கேரளா
கேரள சட்டமன்ற தேர்தலில் தான் போட்டியிட்ட 2 தொகுதிகளிலும் அம்மாநில பாஜக தலைவர் சுரேந்திரன் தோல்வியை தழுவினார்.
கேரள மாநில பாஜக தலைவராக இருப்பவர் சுரேந்திரன். இவர் கேரள சட்டமன்ற தேர்தலில் பத்தினம் திட்டா மாவட்டம் கென்னி மற்றும் மஞ்சேஸ்வர் ஆகிய 2 தொகுதிகளில் போட்டியிட்டார்.
இந்த நிலையில் இரு தொகுதிகளிலும் வாக்கு எண்ணிக்கை நிறைவடைந்த நிலையில், மஞ்சேஸ்வர் தொகுதியில் இந்திய யூனியன் முஸ்லீம் லீக் கட்சி வேட்பாளர் ஏ.கே.எம். அஸ்ரபிடம் ஆயிரத்துக்கும் மேற்பட்ட வாக்குகள் வித்தியாசத்தில் சுரேந்திரன் பின் தங்கி உள்ளார்.
இதேபோல், கொன்னி தொகுதியில் மார்க்சிஸ்ட் வேட்பாளர் ஜெனிஷ்குமாரை விட ஆயிரத்துக்கும் மேற்பட்ட வாக்கு வித்தியாசத்தில் அவர் பின்தங்கி 3-வது இடத்தினை பிடித்துள்ளார்.
தற்போதைய நிலவரப்படி கேரளாவில் ஆளும் மார்க்சிஸ்ட் கம்யூனிஸ்ட் கட்சி 93 இடங்களிலும், காங்கிரஸ் 43 இடங்களிலும் முன்னிலை வகிக்கிறது. பாஜக ஒரு இடத்தில் முன்னிலையில் உள்ளது.