இன்று மதியம் 2 மணிக்கு டெல்லி சட்டப்பேரவை தேர்தல் தேதி அறிவிப்பு!

டெல்லி சட்டப்பேரவை தேர்தல் தேதியை  தேர்தல் ஆணையம் இன்று மதியம் 2 மணிக்கு அறிவிக்கிறது.

டெல்லி சட்டப்பேரவையின் பதவி காலம் விரைவில் நிறைவடையவுள்ள நிலையில், புதிய அரசை தேர்ந்தெடுப்பதற்காக தேர்தல் நடத்தப்படவுள்ளது. இதன் காரணமாக ஆளும் ஆம் ஆத்மி கட்சி தொடர்ந்து 3வது முறையாக ஆட்சியை பிடிக்க தேர்தல் வேலைகளில் மும்முரமாக ஈடுபட்டுள்ளது. கடந்த நாடாளுமன்ற தேர்தலில் இந்தியா கூட்டணியுடன் சேர்ந்து போட்டியிட்ட ஆம் ஆத்மி கட்சி, டெல்லி சட்டப்பேரவை தேர்தலில் காங்கிரஸ் கட்சியுடன் கூட்டணி இல்லை என அறிவித்துள்ளது. இதேபோல் முதல் கட்ட வேட்பாளர் பட்டியலை கடந்த நவம்பர் மாதம், 21ம் தேதியும், 2ம் கட்ட வேட்பாளர் பட்டியலை கடந்த டிசம்பர் மாதம் 09ம் தேதியும், 3வது வேட்பாளர் பட்டியலை டிசம்பர் 15ம் தேதியும் வெளியிட்டது. இதனையடுத்து தேர்தல் அறிக்கையை தயாரிக்கும் பணியில் ஆம் ஆத்மி கட்சி ஈடுபட்டுள்ளது. 

இந்த நிலையில், டெல்லி சட்டப்பேரவை தேர்தல் தேதியை  தேர்தல் ஆணையம் இன்று மதியம் 2 மணிக்கு அறிவிக்கிறது. டெல்லி சட்டப்பேரவையின் பதவிக்காலம் பிப்ரவரி 15ஆம் தேதியுடன் நிறைவடைய உள்ளது. டெல்லியில் மொத்தம் 70 சட்டப்பேரவை தொகுதிகள் உள்ள. டெல்லி சட்டப்பேரவைக்கு பிப்ரவரி 10ஆம் தேதி ஒரே கட்டமாக தேர்தல் நடத்த வாய்ப்பு உள்ளதாக தகவல் வெளியாகியுள்ளது.