• January
    18
    Friday

Main Area

Main

கருணாநிதி சிலை திறப்பு விழாவில் கமல் பங்கேற்கவில்லை... பரபரப்பான பின்னணி தகவல்கள்

kamal
Loading...

சென்னை: கருணாநிதியின் சிலை திறப்பு விழாவில் மக்கள் நீதி மய்யம் கட்சியின் தலைவர் கமல்ஹாசன் பங்கேற்றகவில்லை என தெரிவிக்கப்பட்டுள்ளது.

மறைந்த திமுக முன்னாள் தலைவரும், தமிழகத்தின் முன்னாள் முதல்வருமான கருணாநிதியின் சிலை திறப்பு விழா அண்ணா அறிவாலயத்தில் இன்று மாலை நடைபெறுகிறது. காங்கிரஸ் கட்சியின் முன்னாள் தலைவர் சோனியா காந்தி சிலையை திறந்து வைக்கிறார். அதன் பிறகு ஒய்.எம்.சி.ஏ மைதானத்தில் பிரம்மாண்ட பொதுக்கூட்டம் நடக்க இருக்கிறது. அதில் கேரள முதல்வர் பினராயி  விஜயன், புதுச்சேரி முதல்வர் நாராயணசாமி, ஆந்திர முதல்வர் சந்திரபாபு நாயுடு உள்ளிட்டோர் கலந்து கொள்கிறார்கள்.

இதற்கிடையே இந்த விழாவில் கலந்து கொள்ள மக்கள் நீதி மய்ய கட்சித்தலைவர் கமல்ஹாசன், மற்றும் ரஜினிகாந்த் ஆகியோருக்கும் அழைப்பு விடுக்கப்பட்டிருந்தது. இதில் கலந்து கொள்ள போவதாக ஏற்கனவே ரஜினிகாந்த் தெரிவித்து இருந்தார்.

இந்நிலையில், கருணாநிதி சிலை திறப்பு விழாவில் கமல்ஹாசன் பங்கேற்கமாட்டார் என தெரிவிக்கப்பட்டுள்ளது. இதுகுறித்து கமல்ஹாசன் கூறுகையில்,  கஜா புயலால் பாதிக்கப்பட்ட பகுதிகளை பார்வையிட செல்வதால் விழாவில் பங்கேற்க முடியவில்லை என்றார்.

ஆனால் மக்கள் நீதி மய்யம் கட்சி திமுக-காங்கிரஸூடன் கூட்டணி வைக்கப்போகிறது. அதனை இன்று மாலை திமுகவோ, காங்கிரசோ பொதுக்கூட்டத்தில் வெளியிடும் என தகவல்கள் வெளியாகின. எனவே தற்கு முற்றுப்புள்ளி வைக்கவே இன்றைய கூட்டத்தை கமல் புறக்கணித்தார் என்கின்றனர் விவரமறிந்தவர்கள்.

2018 TopTamilNews. All rights reserved.