2021- பிப்ரவரி இறுதியில் கொரோனா பாதிப்பில் இந்தியா முதலிடம்! 20-60 கோடி மக்கள் பாதிக்கப்பட வாய்ப்பு!!

உலகம் முழுவதும் கொரோனாவைத் தடுக்க தடுப்பூசி கண்டுபிடிக்கும் பணி நடந்து வருகிறது. பல தடுப்பூசி தயாரிக்கும் பணிகள் தோல்வியில் முடிந்த நிலையில், இந்தியாவின் பாரத்பயோடெக் நிறுவனம் தயாரித்த மருந்து நம்பிக்கை அளிக்கும் வகையில் உள்ளது. இந்த தடுப்பூசியை மனிதர்களுக்கு செலுத்தி பரிசோதனை செய்ய தொடங்கியுள்ளனர்.

கொரோனாவுக்கு விரைவில் வீரியமான தடுப்பூசி உருவாக்கப்பட வேண்டும். அதை செய்ய தவறினால், 2021 ஆம் ஆண்டு பிப்ரவரி மாதம் இந்தியாவில் தினமும், 2.87 லட்சம் புதிய கொரோனா தொற்று நோயாளிகள் உருவாகக்கூடும் என அமெரிக்காவிலுள்ள, எம்.ஐ.டி., பல்கலைக்கழகத்தை சேர்ந்த சுலோன் மேலாண்மை கல்லுாரியின் ஆராய்ச்சியாளர்கள் கணித்துள்ளனர். தொற்று ஏற்பட்டுள்ளோர், தினமும் கொரோனா சோதனை செய்து கொள்வோர், சிகிச்சையில் இருப்போர், குணமாகி வீடு திரும்பியோர் ஆகியோரின் எண்ணிக்கைகளின் அடிப்படையில், 84 நாடுகளில் இந்த ஆய்வு மேற்கொள்ளப்பட்டது. தொடர்ந்து இந்த ஆய்வை சுலோன் ஆராய்ச்சியாளர்கள் அலசி ஆராய்ந்து உள்ளனர்.

அதன்படி பிப்ரவரி, 2021 இறுதியில் உலகிலேயே கொரோனாவால் மிகவும் பாதிக்கப்பட்ட நாடாக இந்தியா இருக்கும். அந்த நேரத்தில், தினமும், 95 ஆயிரம் கொரோனா நோயாளிகளுடன் அமெரிக்கா இரண்டாமிடத்திலும், தென்னாப்ரிக்கா, 21 ஆயிரம் நோயாளிகளுடன் மூன்றாமிடத்திலும், ஈரான், 17 ஆயிரம் நோயாளிகளுடன் நான்காமிடத்திலும் இருக்கும் என, ஆய்வாளர்கள் மதிப்பிட்டுள்ளனர். விரைவான, உரிய சோதனைகள் மற்றும் சிகிச்சைகள் மக்களுக்கு வழங்கப்படாவிட்டால், 2021 மார்ச், -மே காலகட்டத்தில், உலக மக்கள் தொகையில், 20 கோடி முதல், 60 கோடி பேருக்கு கொரோனா தொற்று ஏற்பட்டிருக்கும் எனவும் ஆராய்ச்சியாளர்கள் தெரிவித்துள்ளார்.

 

Most Popular

கோழிக்கோடு விமான நிலையத்தில் கேரள ஆளுநர் , முதல்வர் பினராயி விஜயன் ஆய்வு!

இடைவிடாது பெய்யும் கனமழை, நிலச்சரிவில் காணாமல் போன மக்கள் என கடந்த சில நாட்களாக துயரத்தின் உச்சத்தில் இருக்கும் கேரள மாநிலத்திற்கு மேலும் ஒரு சோக செய்தியாக வந்ததது கோழிக்கோடு விமான விபத்து. துபாயிலிருந்து...

மலையும் மழையும்தான் கேரள விமான விபத்துக்கு காரணமா?

கேரள மாநிலம் கோழிக்கோட்டில் நடந்த விமான விபத்தில் 2 விமானிகள் உள்பட 20 பேர் உயிரிழந்துள்ளனர். 100க்கும் மேற்பட்டோர் மருத்துவமனையில் சிகிச்சைக்காக அனுமதிக்கப்பட்டுள்ளனர். மலையும், மழையும்தான் விபத்துக்கு முக்கிய காரணமாக இருக்குமா என்று பேசப்படுகிறது. 191...

தொற்றிக் கொண்ட கொரோனா… உயிர் போய்விடுமோ என்று அச்சம்… உயிரை மாய்த்துக் கொண்ட உளவு பிரிவு அதிகாரி!- சென்னையில் அதிர்ச்சி

கொரோனா தொற்று உறுதி செய்யப்பட்டதையடுத்து, உயிர் போய்விடுமோ என்ற அச்சத்தில் சென்னை வருமான வரித்துறையில் உளவு பிரிவில் பணியாற்றி வந்த அதிகாரி தூக்குப் போட்டு தற்கொலை செய்து சம்பவம் அதிர்ச்சியை ஏற்படுத்தியுள்ளது. சென்னை நுங்கம்பாக்கம்...

கேரள விமான விபத்து எதிரொலி : கோழிக்கோடு விமான நிலையம் தற்காலிகமாக மூடப்பட்டது!

வந்தே பாரத் திட்டத்தின் மூலம் துபாயிலிருந்து கேரளா வந்த ஏர் இந்தியா எக்ஸ்பிரஸ் விமானம் தரையிறங்கும்போது விபத்திற்குள்ளானது. 190 பேர் பயணித்த இந்த விமானத்தில் 174 பயணிகள், 10 குழந்தைகள், 5 பணிப்பெண்கள்,...