நடப்பு ஐபிஎல் தொடரின் 9வது போட்டி சென்னை சேப்பாக்கத்தில் உள்ள எம் ஏ சிதம்பரம் மைதானத்தில் நடைபெற்று வருகிறது.இதில் நடப்பு சாம்பியன் மும்பை இந்தியன்ஸ் மற்றும் சன்ரைசர்ஸ் ஹைதராபாத் அணிகளுக்கு இடையே போட்டி நடைபெற்று வருகிறது
இந்த தொடரில் மும்பை இந்தியன்ஸ் இரு போட்டிகளில் விளையாடி ஒரு போட்டியில் வெற்றியும் ஒரு போட்டியில் தோல்வியும் அடைந்துள்ளது. சன்ரைசர்ஸ் அணி இதுவரை தான் விளையாடியுள்ள 2 போட்டிகளிலும் தோல்வி அடைந்துள்ளது.
இந்நிலையில் இவ்விரு அணிகளுக்கு இடையேயான போட்டியில் டாஸ் வென்ற மும்பை இந்தியன்ஸ் அணியின் கேப்டன் ரோகித் சர்மா முதலில் பேட்டிங்கை தேர்வு செய்தார். மும்பை அணியில் ஒரே ஒரு மாற்றமாக மேக்ரோ ஜென்ஷன் நீக்கப்பட்டு ஆடம் மில்னே சேர்க்கப்பட்டார்.
சன்ரைஸ் அணியில் நான்கு மாற்றமாக சாகா,சபாஷ் நதீம்,ஹோல்டர்,நடராஜன் ஆகியோர் நீக்கப்பட்டு விராட் சிங்,அபிஷேக் சர்மா,முஜிபூர் ரகுமான்,கலீல் அஹமது சேர்க்கப்பட்டனர்.
இதில் தமிழகத்தை சேர்ந்த நடராஜன் அணியில் நீக்கப்பட்டது ரசிகர்களை அதிர்ச்சிக்குள்ளாக்கியது இவர் கடந்த சீசனில் ஹைதராபாத்தில் அணிகள் மிக சிறப்பாக செயல்பட்டார் என்பது குறிப்பிடத்தக்கது. அதன்பின் இந்தியாவுக்காக தேர்வு செய்யப்பட்டு இந்திய அணியிலும் சிறப்பாக செயல்பட்டார். மேலும் கடந்த இரண்டு போட்டிகளில் புவனேஸ்வர் குமாரை விட நடராஜன் சிறப்பாக பந்துவீசினார் என்பது குறிப்பிடத்தக்கது. மேலும் கடந்த போட்டியில் சிறப்பாக பந்து வீசி 3 விக்கெட்டுகளை வீழ்த்திய ஹோல்டர் நீக்கப்பட்டதும் ரசிகர்களுக்கு வியப்பாக இருந்தது.
இது தொடர்பாக சன்ரைசர்ஸ் ஹைதராபாத் அணியின் நிர்வாக இயக்குனர் டாம் மூடியிடம் ஆட்டத்தின் நடுவே கேள்வி எழுப்பப்பட்டபோது , நடராஜன் நீக்கப்பட வில்லை என்றும் ஐபிஎல் நெடுந்தொடர் என்பதால் அவருக்கு சற்று ஓய்வு அளித்துள்ளதாகவும் குறிப்பிட்டார்.