• August
    24
    Saturday

Main Area

Main



ஒரு பெண்ணுக்கு இருவர் போட்டா போட்டி: கொலையில் முடிந்த லவ் மேட்டர்

love
love
Loading...

கோவை: ஒரு பெண்ணுக்காக 2 மாணவர்கள் சண்டை போட்டுக் கொண்டு, கடைசியில் அது கொலையில் சென்று முடிந்தது. 

கோவை உக்கடம் அடுத்த கெம்பட்டி காலனி பகுதியை சேர்ந்தவர் முரளீதரன். இவர் கோவை நவ இந்தியா பகுதியிலுள்ள, ஒரு தனியார் கல்லூரியில் மூன்றாமாண்டு படித்து வருகிறார்.இவர் அதே கல்லூரியில்  2-ம் ஆண்டு படிக்கும் ஒரு மாணவியை காதலித்து வந்திருக்கிறார். இந்த நிலையில் பாலாஜி என்ற மாணவரும் அதே பெண்ணை காதலித்துள்ளார்.

இந்த விஷயம் ஒருத்தருக்கொருத்தர் தெரியவர, அது தகராறாக மாறியது. இந்தக் காதல் விவகாரம் தொடர்பாக ரெண்டு பேருக்கும் அடிக்கடி மோதல் வெடித்து வந்திருக்கிறது.ஆனால் முரளீதரனுக்கு அந்த பெண் கிடைக்கவே கூடாது என்றும், அதற்காக அவரை கொலை செய்துவிட வேண்டும் என்றும் பாலாஜி முடிவு செய்தார்.

இந்நிலையில், கெம்பட்டி காலணியில் உள்ள மைதானம் அருகில் முரளீதரன் நின்று கொண்டிருந்தார். அப்போது அங்கு வந்த பாலாஜி, திடீரென ஒரு கத்தியை எடுத்து முரளீதரன் வயிற்றில் சரமாரியாக குத்தினார். இதில் முரளீதரன் ஏராளமான ரத்தம் வெளியேறிய நிலையில் அலறி துடித்தவாறே கீழே சரிந்து விழுந்தார். இதை பார்த்ததும் பாலாஜி அங்கிருந்து தப்பி ஓடிவிட்டார்.

kovai


சத்தம் கேட்டு ஓடிவந்த அக்கம்பக்கத்தினர் உடனடியாக முரளீதரனை ஆஸ்பத்திரிக்கு கொண்டு சென்றனர். ஆனாலும் அவரது உயிரைக் காப்பாற்ற முடியவில்லை.தகவலறிந்த போலீசார் முரளீதரனின் உடலை மீட்டு தப்பியோடிய பாலாஜியை 2 மணி நேரத்தில் கைது செய்து விசாரணையில் ஈடுபட்டுள்ளனர்.

2018 TopTamilNews. All rights reserved.