Home இந்தியா டிரம்பை எதிர்த்த இந்திய-அமெரிக்கருக்கு முக்கிய பதவி வழங்கிய ஜோ பைடன்!

டிரம்பை எதிர்த்த இந்திய-அமெரிக்கருக்கு முக்கிய பதவி வழங்கிய ஜோ பைடன்!

அதிபர் டிரம்ப் அரசின் கீழ் வெளியுறவுத் துறை அதிகாரியாகச் செயல்பட்டு, அவரின் வெளியுறவுக் கொள்கையில் ஏற்பட்ட அதிருப்தியில் இந்திய அமெரிக்கரான உஸ்ரா ஜியோ பதவி விலகினார். தற்போது இவருக்கு அதே வெளியுறவு விவகாரத் துறையில் முக்கிய பொறுப்பை புதிய அதிபராகப் பதவியேற்கவுள்ள ஜோ பைடன் கொடுத்துள்ளார்.

பைடன் தனது நிர்வாகக் குழுவில் 20 இந்திய-அமெரிக்கர்களுக்கு முக்கிய பொறுப்புகளை வழங்கியுள்ளார். அதில் 13 பெண்களும் அடக்கம். அவர்களில் ஒருவர் தான் உஸ்ரா ஜியா. இவர் அதிபர் டிரம்ப் நிர்வாகத்தின் கீழ் வெளியுறவுத் துறை அதிகாரியாகச் செயல்பட்டுவந்தார்.

2018ஆம் ஆண்டு டிரம்பின் வெளியுறவுக் கொள்கை தனக்கு பிடிக்கவில்லை என்று கூறி பதவியை ராஜினாமா செய்தார். தற்போது இவர் உலகில் அமைதியை நிலைநாட்டும் கூட்டணியின் தலைவராகச் செயல்பட்டுவருகிறார்.

இவருக்கு கடந்த 20 வருடங்களாக தெற்காசியா, ஐரோப்பா உள்ளிட்ட பிராந்தியங்களில் வெளியுறவுத் துறையில் பணியாற்றியிருக்கிறார். இதனால் ராஜாங்க ரீதியிலான அனுபவம் கொண்டவராகப் பார்க்கப்படுகிறார். அதுமட்டுமல்லாமல், மனித உரிமைகள் உள்ளிட்ட பலதரப்பட்ட விவகாரங்களிலும் அனுபவம் பெற்றவராக இருக்கிறார்.

இதனைக் கருத்தில் கொண்டு பைடன் நிர்வாகத்தில் குடிமக்கள் பாதுகாப்பு, ஜனநாயகம், மனித உரிமைகள் ஆகியவற்றிற்கான செயலாளராக உஸ்ரா ஜியா நியமனம் செய்யப்பட்டுள்ளார்.

46ஆவது அமெரிக்க அதிபராக ஜோ பைடன் நாளை மறுநாள் (ஜன.20) பதவியேற்கிறார். துணை அதிபராக கமலா ஹாரிஸ் பதவியேற்கிறார்.

மாவட்ட செய்திகள்

Most Popular

அதிமுக மீது அதிருப்தி : மக்கள் நீதி மய்யத்துக்கு தாவும் தேமுதிக?

தமிழக சட்டமன்றத் தேர்தலுக்கான தொகுதி பங்கீடு பேச்சுவார்த்தையில் திமுகவும், அதிமுகவும் விறுவிறுப்பாக செயல்பட்டு வருகின்றன. அதிமுகவுடன் கூட்டணி அமைக்கும் பாமகவுக்கு 23 தொகுதிகள் வழங்கப்பட்டிருக்கிறது. பாஜகவுக்கு 22 தொகுதிகள் வழங்கப்பட...

வெடி பொருட்கள் பறிமுதல் எதிரொலி- வாளையாரில் லாரிகளில் தீவிர சோதனை!

கோவை கோவை மாவட்டம் வாளையாரில் ஜெலட்டின் குச்சிகள் பறிமுதல் செய்த நிகழ்வை அடுத்து, காய்கறி ஏற்றிச் செல்லும் லாரிகளில் போலீசார் தீவிர சோதனை மேற்கொண்டு வருகின்றனர்.

“அம்பானி எங்க டார்கெட் இல்ல.. மோடி-அமித் ஷா தான் டார்கெட்” – பயங்கரவாத அமைப்பு பகீரங்க எச்சரிக்கை!

பிரபல தொழிலதிபர் முகேஷ் அம்பானியின் பங்களாவுக்கு அருகே வெடிகுண்டு தாக்குதல் நடக்கப்போவதாகக் கூறப்பட்டது. அதற்கு வெள்ளோட்டமாக சில நாட்களுக்கு முன்பு தெற்கு மும்பையிலுள்ள பிரமாண்ட அன்டிலியா வீட்டின் அருகே அடையாளம்...

சாலையோரத்தில் நின்று… நுங்கை விரும்பி சாப்பிட்ட ராகுல் காந்தி!

தேர்தல் பரப்புரைக்காக தமிழகம் வந்திருக்கும் ராகுல் காந்தி, சாலையோரம் நின்று நுங்கு சாப்பிட்ட சம்பவம் காங்கிரசார் மத்தியில் நெகிழ்ச்சியை ஏற்படுத்தியுள்ளது. தமிழகத்தில் சட்டமன்றத் தேர்தல் நெருங்கிக்...
TopTamilNews