• August
    25
    Sunday

Main Area

ஐபோன் 11-ல் இப்படி ஒரு வசதியா? யு.எஸ்.பி-க்கு குட் பை!!!

ஆப்பிள் நிறுவனத்தின் அடுத்த படைப்பான ஐபோன் 11-ல் புதுவித சார்ஜர் வசதியை கொண்டு வர இருப்பதாக தொழில்நுட்ப வட்டார தகவல்கள் வெளிவந்துள்ளன. அதன் முழு விபரத்தை தற்போது காண்போம்.

ஆப்பிள் நிறுவனம் தனது ஐபோன் 11 மாடலை செப்டம்பர் 10-ஆம் தேதி தொழில்நுட்ப சந்தையில் அறிமுகம் செய்ய இருப்பதாக தகவல்கள் தெரிவிக்கின்றன. மொத்தம் மூன்று மாடல்கள் ஐபோன் தரப்பில் இருந்து வெளிவர இருப்பதாகவும் தகவல்கள் வந்துள்ளன. அதாவது, ஐபோன் 11, ஐபோன் 11 ப்ரோ மற்றும் ஐபோன் 11 ப்ரோ மேக்ஸ் ஆகியனவாகும்.  

இதற்கு முன்னர் வந்த உச்ச மாடலான ஐபோன் XS மற்றும் ஐபோன் XR ஆகிய மாடல்களில் வழக்கம் போல இருக்கும் யுஎஸ்பி டைப்-ஏ போர்ட் வசதியில் இருந்து புதுவிதமாக யுஎஸ்பி டைப்-சி வசதி கொண்ட சார்ஜரை ஆப்பிள் நிறுவனம் வழங்கும் என எதிர்பார்க்கப்பட்டது. ஆனால் அப்படி எந்த ஒரு மாற்றமும் இல்லை என அறிவித்த கையோடு டைப்-ஏ சார்ஜரையே வழங்கியிருந்தது. 

அடுத்து வரவிருக்கும் ஐபோன் மாடலில் கட்டாயம் டைப்-சி போர்ட் வெளிவரும் எனவும் தெரிவிக்கப்பட்டுள்ளது. மேலும் இந்த டைப்-சி போர்ட் இல் புதிதாக லைனிங் கேபிள் வசதியும் கொடுக்கப்படலாம் என்கிற பேச்சுகளும் அடிபடுகின்றன. 

அண்மையில் வெளிவந்த ஐபேட் ப்ரோ மாடல்களில் டைப்-சி சார்ஜரை ஆப்பிள் நிறுவனம் வழங்கியுள்ளது. இது வழக்கமாக இருக்கும் சார்ஜர் போல அல்லாமல் ஃபாஸ்ட் சார்ஜிங் வசதியை கொண்டுள்ளது. 

இதை வசதியை ஐபோன் 11-ல் ஆப்பிள் நிறுவனம் பயன்படுத்த இருக்கின்றன. மேலும் ஐபோன் 11-ல் டைப்-சி சார்ஜர் வசதி மட்டுமல்லாது, பல மேம்படுத்தப்பட்ட வசதிகளும் கொடுக்கப்பட்டுள்ளன. 

சற்று வித்தியாசமான கேமரா அமைப்பு, மேலும் மூன்று கேமராக்கள், உள்ளே ப்ரோஸ்ஸசரில் அதிநவீன ஏ13 சிப்செட், அத்துடன் டாப்டிக் எஞ்சின் என்கின்ற வசதியும் ஆப்பிள் நிறுவனம் தரவிருக்கிறது. 

இதன் மூலம் இதுவரை இல்லாத அளவிற்கு அதிவேகமாக தங்கு தடையின்றி செயல்பாடுகள் இருக்கும் என கூறப்பட்டுள்ளது.

Aarthi Sat, 08/24/2019 - 09:29
தொழில்நுட்பம்

English Title

Apple to launch iPhone 11 Pro

News Order

0

Ticker

0 ஹீரோ நிறுவனத்தின் எலக்ட்ரிக் ஸ்கூட்டர் அறிமுகம்!! அசத்தலான ஆரம்ப விலை!!

பிரபல இருசக்கர வாகன தயாரிப்பு நிறுவனமான ஹீரோ நிறுவனம் ஆட்டோமொபைல் பங்கு சந்தையில் புதிதாக இரண்டு எலக்ட்ரிக் ஸ்கூட்டர்கள் அறிமுகம் செய்துள்ளது.

இந்தியாவின் ஆட்டோமொபைல் சந்தையில் ஹீரோ நிறுவனம் இருசக்கர வாகன உற்பத்தியில் முன்னணி நிறுவனமாக திகழ்ந்து வருகிறது. வருடம் தோறும் புதுப்புது ஸ்கூட்டர் மற்றும் கியர் ரக வண்டிகளை அறிமுகம் செய்து பயனாளிகளை கவர்ந்து வருகிறது. இந்நிலையில் நேற்று ஆட்டோமொபைல் சந்தையில் புதிதாக இரண்டு எலக்ட்ரிக் ரக ஸ்கூட்டரை அறிமுகம் செய்துள்ளது.

ஆப்டிமா ER மற்றும் நிக்ஸ் ER எனப்படும் இந்த இரண்டு மாடல் எலக்ட்ரிக் ஸ்கூட்டர்கள் தற்போது இந்திய சந்தையில் எக்ஸ்ஷோரூம் விலையாக, டெல்லியில் 68,750 ரூபாய் மற்றும் 69,750 முறையே நிர்ணயிக்கப்பட்டுள்ளது. மற்ற மாநிலங்களில் 2 ரூபாய் கூடுதலாக நிர்ணயிக்கப்பட்டுள்ளது.

இந்த எலக்ட்ரிக் ஸ்கூட்டர்களில், இரு-லித்தியம் இயன் வழக்கமாக இருக்கும் பேட்டரிகளுடன் இணைந்து இல்லாமல், புதுவிதமாக வடிவமைக்கப்பட்டுள்ளது என அந்நிறுவனம் தெரிவித்துள்ளது.                                   இந்த வகை பேட்டரிகள் 100% சார்ஜ் செய்துக்கொள்ள வெறும் நான்கு மணி நேரம் மட்டுமே எடுத்துக்கொள்ளப்படும். மேலும், இந்த எலக்ட்ரிக் ஸ்கூட்டர்கள் 100km வரை வேகம் செல்லக்கூடியதாக இருக்கும். இந்த பேட்டரிக்களின் வாழ்நாள் 5 ஆண்டுகள் வரை இருக்கும் என்பதையும் குறிப்பிட்டது.

 

ஹீரோ எலக்ட்ரிக் இந்தியாவின் தலைமை நிர்வாக அதிகாரி சோஹிந்தர் கில், புதிய ஸ்கூட்டர்களை அறிமுகம் செய்துவைத்த பிறகு தெரிவிக்கையில், "வாடிக்கையாளர்கள் பெட்ரோல் விலை உயர்வால் அவதிப்படுவதை பார்த்த பிறகு, நல்ல எலக்ட்ரிக் ஸ்கூட்டர்களை வழங்க முடிவு செய்தோம். பொதுவாக, எலக்ட்ரிக் ஸ்கூட்டர்கள் வேகம் குறைவாக இருக்கும். ஆனால், இதில் அவை அனைத்தையும் மாற்றி அமைத்துள்ளோம். மேலும் நிக்ஸ் ER மற்றும் ஆப்டிமா ER இரண்டும் அனைத்து வயதினரும் பயன்படுத்த எளிதாகவும் இருக்கும்.                                                                                                                                             
 
புதிய எலெக்ட்ரிக் ஸ்கூட்டர்கள் வாடிக்கையாளர்களால் பாராட்டப்படும் வகையில் இருக்கும் என்று நாங்கள் நம்புகிறோம். FAME II பயன்கள், எங்கள் தயாரிப்புகளை மேலும் மலிவு விலை கொண்டதாக இருக்கும் என்றார்.

manikkodimohan Sat, 08/24/2019 - 09:28
தொழில்நுட்பம்

English Title

Hero Electric Launches Extended Range Variants of Optima and Nyx at Rs 68,721 in India

News Order

0

Ticker

0 இனிப்பு பெயர்களுக்கு குட்பை சொன்ன ஆண்ட்ராய்டு! கதையும்... வரலாறும்....

உலகம் முழுவதும் 200 கோடிக்கும் அதிகமானோர் ஆண்ட்ராய்டு இயங்குதளத்தைப் பயன்படுத்திவருகின்றனர். 

அத்தகையக உலகின் பிரபலமான ஸ்மார்ட்போன் இயங்குதளமான ஆண்ட்ராய்டை, கூகுள் நிறுவனம் முதன்முதலாக 2008ஆம் ஆண்டு அறிமுகம் செய்தது. அப்போது வெளியான பதிப்புக்கு ஆண்ட்ராய்டு 1.0 என்று பெயரிடப்பட்டது. அதன்பிறகு 2009ஆம் ஆண்டு PETIT FOUR 1.1 என்ற பெயரில் இரண்டாவது ஆண்ட்ராய்டு பதிப்பு வெளியானது. அதே ஆண்டில் வெளியான ஆண்ட்ராய்டு 1.5 என்ற பதிப்பில் இருந்துதான், இனிப்பு வகைகளின் பெயர்களை வைக்கும் வழக்கத்தை கூகுள் நிறுவனம் கையாண்டது. சீரிய இடைவெளிகளில் வெளிவந்த அடுத்தடுத்த ஆண்ட்ராய்டு பதிப்புகளுக்கு, சுவையான இனிப்பு வகைகளின் பெயர்களை அகர வரிசைப்படி கூகுள் நிறுவனம் வைத்தது. இதுவரையில், கப் கேக், டோனட், எக்லேர், ஃப்ரோயோ, ஜிஞ்சர்பிரெட், ஹனிகோம்ப், ஐஸ் க்ரீம் சான்ட்விச், ஜெல்லி பீன், கிட்கேட், லாலிபாப், மார்ஷ்மெல்லோ, நவ்கட், ஓரியோ, பை என இனிப்பு வகைகளின் பெயர்களே வைக்கப்பட்டன. இந்த பாரம்பரியமானது ஒவ்வொரு வெளியீட்டின் போதும், இணையதளங்களில் வேடிக்கையாக விமர்சிக்கப்படுவதும் உண்டு.

இந்த நிலையில், கடைசியாக வெளிவந்த 'பை' பதிப்புடன் தனது இனிப்பு வகை பெயர்களுக்கு குட்பை சொல்லி இருக்கிறது கூகுள். அடுத்துவரவுள்ள ஆண்ட்ராய்டு க்யூ என்ற பதிப்புக்கு, ஆண்ட்ராய்டு 10 என்று பெயர் சூட்டடியிருக்கிறது கூகுள். இதேபோல்தான் இனி வரும் பதிப்புகள் எண் வரிசையை கொண்டிருக்கும் என்றும் கூகுள் கூறியுள்ளது. பயனாளர்களிடம் குழப்பம் நிலவுவதால் பெயரிடும் பாரம்பரியத்தை முடித்துக் கொள்வதாகவும், இந்த மாற்றத்திற்கு இது சரியான தருணம் என்றும் கூகுள் விளக்கமளித்துள்ளது. பெயர் வைக்கும் வழக்கத்தை மாற்றிய கையோடு, ஆண்ட்ராய்டின் புதிய லோகோவையும் அறிமுகப்படுத்தியுள்ளது.

gowtham Fri, 08/23/2019 - 18:50
தொழில்நுட்பம்

English Title

Say goodbye to sweet names, Android! Story and history ...

News Order

0

Ticker

0 இந்தியாவில் பென்லி நிறுவனத்தின் லியோன்சினோ-500 ரக பைக்குகள் அறிமுகம்!!  ஆரம்ப விலை எத்தனை லட்சம் தெரியுமா?

மோட்டார் வாகன தயாரிப்பு நிறுவனமான பென்லி இந்திய ஆட்டோமொபைல் சந்தையில் லியோன்ஸினோ 500 ரக பைக்குகளை புதிதாக அறிமுகம் செய்துள்ளது.

உலகின் பழமையான மோட்டார் வாகனம் தயாரிப்பு நிறுவனங்களில் ஒன்றான பென்லி ஒவ்வொரு ஆண்டும் பல வடிவமைப்புகளுடன் கூடிய மோட்டார் பைக்குகளை சந்தையில் அறிமுகப்படுத்தி இளைஞர்களையும் நாற்பது வயதிற்கு மேற்பட்டோர் களையும் வெகுவாக கவர்ந்து வருகிறது.

benilli 500

பென்லி நிறுவனம் இந்திய ஆட்டோமொபைல் சந்தையில் டிஆர்கே 502 என்கிற ரக பைக்குகளை அண்மையில் அறிமுகம் செய்தது. இந்த ரக பைக்குகளில் பொருத்தப்பட்டுள்ள எஞ்சின் பயனாளர்களிடம் பெரும் வரவேற்பை பெற்றது.

இந்நிலையில் தற்போது இந்திய ஆட்டோமொபைல் சந்தையில் அறிமுகமாகியுள்ள லியோன்ஸினோ ரக பைகளிலும் இதே என்ஜினை பென்லி நிறுவனம் பொருத்தியுள்ளது.

இதில் 500சிசி பேரலெல் ட்வின் லிக்விட் கூல்டு என்ஜின் பொருத்தப்பட்டிருக்கிறது. 47.5 பி.எஸ். 8500-rpm செயல்திறனையும் மற்றும் 445-Nm டார்க் @5000 rpm  செயல்திறனையும் வழங்குகிறது. மேலும் இதில் 6-ஸ்பீடு கியர்பாக்ஸ் கொடுக்கப்பட்டிருக்கிறது. இதன் முன்புறம் 50 எம்.எம். அப்சைடு டவுன் ஃபோர்க், பின்புறம் அட்ஜஸ்ட் செய்யக்கூடிய ஷாக் அப்சார்பர் ஆகியனவும் பொருத்தப்பட்டிருப்பது கூடுதல் சிறப்பு.

benelli 500

பிரேக்கிங்கிற்கு முன்புறம் மற்றும் பின்புறத்தில் 320 எம்.எம். ட்வின் டிஸ்க் செட்டப் மற்றும் 260 எம்.எம். டிஸ்க் பொருத்தப்பட்டுள்ளது. இத்துடன் ஆன்டி-லாக் பிரேக்கிங் சிஸ்டமும் கொடுக்கப்பட்டிருக்கிறது. பென்லி லியோன்சினோ 500 மாடல் கவாசகி z650, சி.எஃப்.மோட்டோ 650NK உள்ளிட்ட மாடல்களுக்கு போட்டியாக ஆட்டோமொபைல் சந்தையில் இருக்கும் என எதிர்பார்க்கப்படுகிறது.

குறைந்தபட்ச முன்பதிவு கட்டணமான ரூ. 10,000 செலுத்தி இந்த ரக பைக்குகளை பெற்றுக்கொள்ளலாம். 5 ஆண்டுகள் வாரண்டியும் கொடுக்கப்பட்டுள்ளது.

டெல்லியில் இந்த ரக பைக்குகளுக்கு எக்ஸ் ஷோரூம் விலையாக 4.76 லட்சம் நிர்ணயிக்கப்பட்டுள்ளது.

gowtham Thu, 08/22/2019 - 15:05
benelli benelli 500  பென்லி நிறுவனம் தொழில்நுட்பம்

English Title

Benille launches Lioncino 500 bikes in India Do you know how many lakhs of the initial price?

News Order

0

Ticker

0 ஸ்டைல், மைலேஜ், டாப் என்ஜின் என அனைத்திலும் கலக்கும் மாருதி சுசூகி XL6..!! இந்தியாவில் அறிமுகம்

ஆட்டோமொபைல் சந்தையில் முன்னணி நிறுவனமான மாருதி சுசூகி இந்தியாவில் XL6 என்ற புதிய காரை அறிமுகம் செய்துள்ளது. இது இன்றைய தலைமுறை எர்டிகாவை அடிப்படையாகக் கொண்டு உருவாக்கப்பட்டதாகவும் கூறப்படுகிறது.
 

xl 6

ஆட்டோமொபைல் சந்தையில் கொடிகட்டி பறக்கும் நிறுவனத்தில் ஒன்றான மாருதி சுசூகி இந்தியா லிமிடெட் நிறுவனம் XL6 கிராஸ் ஓவர் ரக கார்களை இந்தியாவில் புதிதாக அறிமுகம் செய்துள்ளது. இந்த XL6 ரக  கார்கள் விலை கீழ் மாடல்களில் 9.96 லட்சம் ரூபாய் முதல் உயர்ரக மாடல்களில் 11.46 லட்சம் ரூபாய் வரையிலான விலையில் விற்பனை செய்யப்படுகிறது. இது எக்ஸ் ஷோரூம் விலேயே. சந்தையில் மாற்றம் இருக்கலாம்.

மாருதி சுசூகி XL6 கார்களில் 6 சீட்கள் இருக்கும் வண்ணம் வடிவமைக்கப்பட்டுள்ளது. அதாவது, 2+2+2 என்கிற  லே-அவுட் அடிப்படையில் தயாரிக்கப்பட்டுள்ளது.                                                                                               

முன்பக்க வடிவமைப்பில், பம்பர்களுடன் உறுதியான லைன்கள், அகலமான சென்ட்ரல் ஏர்டேம் மற்றும் தடிமனான பிளாக் கிளேடிங், புதிய பனிக்கால விளக்குகள் மற்றும் ஸ்கீட் பிளேட்கள் என அனைத்தும் புதிய தலைமுறையை கவரும் வண்ணம் பொருத்தப்பட்டுள்ளது.

xl6

பின் பக்கத்திலும், அதே இன்றைய தொழில்நுட்பத்துடன் நீளமான, ஸ்விப்ட்பேக் எல்.இ.டி டெயில் லேம்ப்கள் எர்டிகாவில் உள்ளது போன்றே இருந்தாலும், இதில் உள்ள பிளாக் இன்சர்ட்கள் இந்த காருக்கு ஸ்போர்ட்ஸ் வடிவத்தை கொடுக்கிறது. ரியர் பம்பர்கள் புதியதாகவும் சில்வர் ஸ்கீட் பிளேட்களுடன் கிளாம் குயிடேன்ட்டுகளுடன் அமைக்கப்பட்டுள்ளது.                                                                            உட்புற வடிவமைப்பில், பிரிமியம் ஸ்டோன் பினிஷ் மற்றும் ரிச் சில்வர் வேலைப்பாடுகளுடன் ஸ்விப்பின் கொண்ட கேபின்களாக இருக்கும்.

இன்றைய காலகட்டத்திற்கு ஏற்ப, மாருதி சுசூகி XL6 ரக கார்களில் ஸ்மார்ட்பிளே ஸ்டுடியோ இன்போடேய்ன்மென்ட் சிஸ்டம் பொருத்தப்பட்டு, ஸ்மார்ட் கனெக்டிவிட்டியும் உள்ளது கூடுதல் சிறப்பே.

பயணிகளின் பாதுகாப்பு வசதிக்காக, டூயல் முன்புற ஏர்பேக்ஸ், இபிடி-களுடன் கூடிய ஏபிஎஸ், முன்புற சீட் பெல்ட்ல்குடன் ப்ரீ டென்சனர்களுடன் போர்ஸ் லிமிட்டர்கள், ISOFIX சைல்ட் சீட் ஆங்கரேஜ்கள், ஹை ஸ்பீட் வார்னிங் அலர்ட், ரிவர்ஸ் பார்க்கிங் சென்சார்கள் என ஏராளமான வசதிகள் அடங்கியிருக்கும்.

xl6

இந்த வகை கார்களில் 1.5 லிட்டர் K15 பெட்ரோல் மோட்டார்கள் மற்றும் அதில் SHVS என்ற  டெக்னாலஜியும் கொடுக்கப்பட்டுள்ளது. இந்தவகை டெக்னாலஜிகள் சமீபத்தில் இன்றைய தலைமுறை எர்டிகா ரக கார்களில் அறிமுகப்படுத்தப்பட்டது.                                                                           பெட்ரோல் வகைகள் 4 ஸ்பீட் ஆட்டோமேடிக் டார்க் கன்வெர்ட்டர் மற்றும் 5 ஸ்பீட் மெனுவல் கியரை கொண்டுள்ளன. K15 இன்ஜின்களில் பீக் எனர்ஜியாக 103 bhp எனர்ஜி 6,000 rpm-லும், பீக் டார்க்கில் 138 Nm-ல் 4,400 rpm-லும் இயங்கக்கூடியதாக இருக்கும்.

gowtham Thu, 08/22/2019 - 13:32
maruthi cars maruthi xl6 மாருதி சுசூகி XL6 தொழில்நுட்பம்

English Title

Maruti Suzuki XL6 mixes style, mileage and top engine. Introduction to India

News Order

0

Ticker

0 வந்தாச்சு ஒன்ப்ளஸ் டி.வி!! எப்போ இருந்து வாங்கலாம் தெரியுமா?

ஸ்மார்ட்போன் விற்பனையில் கலக்கி வரும் ஒன்பிளஸ் நிறுவனம் செப்டம்பர் மாதத்தில் இருந்து அதிகாரபூர்வமாக ஸ்மார்ட் தொலைக்காட்சிகளை தொழில்நுட்ப சந்தையில் விற்பனைக்கு கொண்டு வர இருப்பதாக அறிவித்துள்ளது.

oneplus

பி பி கே எலக்ட்ரானிக்ஸ் நிறுவனத்தின் ஸ்மார்ட் போன் தயாரிப்பின் ஒரு அங்கமாக ஒன்பிளஸ் ஸ்மார்ட்போன்கள் இருந்து வருகிறது. இந்திய துணைக்கண்டத்தில் மட்டுமல்லாது; அமெரிக்கா, ஐரோப்பா, ஆஸ்திரேலியா போன்ற கண்டங்களில் இதன் விற்பனை கொடி கட்டி பறக்கிறது. 

ஒன்பிளஸ் ஸ்மார்ட்போன்கள்  இந்திய ரூபாய் மதிப்பின் படி, 25 ஆயிரத்திற்கும் அதிகமாக இருந்தாலும்கூட தொழில்நுட்ப சந்தையில் தனி மவுசு சற்றும் குறையவில்லை. 30 ஆயிரத்திற்கும் அதிகமான விலை கொண்ட ஸ்மார்ட்போன் விற்பனையில் ஒன்பிளஸ் நிறுவனம் முதலிடம் வகிக்கிறது.

 இதற்கிடையில் கடந்த ஆண்டு செப்டம்பர் மாதம் ஒன்பிளஸ் நிறுவனத்தின் தலைமைச் செயல் அதிகாரி, தொழில்நுட்ப சந்தையில் ஒன்பிளஸ் நிறுவனம் புதிய ஸ்மார்ட் டிவி-களை கொண்டு வர இருப்பதாகவும் இதற்கான தயாரிப்புகள் தொடர்ந்து நடைபெற்றுக் கொண்டிருப்பதாகவும் எப்போது வெளியாகும் என்பதை அடுத்த ஆண்டு தெரிவிப்பதாகவும் கூறினார்.

oneplus

இந்நிலையில், கடந்த வாரம் நடைபெற்ற தொழில்நுட்ப நிகழ்ச்சியில் இது குறித்து பேசிய ஒன்பிளஸ் நிறுவனத்தின் தலைமைச் செயல் அதிகாரி, 2019 ஆம் ஆண்டு செப்டம்பர் மாதம் தொழில்நுட்ப சந்தையில் ஒன்பிளஸ் நிறுவனத்தின் டிவிகள் அறிமுகமாகும். இது இந்தியாவில் தான் முதன்முதலில் அறிமுகப்படுத்த இருக்கிறோம். அதன் பிறகு அமெரிக்கா, ஐரோப்பா ஆஸ்திரேலியா மற்றும் சீனா ஆகிய கண்டங்களில் உள்ள நாடுகளில் அறிமுகமாக இருக்கின்றன. 

கடந்த ஆண்டு நான் தெரிவித்ததை போல ஒன் பிளஸ் நிறுவனத்திற்கு இந்த டிவி முக்கியத்துவம் வாய்ந்ததாக இருக்கும். அடுத்த கட்டத்திற்கு கொண்டு செல்ல இது மிகவும் உதவிகரமாக இருக்கும் என்பதை ஆணித்தரமாக நம்புகிறது. விரைவில் பொழுதுபோக்கு நிகழ்ச்சிகளை தருவதற்கான ஒப்பந்தத்தை பெற்றபிறகு சந்தையில் அறிமுகமாகும் என குறிப்பிட்டார். 

மேலும் எங்களது நெவர் செட்டில் என்கின்ற கோட்பாட்டின் அடிப்படையில் டிவியின் உள்ளே பயன்படுத்தப்பட்டுள்ள ஒவ்வொரு வன்பொருள் மிகவும் தரமானதாக பொருத்தி இருக்கிறோம். நிச்சயம் எங்களின் ஸ்மார்ட்போனை ஏற்றுக்கொண்டது போல டிவிகளும் பயனாளர்களால் ஏற்றுக் கொள்ளப்பட்டு பெரும் வரவேற்ப்பை கொடுக்கும் என நம்புகிறேன் என்றார்.

gowtham Thu, 08/22/2019 - 13:22
OnePlus oneplus tv ஒன்பிளஸ் தொழில்நுட்பம்

English Title

OnePlus TV !! Do you know where to buy it from?

News Order

0

Ticker

0 ரக்க்ஷாபந்தன் வாழ்த்துகளுக்கு விதவிதமான ஸ்டிக்கர்கள் | களை கட்டும் வாட்ஸ் அப்

இன்று சகோதர பாசத்தை வலியுறுத்தும் வகையில் ரக்‌ஷாபந்தன் கொண்டாடப்பட்டு வரும் நிலையில், ரக்க்ஷாபந்தன் வாழ்த்துக்களை ஸ்டிக்கர்களாக வாட்ஸ்அப்பில் பகிர்ந்து கொள்ள பிளே ஸ்டோரில், ரக்க்ஷாபந்தன் ஸ்டிக்கர்ஸ் 2019, ராக்கி ஸ்டிக்கர்ஸ் என்று அறிமுகப்படுத்தியுள்ளது. பயனாளர்கள் இதனை சர்ச் செய்து ரக்க்ஷாபந்தன் வாழ்த்துகளை பரிமாறிக்கொள்ளலாம்.

raksha bandhan

இந்தியாவில் 400 மில்லியனுக்கும் அதிகமானோர் வாட்ஸ்அப் செயலியைப் பயன்படுத்தி வருகின்றனர். இதன் மூலமாக நாள்தோறும் பல்லாயிரக்கணக்கான தகவல்கள் வாட்ஸ் அப் மூலமாக பரிமாறப்பட்டு வருகின்றன. பண்டிகை நாட்களில், பரிமாறப்படும் தகவல்கள், வாழ்த்துகளின் எண்ணிக்கை பல கோடிகளை தாண்டுகிறது. வாழ்த்து அட்டைகளை காணாமல் போக செய்து, வாட்ஸ்அப்பில் பெரும்பாலும் தகவல்கள், வாழ்த்துகள் ஸ்டிக்கர்களாகவே பரிமாறப்பட்டு வருகின்றன.
பேஸ்புக் நிறுவனம், வாட்ஸ்அப் செயலியின் அப்டேட்களை அவ்வப்போது வழங்கி வருகின்றன. அந்த அப்டேட்களை நாம் தவறாது செய்துவந்தாலே, புதிய புதிய வசதிகளை பெறலாம். வாட்ஸ்அப்

whatsapp

செயலியில் ஏற்கனவே ஸ்டிக்கர்கள் வசதி உள்ள நிலையில், நமக்கு அதிக ஸ்டிக்கர்கள் தேவைப்படும் பட்சத்தில் பிளேஸ்டோரில் இருந்து தரவிறக்கம் செய்து பயன்படுத்திக் கொள்ளலாம். ரக்ஷா பந்தன் ஸ்டிக்கர்ஸ், ராகி ஸ்டிக்கர்ஸ் என சர்ச் செய்து அதை வாட்ஸ்அப்பில் இணைத்துக்கொண்டால், சாட் பாக்சில் அந்த ஸ்டிக்கர்கள் தோன்றும், நாம் அதை விரும்பிய நண்பர்களுக்கு அனுப்பி அவருடன் வாழ்த்துகளை பரிமாறிக்கலாம்.

gowtham Thu, 08/15/2019 - 13:15
raksha bandhan WhatsApp ரக்‌ஷாபந்தன் தொழில்நுட்பம்

English Title

Rakshabandhan Various Stickers For Greetings | Weed Up Watts Up

News Order

0

Ticker

0 உங்களை எல்லாம் அந்த கூகுளாண்டவர்தான் காப்பாத்தணும்!

முன்பெல்லாம் வீட்டில் ஏதேனும் விலையுயர்ந்த  பொருட்களோ, ஆடோ, மாடோ, கோழியோ காணாமல்/திருடுபோனால், அதற்கென இருக்கும் ஸ்பெஷலிஸ்ட்களான வெற்றிலையில் மைபோட்டுப் பார்க்கும் மந்திரவாதிகளிடம் சென்று காணாமல் போன பொருள் இருக்கும் இடம் குறித்து கேட்டு வருவார்கள். இப்போது டெக்னாலஜி காலத்திலும் அப்படி செய்ய முடியுமா என்ன? உடனடியாக கூகுளை நாடி அங்கேயே தேடுகிறார்கள். அக்கா தங்கைக்கு வரன் வேண்டுமா? கூகுள். வாடகைக்கு வீடு வேண்டுமா? கூகுள்.

Google produces wrong Zomato number

இப்படி எல்லாவற்றுக்கும் கூகுளை நாடியே பழக்கப்பட்ட பெங்களூர்வாசி ஒருவர், சொமோட்டோவில் பிரியாணி ஆர்டர் செய்திருக்கிறார். பிறகுதான் ஞாபகத்துக்கு வருகிறது அது சனிக்கிழமை என்று. உடனடியாக கேன்சல் செய்து பணத்தை திரும்ப கேட்க, சொமோட்டோவின் வாடிக்கையாளர் எண்ணை கூகுளில் தேடியிருக்கிறார். கூகுளும் நல்ல பிள்ளை மாதிரி ஒரு எண்ணைக் காட்ட, அந்த எண்ணுக்கு தொடர்பு கொண்டிருக்கிறார். வேண்டுமென்றே அந்த எண்ணை கூகுளில் பதிவு செய்திருந்து காத்திருந்த ஹேக்கர், இவரிடம் ஓ.டி.பி. உள்ளிட்ட அனைத்து தகவல்களையும் கேட்க, இவரும் சமர்த்தாக சொல்லியிருக்கிறார். பிரியாணிக்கு செலவு செய்த 100 ரூபாயும் போய், கூடவே இவர் அக்கவுண்டில் இருந்த பணத்தையும் அவன் காலி பண்ணிவிட்டுத்தான் ஓய்ந்திருக்கிறான். கண்ணால் காண்பதும் பொய், கூகுளில் தேடிகிடைப்பதும் பொய், தீர விசாரிக்கவில்லையெனில் நம் பணம் யாருக்கோ மொய்! 

gunaseelan Thu, 08/15/2019 - 11:22
Fake google results cost innocent users Fake Zomato call centre number Google is not the perfect answer machine Fake google results தொழில்நுட்பம்

English Title

Fake google results cost a lot to innocent internet users

News Order

0

Ticker

1 வாட்ஸ்அப் பயனாளியா நீங்கள்? இதை செய்து உங்களது தகவல்களை பாதுகாப்பாக வைத்துக் கொள்ளுங்கள்

வாட்ஸ்அப் நிறுவனம் பயனாளிகளின் தகவல்கள் பாதுகாப்பிற்காக புதிய வசதி ஒன்றை அப்டேட் மூலம் செய்திருக்கிறது.

whatsapp

கையில் ஸ்மார்ட்போன் வைத்திருக்கும் ஒவ்வொருவரும் வாட்ஸ் அப் செயலியை தவறாமல் பயன்படுத்திக் கொண்டிருப்பவர்கள் தான். அண்மையில் பாதுகாப்பற்ற முறையில் இருக்கும் வாட்ஸ் அப் பயனாளிகளின் தகவல்கள் ஹேக்கர்கள் மூலம் திருடப்பட்டதை அனைவரும் செய்திகள் மூலம் அறிந்திருப்போம். ஆனால் அதை எவ்வாறு தடுப்பது என்பது குறித்து விழிப்புணர்வு அனைவரிடமும் இருக்கிறதா? என்பது கேள்விக்குறி தான்.

ஆதலால் இயல்பாகவே பாதுகாப்பான முறையில் தகவல்களை வைத்துக் கொள்ள வாட்ஸ்அப் நிறுவனம் தினமும் ஏதேனும் ஒரு அப்டேட் கொடுத்துக் கொண்டே இருக்கிறது. ஆனால் பயனாளிகள் அதைப் பற்றி புரிந்து கொள்ளாமல் அசால்டாக பின்பு அப்டேட் செய்து கொள்ளலாம் என நகர்கின்றனர். 

தற்போது மேலும் ஒரு புதிய வசதி ஒன்றை அப்டேட் மூலம் வாட்ஸ்ஆப் நிறுவனம் செய்திருக்கிறது. அதில் கைரேகை மூலம் செயலியை லாக் செய்யும் வசதியை கொடுத்திருக்கிறது.

இதை பிற செயலிகளின் உதவி இல்லாமல் நேரடியாக வாட்ஸ் அப் செயலியின் மூலமாகவே செய்துகொள்ளும் விதமாக கொடுத்திருப்பது கூடுதல் சிறப்பு.

எப்படி செய்வது?

Settings --> privacy --> Unlock with fingerprint 

whatsapp

இவ்வாறாக செய்து இந்த வசதியை உறுதிப்படுத்தலாம். இதில் மூன்று விதமாக கொடுக்கப்பட்டுள்ளது. அதாவது உடனடியாக லாக் செய்யும் ஒவ்வொரு முறையும் கைரேகை வசதி வேண்டும், 30 வினாடிகளுக்கு பிறகு கைரேகை வசதி வேண்டும் அல்லது ஒரு நிமிடத்திற்கு பிறகு கைரேகை வசதி வேண்டும் என விருப்பத்திற்கு ஏற்றவாறு தேர்வு செய்து கொள்ளலாம்.

பயனாளிகளின் தகவல்களை பாதுகாப்பாக வைத்துக்கொள்ள ஒவ்வொரு நாளும் புதிய புதிய முயற்சிகளை வாட்ஸ்அப் நிறுவனம் செய்து வருவது தொழில்நுட்பத்தை விரும்பும் பலரிடமும் வரவேற்பை ஏற்படுத்தி இருக்கிறது.

மேலும் புதிதாக வாட்ஸ்அப் பயன்படுத்துபவர்களுக்கு உரிய தகவல் பாதுகாப்பு வசதிகளை இயல்பாகவே அந்நிறுவனம் செய்து தருகிறது.

gowtham Wed, 08/14/2019 - 18:55
WhatsApp update வாட்ஸ்அப் தொழில்நுட்பம்

English Title

WhatsApp user are you? Do this and keep your information secure

News Order

0

Ticker

0 இரண்டு அதிநவீன தொலைகாட்சி பெட்டிகளை இந்தியாவுக்குள் இறக்குகிறது சாம்சங்

ஆசையா கட்டின வீட்டில் நடு ஹால்ல ஒரு பெரிய சைஸ் டிவி வாங்கி மாட்டணும்னு ஆசைதான், ஆனா அவ்ளோ பெரிய டிவியை மாட்டிட்டா, சுவர் முழுசையும் டிவியே ஆக்கிரமிச்சுக்குது, வேற போட்டோ ஒண்ணுகூட மாட்ட முடியலேன்னு ஃபீல் பண்ணுபவர்களின் குரல் சாம்சங் காதில் விழுந்துவிட்டது. உங்களுக்காகவே சாம்சங் அறிமுகம் செய்திருக்கிறது ஃப்ரேம் டிவி. அதாவது தொலைகாட்சியை ஆன் செய்தால் அது டிவியாக இருக்கும், ஆஃப் செய்துவிட்டால் ஃப்ரேமாக மாறிவிடும், அதான் ஃப்ரேம் டிவியின் ஸ்பெஷாலிட்டி. கலைவேலைப்பாடுகளுடன் கூடிய ஆயிரம் ஃப்ரேம்களை முன்கூட்டியே இதனுள் தரவிறக்கி தருகிறது சாம்சங். தொலைகாட்சி பெட்டியில் ஓடும் காட்சியை அணைத்துவிட்டவுடன், நீங்கள் முன்கூட்டியே செட்டிங்கில் ஏற்றி வைத்திருக்கும் இந்த ஃப்ரேமாக டிவி மாறி உங்கள் சுவற்றை அலங்கரிக்கும். சத்தம் கூட்டுவது, சேனல் மாற்றுவது எல்லாவற்றையும் குரல் உத்தரவுமூலமே நிறைவேற்றும் இந்த டிவி 55 இஞ்ச் சைஸில் வருகிறது.

not just a frame, But TV

ஸ்மார்ட் 7- இன் – 1 என்ற மற்றொரு டிவியையும் சாம்சங் அறிமுகப்படுத்துகிறது. இதனுடைய ஸ்பேஷாலிட்டி என்னவென்றால், இந்த டிவியை உங்கள் பர்சனல் கம்யூட்டராகவே பாவிக்கலாம். தொலைவில் இருக்கும் உங்கள் லேப்டாப்பை இந்த டிவியில் ஆக்செஸ் செய்யலாம். அட, மைக்ராசாஃப்ட் எக்செல் ஷீட்டில் செய்யவேண்டிய வேலைகளைக்கூட இந்த ஸ்மார்ட் டிவியில் செய்துகொள்ளலாம் என்றால் பார்த்துக்கொள்ளுங்கள்.

gunaseelan Fri, 08/09/2019 - 13:56
Samsung introduces two TVs in India TV cum Frame Smart 7-in-1 Samsung Frame TV தொழில்நுட்பம்

English Title

Samsung introduces two new TVs in Indian market

News Order

0

Ticker

1 


Super Earth

சூப்பர் பூமியை கண்டுப்பிடித்த நாசா! கெளம்புங்க குடியேறலாம்..! 

சூரிய குடும்பத்திற்கு வெளியே பூமியை போன்ற வடிவம் கொண்ட 3 புதிய கோள்களை நாசாவின் (TESS) டெஸ் செயற்கைக்கோள் கண்டுபிடித்துள்ளது.


Moon

நிலவில் 5 ஏக்கர் நிலம் வாங்கிய நபர்! குடியேறுவது சாத்தியமா? 

நிலாவில் இந்தியர் ஒருவர் ஐந்து ஏக்கர் நிலம் வாங்கியிருப்பதாகவும், விரைவில் குடியேறவிருப்பதாகவும் தகவல் வெளியாகியுள்ளது. 

  

Indian Cricketers Faceapp

App-ஐ தேடித்தேடிப் போய் உட்காருவதில் நம்மை அடிச்சுக்கவே முடியாது!

நாளை ஏதாவது வெளியூர் செல்லும்போது, அங்கே உள்ள பொதுக்கழிவறையில் ஆண்கள் கழிவறைக்கு வெளியே உங்கள் போட்டோ ஒட்டப்பட்டு ஆண்கள் என எழுதியிருந்தால் ஆச்சர்யம் அடையவேண்டாம். விரைவாதம், விரைவ...


Face app

சமூக வலைதளங்களில் ட்ரெண்டாகும் ஃபேஸ் ஆப்! தகவல்களையும், புகைப்படங்களையும் திருடுவதாக புகார்... 

பேஸ்புக், இன்ஸ்டாகிராம், ட்விட்டரில் தற்பொழுது ட்ரெண்டிங்கில் உள்ள ஹாஷ்டக் #Agechallenge,இந்த ஹாஷ்டக உருவாக முக்கிய காரணம், பேஸ்ஆப் என்ற அப்ளிகேசன். கடந்த 2017 ஆம் ஆண்டு அறிமுகம் ச...


 Instagram

இன்ஸ்டாகிராமில் காசுக்கொடுத்து லைக்ஸ்களை வாங்கும் கும்பல்! இன்ஸ்டாகிராம் எடுத்த நூதன முடிவு

இன்ஸ்டாகிராமில் அங்கீகாரம் பெற்ற சில பயனாளர்கள் பணம் கொடுத்து லைக்குகளை பெறுவதாக குற்றஞ்சாட்டுகின்றனர்.

2018 TopTamilNews. All rights reserved.