நடப்பு ஐபிஎல் தொடரின் 31வது போட்டியில் ராயல் சேலஞ்சர்ஸ் பெங்களூர் மற்றும் கொல்கத்தா நைட் ரைடர்ஸ் ஆகிய அணிகள் மோதின.
டாஸ் வென்ற பெங்களூர் அணியின் கேப்டன் கோலி முதலில் பேட்டிங்கை தேர்வு செய்தார்.அணியின் தொடக்க ஆட்டக்காரர்களாக கோலி மற்றும் படிக்கல் ஆகியோர் களமிறங்கினர்.கோலி 5 ரன்னில் பிரதீஷ் கிருஷ்ணா பந்துவீச்சில் எல்பிடபிள்யூ ஆகி வெளியேறினார்.படிக்கல் 22 ரன்னில் லாக்கி ஃபெர்குசன் பந்துவீச்சில் ஆட்டமிழந்தார்.அடுத்து வந்த ஸ்ரீகர் பரத்தும் 16 ரன்களில் ரசல் பந்துவீச்சில் வெளியேறினார்.அதிரடி வீரர்களான ஏபி டி வில்லியர்ஸ் ரன் ஏதும் எடுக்காமலும் மேக்ஸ்வெல் 7 ரன்களிலும் அடுத்தடுத்து ஆட்டமிழக்க ஆர்சிபி அணியின் ஸ்கோர் சரிந்தது.19 ஓவர் முடிவில் பெங்களூரு அணி அனைத்து விக்கெட்டுகளையும் இழந்து 92 ரன்கள் மட்டுமே எடுத்தது. கொல்கத்தா அணி தரப்பில் ரசல் மற்றும் வருண் சக்கரவர்த்தி ஆகியோர் தலா 3 விக்கெட்டுகளை கைப்பற்றினர்.
93 என்ற எளிய இலக்குடன் தொடங்கிய கொல்கத்தா அணி துவக்க ஆட்டகாரர்களாக கில் மற்றும் வெங்கடேஷ் ஆரம்பம் முதலே அதிரடியாக ஆடினார்கள்.10 ஓவர்களில் 1 விக்கெட் இழப்பின்றி 94 ரன்கள் சேர்த்து கொல்கத்தா அணி 9 விக்கெட் வித்தியாசத்தில் அபார வெற்றி பெற்றது.
கொல்கத்தா அணி தரப்பில் கில் 48 ரன் எடுத்து ஆட்டமிழந்தார்,வெங்கடேஷ் 41 ரன்கள் எடுத்து இறுதிவரை ஆட்டமிழக்காமல் இருந்தனர். இதன் மூலம் கொல்கத்தா அணி புள்ளிபட்டியலில் 5வது இடத்துக்கு முன்னேறியது.