Home அரசியல் நீயா..? நானா..? ‘ஈகோ’ யுத்தத்தில் கனிமொழி- உதயநிதி

நீயா..? நானா..? ‘ஈகோ’ யுத்தத்தில் கனிமொழி- உதயநிதி

திமுகவில் கனிமொழி-உதயநிதி இடையிலான “ஈகோ” யுத்தம் நாளுக்கு நாள் வலுவடைந்து வருகிறது. கனி மொழி சற்று பொறுத்துப் போனாலும் உதயநிதி ஸ்டாலின் விடுவதாக இல்லை. ஏட்டிக்கு போட்டி களத்தில் குதிப்பதாக கட்சியினர் ஆதங்கப் படுகிறார்கள்.


கலைஞர் கருணாநிதியின் மகளும், திமுக தலைவர் மு.க.ஸ்டாலின் தங்கையும்,பாராளுமன்ற உறுப்பினராகவும், திமுக மாநில மகளிர் அணிச் செயலாளராகவும் இருப்பவர் கனி மொழி. நீண்ட கால அரசியல்வாதியும் ஆவார். திமுகவில் சமீபத்தில் இளைஞரணித் தலைவராக அறிவிக்கப்பட்டவர் மு.க. ஸ்டாலின் மகன் உதயநிதி ஸ்டாலின்.


இந்த நிலையில் உதயநிதி எப்போதுமே தனது அத்தையும் திமுக எம்பியுமான கனிமொழியை போட்டியாளராகவே கருதுகிறார் என்ற குற்றச்சாட்டு எழுந்துள்ளது. கலைஞர் காலத்தில் மு.க. ஸ்டாலினுக்கு மு.க.அழகிரி போட்டியாளராக இருந்தது போல் கனிமொழிக்கு உதயநிதி போட்டியாளராக கருதப்படுகிறார்.


சாத்தான்குளம் தந்தை மகன் கொலை சம்பவத்தில் கட்சி மேலிடத்து உத்தரவுப்படி கனி மொழி தொடர்ந்து அங்கேயே முகாமிட்டு, பாதிக்கப்பட்டவர்களுக்கு கட்சி சார்பிலான நிதி உதவியை வழன்கினார். இந்த நிலையில் உதயநிதியும் அவருக்கு போட்டியாக இரவோடு இரவாக சாத்தான்குளம்,புறப்பட்டுச் சென்று ஜெயராஜ், பென்னிக்ஸ் குடும்பத்திற்கு ஆறுதல் கூறினார்.
இதனையடுத்து நடந்த பொதுக்குழுவில் தனக்கு மகளிர் அணி பதவி தவிர கட்சிக்குள் மாநில அளவில் வேறு முக்கிய பொறுப்பு வழங்கப்படும் என எதிர்பார்த்திருந்தார் கனிமொழி. ஆனால் அந்தப் பொதுக்குழுவில் கனிமொழிக்கு பேசக் கூட வாய்ப்பு வழங்கப்படவில்லை. அதே சமயம் உதயநிதிக்கு பேச வாய்ப்பளிக்கப்பட்டது.


இந்த நிலையில் உத்தரபிரதேசத்தில் ஹத்ராஸ் பெண் பலாத்காரம் செய்து கொலை செய்யப்பட்டதற்கு எதிராக, போராட்டம் நடத்த கனிமொழி அனுமதி கேட்டார். இதனையறிந்த உதயநிதியும் தலைமையிடம் அனுமதி கோரியிருக்கிறார். அனால் ஸ்டாலினோ இது பெண்கள் தொடர்பான விவகாரம் ஆகவே கனிமொழி தலைமையில் போராட்டம் நடக்கட்டும் என முடிவெடுத்து சொல்லியுள்ளார். இது போல் தென் மாவட்டங்களில் கனிமொழிக்கென தனிப்பட்ட செல்வாக்கு இருக்கிறது. உதயநிதி ஸ்டாலின் அங்கேயும் மூக்கை நுழைத்து தேவையற்ற குழப்பத்தை ஏற்படுத்துகிறார் என மாவட்டச் செயலாளர்கள் புலம்புகின்றனர்.
– இர. சுபாஸ் சந்திர போஸ்

மாவட்ட செய்திகள்

Most Popular

சிறுமலையில் சரக்கு வேன் கவிழ்ந்து விபத்து – 9 பேர் படுகாயம்

திண்டுக்கல் திண்டுக்கல் மாவட்டம் சிறுமலையில் சரக்கு வாகனம் கவிழ்ந்த விபத்தில் ஓட்டுநர் உள்பட 9 பேர் படுகாயம் அடைந்தனர். திண்டுக்கல் மாவட்டம்...

லிவ்வீங் டூ கெதரில் இருந்தால் பாலியல் வன்கொடுமையாகுமா? பெண்ணுக்கு உச்சநீதிமன்றம் கேள்வி

உத்திர பிரதேசத்தை சேர்ந்த வினய் பிரதாப் சிங் என்பவர் தன்னை பாலியல் வன்கொடுமை செய்ததாக குற்றஞ்சாட்டிய பெண்ணுக்கு உச்சநீதிமன்றம் அறிவுறுத்தியுள்ளது. இரண்டு ஆண்டுகளாக வினய் பிரதாப்...

பெண்களுக்கு அதிக பாதிப்பை ஏற்படுத்தும் பித்தப்பை கல்… அறிகுறிகள் அறிவோம்!

நாம் சாப்பிட்ட உணவை செரிக்க பல நொதிகள் செரிமான மண்டலத்தில் உருவாகிறது. கொழுப்பை செரிக்கக் கல்லீரலில் பித்தநீர் உருவாகிறது. இது பித்தப்பையில் சேகரிக்கப்பட்டு duodenum எனப்படும் சிறுகுடலின் முதல் பகுதியில்...

கீழ்பவானி கால்வாயில் மூழ்கி இளம்பெண் பலி… மாயமான தந்தையை தேடும் பணி தீவிரம்…

ஈரோடு பவானி அருகே கால்வாயில் குளித்த இளம்பெண் நீரில் மூழ்கி பரிதாபமாக உயிரிழந்தார். மேலும், நீரில் மூழ்கிய அவரது தந்தையை தேடும் பணி தீவிரமாக நடைபெற்று...
TopTamilNews