Home இந்தியா நவம்பர் 17 முதல் கல்லூரிகள் திறப்பு.. முதல்ல சுகாதார பணியாளர்களுக்கு கொரோனா தடுப்பூசி.. கர்நாடக அரசு தகவல்

நவம்பர் 17 முதல் கல்லூரிகள் திறப்பு.. முதல்ல சுகாதார பணியாளர்களுக்கு கொரோனா தடுப்பூசி.. கர்நாடக அரசு தகவல்

கர்நாடகாவில் நவம்பர் 17ம் தேதி முதல் கல்லூரிகள் திறக்கப்படும் என அம்மாநில அரசு அறிவித்துள்ளது. மேலும் கொரோனா வைரஸ் தடுப்பூசி முதலில் சுகாதார பணியாளர்களுக்கு வழங்க முன்னுரிமை கொடுக்கப்படும் எனவும் தெரிவித்துள்ளது.

நம் நாட்டில் தொற்றுநோயான கொரோனா வைரஸ் பரவல் அடுத்த ஆண்டு பிப்ரவரிக்குள் கட்டுக்குள் வந்து விடும் என தகவல் வெளியாகியுள்ளது. அதனை உறுதி செய்வது போல் தற்போது கொரோனா வைரஸ் தினசரி பாதிப்பு எண்ணிக்கை குறைந்து வருகிறது. தற்போது பெரும்பாலான மாநிலங்கள், பள்ளிகள் மற்றும் கல்லூரிகளை திறப்பது குறித்து சிந்திக்க தொடங்கி விட்டன.

சி.என். அஷ்வத் நாராயண்

தற்போது கர்நாடகாவில் பட்டப்படிப்பு, டிப்ளமோ மற்றும் பொறியியல் கல்லூரிகள் வரும் நவம்பர் 17ம் தேதி முதல் திறக்கப்படும் என அம்மாநில துணை முதல்வர் சி.என். அஷ்வத் நாராயண் தெரிவித்தார். அதேசமயம் கல்லூரிக்கு சென்று கற்க விரும்பும் மாணவர்கள் அவர்களது பெற்றோர்களிடம் ஒப்புதல் பெற வேண்டும் என்ற விதிமுறைகள் விதிக்கப்பட்டுள்ளன. யு.ஜி.சி. வழிகாட்டுதல்கள்படி வகுப்புகள் நடத்தப்படும் என துணை முதல்வர் அஷ்வத் நாராயண் தெரிவித்தார்.

கோவிட்-19 தடுப்பூசி

கர்நாடகாவில் கொரோனா வைரஸ் தடுப்பூசி முதலில் கொரோனா வைரஸ் எதிராக தங்களது உயிரை பணயம் வைத்து பணியாற்றிய சுகாதார பணியாளர்களுக்கு வழங்க முன்னுரிமை வழங்கப்படும் என அம்மாநில அரசு தகவல் தெரிவித்துள்ளது. இது தொடர்பாக அம்மாநில சுகாதாரம், குடும்ப நலம் மற்றும் மருத்துவ கல்வித்துறை அமைச்சர் டாக்டர் சுதாகர் டிவிட்டரில், ஒவ்வொரு குடிமகனுக்கும் விரைவாக தடுப்பூசி வழங்குவது நமது அரசாங்கத்தின இலக்கு, அதேவேளையில் அரசு மற்றும் தனியார் துறையில் உள்ள அனைத்து சுகாதார பணியாளர்களுக்கும் தடுப்பூசி வழங்க முன்னுரிமை வழங்கப்படும். தடுப்பூசியை வெளியிடுவது தொடர்பான தயார் நடவடிக்கைகள் நடைபெற்று வருகிறது என பதிவு செய்து இருந்தார். இம்மாதம் 31ம் தேதிக்குள் சுகாதார ஊழியர்களின் ஆரம்ப தகவல்களை சேகரிப்பு பணிகளை முடிக்க மத்திய அரசு உத்தரவிட்டுள்ளது குறிப்பிடத்தக்கது.

மாவட்ட செய்திகள்

Most Popular

நம்பிக்கை கொடுத்த வாகன விற்பனை… டி.வி.எஸ்., சோனாலிகா மற்றும் பஜாஜ் ஆட்டோ மகிழ்ச்சி..

கடந்த நவம்பர் மாதத்தில் வாகன விற்பனை சிறப்பாக இருந்ததால், டி.வி.எஸ். மோட்டார் கம்பெனி, சோனாலிகா மற்றும் பஜாஜ் ஆட்டோ ஆகிய நிறுவனங்கள் மகிழ்ச்சி அடைந்துள்ளன. நாட்டின்...

வியாபாரம் சூப்பர்…. ஆனால் ஒரு வருஷத்துல ரூ.3,150 கோடி நஷ்டம்.. பிளிப்கார்ட் இந்தியா நிறுவனத்தின் வேதனை

பிளிப்கார்ட் இந்தியா நிறுவனத்துக்கு கடந்த மார்ச் மாதத்துடன் நிறைவடைந்த நிதியாண்டில் ரூ.3,150.6 கோடி நஷ்டம் ஏற்பட்டுள்ளது. வால்மார்ட் நிறுவனத்துக்கு சொந்தமான பிளிப்கார்ட் இந்தியா நிறுவனம் தனது...

பெண்களுக்கு எதிரான குற்றங்கள் அதிகரிப்பு.. பா.ஜ.க. அரசின் மிஷன் சக்தி தோல்வி.. பிரியங்கா காந்தி குற்றச்சாட்டு

உத்தர பிரதேசத்தில் பெண்களுக்கு எதிரான குற்றங்களை குறைக்க பா.ஜ.க. அரசு கொண்டு வந்த மிஷன் சக்தி திட்டம் தோல்வி அடைந்துள்ளதாக பிரியங்கா காந்தி குற்றம் சாட்டியுள்ளார்.

பொய், கொள்ளை மற்றும் முதலாளி சேவக அரசு… பா.ஜ.க அரசை சாடிய ராகுல் காந்தி

பொய், கொள்ளை மற்றும் முதலாளி சேவக அரசு என்று பிரதமர் மோடி தலைமையிலான பா.ஜ.க. அரசை காங்கிரஸ் கட்சியின் முன்னாள் தலைவர் ராகுல் காந்தி குற்றம் சாட்டியுள்ளார்.
Do NOT follow this link or you will be banned from the site!