ஆஸ்திரேலியாவுக்குப் பறந்தனர் இந்திய கிரிக்கெட் வீரர்கள் AUSvsIND

ஐபிஎல் போட்டிகளை இரு மாதங்களாக கண்டு ரசித்த ரசிகர்களுக்கு மேலும் அதிரடியான கிரிக்கெட் விருந்து காத்திருக்கிறது. ஆம். உலகின் வலிமை வாய்ந்த ஆஸ்திரேலிய அணியோடு இந்தியா மோதும் தொடர் விரைவில் தொடங்க விருக்கிறது.

நவம்பர் 27 – லிருந்து டெஸ்ட், ஒருநாள், டி20 என மூன்று வகைகளிலும் ஆட விருக்கின்றன இரு அணிகளும். இதில் விளையாட தேர்வு செய்யப்பட்டிருக்கும் வீரர்கள் பெரும்பாலும் ஐபிஎல் போட்டிகளில் பர்ஃபார்மன்ஸ் செய்ததை வைத்தே முடிவெடுக்கப்பட்டிருக்கிறது.

ஒருநாள் போட்டிக்கான அணி: விராட் கோலி (கேப்டன்) கே.எல்.ராகுல் (vc & wk), ஷிகர் தவான், , ஸ்ரேயாஸ் ஐயர், மனீஷ் பாண்டே, ஹிர்திக் பாண்டியா, மயங் அகர்வால், ரவிந்திர ஜடேஜா, சஹல், குல்தீப் யாதவ், பும்ரா, முகம்மது ஷமி, நவ்தீப் சைனி, தாகூர்.

டெஸ்ட் போட்டிக்கான அணி: போட்டிக்கான அணி: விராட் கோலி (கேப்டன்) கே.எல்.ராகுல் , ரஹானே (vc), ரோஹித் ஷர்மா, மயங் அகர்வால், ப்ரித்திவ் ஷா, ஹனுமா விஹாரி, ஷுப்மன் கில், சாஹா (wk), ரிஷப் பண்ட் (wk), குல்தீப் யாதவ், பும்ரா, முகம்மது ஷமி, நவ்தீப் சைனி, ரவிந்திர ஜடேஜா, ரவிச்சந்திர அஸ்வின், முகம்மது சிராஜ்.

டி20 போட்டிக்கான அணி: விராட் கோலி (கேப்டன்) கே.எல்.ராகுல் (vc & wk), ஷிகர் தவான், , ஸ்ரேயாஸ் ஐயர், மனீஷ் பாண்டே, மயங் அகர்வால், ஹிர்திக் பாண்டியா, சஞ்சு சாம்சன் (wk), ரவிந்திர ஜடேஜா, வாஷிங்டன் சுந்தர், சஹல், பும்ரா, முகம்மது ஷமி, நவ்தீப் சைனி, தீபக் சாஹர், நடராஜன் தங்கராசு.

இந்தப் போட்டியில் கலந்துகொள்ள தகுந்த பாதுகாப்பு ஏற்பாடுகளோடு இந்திய அணி மும்பையிலிருந்து புறப்பட்டது. கேப்டன் கோலி உள்ளிட்ட வீரர்கள் முகக்கவசத்தோடு எடுத்திருக்கும் போட்டோக்கள் சமூக ஊடகத்தில் பரவலாகப் பகிரப்படுகின்றன.

இந்தத் தொடரில் நடைபெற உள்ள 4 டெஸ்ட் போட்டிகளில் ஒன்றில் மட்டும் ஆடிவிட்டு, நாடு திரும்புகிறார் கோலி. அவரின் மனைவிக்கு பிரசவ நேரம் என்பதால், அவருடன் இருக்க விரும்புகிறாராம் கோலி.