darbar
  • January
    20
    Monday

Main Area

Main



40 ஆண்டுகளாக காஷ்மீரை கொள்ளையடித்த தலைவர்கள் சிறைக்கு அனுப்பப்படுவார்கள்- ஜே.பி. நட்டா தகவல்

ஜே.பி. நட்டா
ஜே.பி. நட்டா

ஜார்க்கண்டில் வரும் 30ம் தேதி  முதல் 5 கட்டங்களாக சட்டப்பேரவை தேர்தல் நடைபெற உள்ளது. தேர்தல் நாள் நெருங்கி வருவதால் அரசியல் கட்சிகள் தீவிர பிரச்சாரத்தில் ஈடுபட்டு வருகின்றன. பா.ஜ.க.வின் தேசிய செயல் தலைவர் ஜே.பி. நட்டா, அம்மாநிலத்தில் பா.ஜ.க. சார்பில் நடைபெற்ற தேர்தல் பிரச்சாரத்தில் கலந்து கொண்டார். அப்போது அவர் கூறியதாவது: 

மக்கள் ஜனநாயக கட்சி, தேசிய மாநாடு கட்சி

106 இந்திய சட்டங்கள் காஷ்மீருக்கு  (சிறப்பு அந்தஸ்து இருந்தபோது) பொருந்தாது. ஊழல் தடுப்பு சட்டம் இல்லாததால் மூன்றே மூன்று குடும்பங்கள் காஷ்மீரை கொள்ளையடித்தன. மேலும் பிரிவினைவாதத்தை தூண்டி விட்டன. தணிக்கை அமைப்பும் கிடையாது. தற்போது ஜே&கே வங்கியின் விசாரணை தொடங்கியுள்ளது. 40 ஆண்டுகளாக காஷ்மீரை கொள்ளையடித்த தலைவர்கள் சிறைக்கு அனுப்பப்படுவார்கள் என தெரிவித்தார்.

பரூக் அப்துல்லா, மெகபூபா முப்தி

தேசிய மாநாடு, மக்கள் ஜனநாயக கட்சி மற்றும் காங்கிரஸ் ஆகிய கட்சிகள்தான் கடந்த 40 ஆண்டுகளாக காஷ்மீரின் ஆட்சி நிர்வாகத்தில் மாறி மாறி இருந்து வந்தன. அவற்றின் பெயரை நேரடியாக குறிப்பிடாமல் மறைமுகமாக காஷ்மீரை  கொள்ளையடித்த தலைவர்கள் விரைவில் சிறைக்கு செல்வார்கள் என ஜே.பி. நட்டா தாக்கி பேசியுள்ளார். 

2018 TopTamilNews. All rights reserved.