீரல் செயலிழந்து அது இறக்க முக்கிய காரணமாக அமைந்துள்ளது”என்றும் அந்த அறிக்கையில் கூறப்பட்டுள்ளது.

இதுகுறித்து போலீஸார் விசாரணை நடத்தி நடவடிக்கை எடுக்க உத்தரவிடப்பட்டது. இதுதவிர கோழிக்கோட்டிலிருந்து வனவிலங்கு குற்றத்தடுப்பு பிரிவினரும் சம்பவ இடத்தில் விசாரணை நடத்தவும் உத்தரவிடப்பட்டது.

https://twitter.com/ForestKerala/status/1268750269250039808

இந்நிலையில் கேரளா வனத்துறை தனது டிவிட்டர் பக்கத்தில், யானை கொல்லப்பட்ட வழக்கில் ஒருவர் கைது செய்யப்பட்டுள்ளதாக தெரிவித்துள்ளது. இதை அறிந்த மக்கள் இதில் சம்மந்தபட்ட அனைவருக்கும் உரிய தண்டனை வேண்டும் என கருத்து தெரிவித்து வருகிறார்கள்.

Most Popular

தூக்கில் தொங்க தயாராக இருப்பதாக உமாபாரதி கடிதம்! பாமர் மசூதி வழக்கில் பரபரப்பு

பாபர் மசூதி இடிக்கப்பட்ட வழக்கில் நாளை தீர்ப்பு வெளியாகும் நிலையில், தான் குற்றவாளி என்றால் அதை ஏற்று தூக்கில் தொங்கவும் தயார் என்று சொல்லி இருக்கிறார் உமாபாரதி.

பிரதமர் மோடியின் “முருங்கைக்காய் ” ரகசியம்?

பாரதப் பிரதமர் நரேந்திர மோடிக்கு வயது 70 ஆகிறது. சுமார் 130 கோடி மக்கள் தொகை கொண்ட இந்தியாவிற்கு அவர்தான் தலைவர் என்கிற பட்சத்தில் அவரது உடலும், உள்ளமும் பலமாக...

எல்ஐசி 25 % பங்குகள் விற்பனை – மத்திய அரசு திட்டம்

பொதுத்துறை காப்பீடு நிறுவனமான எல்ஐசியின் 25 சதவீத பங்குகளை விற்பனை செய்ய மத்திய அரசு திட்டமிட்டுள்ளது. இது தொடர்பாக தகவல்கள் வெளியாகி உள்ளன. கொரோனா தொற்று...

தமிழகத்தில் தியேட்டர்களுக்கான தடை தொடரும்- தமிழக அரசு

கொரோனா அச்சுறுத்தல் காரணமாக கடந்த மார்ச் மாதம் இறுதியிலிருந்து நாடு முழுவதும் திரையரங்குகள் மூடப்பட்டுள்ளன. இருப்பினும் மேற்கு வங்காளத்தில் கொரோனா நெறிமுறை வழிகாட்டுதல்களுடன் திரையரங்குகள் வரும் அக். 1 ஆம்...
Do NOT follow this link or you will be banned from the site!