கொரோனா அச்சுறுத்தல் காரணமாக கடந்த மே மாதம் நடைபெறுவதாக இருந்த நீட் தேர்வு ஒத்தி வைக்கப்பட்டிருந்தது. இருப்பினும் இந்த வைரஸ் தாக்கம் இன்னும் குறையாமல் இருப்பதன் காரணமாக இத்தகைய தேர்வுகளை நடத்துவது மாணவர்களின் உடல் நலத்தில் பாதிப்பை ஏற்படுத்தலாம் என மாணவர்கள் மற்றும் பெற்றோர்கள் தொடர்ந்து கருத்து தெரிவித்து வருகின்றனர். ஏற்கனவே பல்வேறு பொதுத்தேர்வுகள் மற்றும் கல்லூரி பல்கலைக்கழகங்களில் இறுதியாண்டு தேர்வுகள் ரத்து செய்யப்பட்டுள்ளதை போல இந்த ஆண்டு நீட் தேர்வு மற்றும் ஜேஇஇ மெயின் தேர்வும் ரத்து செய்யப்பட வேண்டும் என கோரிக்கை எழுந்தது. மேலும் நீட் தேர்வு மற்றும் ஜெஇஇ மெயின் தேர்வுகளை ரத்து செய்வது தொடர்பாக நாளைக்குள் பரிந்துரைகளை வழங்குமாறு தேசிய தேர்வு முகமை உள்ளிட்ட அமைப்புகள் மற்றும் நிபுணர் குழுக்களிடம் மத்திய மனிதவள மேம்பாட்டுத்துறை அமைச்சகம் கேட்டிருந்தது.
Keeping in mind the safety of students and to ensure quality education we have decided to postpone #JEE & #NEET examinations. JEE Main examination will be held between 1st-6th Sept, JEE advanced exam will be held on 27th Sept & NEET examination will be held on 13th Sept. pic.twitter.com/klTjtBxvuw
— Dr. Ramesh Pokhriyal Nishank (@DrRPNishank) July 3, 2020
இந்நிலையில் மனித மேம்பாட்டுத்துறை அமைச்சர் ரமேஷ் பொக்ரியால் அவரது ட்விட்டர் பக்கத்தில், “மாணவர்களின் பாதுகாப்பை மனதில் வைத்து தரமான கல்வியை உறுதி செய்வதற்காக ஜேஇஇ மெயின் தேர்வு மற்றும் நீட் தேர்வுகளை ஒத்திவைக்க முடிவு செய்துள்ளோம். ஜேஇஇ முதன்மை தேர்வு செப்டம்பர் 1 முதல் 6 வரை நடைபெறும், ஜேஇஇ மேம்பட்ட தேர்வு செப்டம்பர் 27 ஆம் தேதியும், நீட் தேர்வு செப்டம்பர் 13 ஆம் தேதியும் நடைபெறும்” என குறிப்பிட்டுள்ளார்.