• December
    09
    Monday

Main Area

Main



அரிசி ராஜா பிடிபட்டான்... மயக்க ஊசி செலுத்தி சுற்றிவளைத்த வனத்துறையினர்!

 அரிசி ராஜா காட்டு யானை
 அரிசி ராஜா காட்டு யானை

கோவை மாவட்டம் பொள்ளாச்சி அர்த்தநாரி பாளையத்தில் சுற்றித் திரிந்து வந்தது  அரிசி ராஜா காட்டு யானை. இந்த யானை ஊருக்குள் புகுந்து வீடுகளை சேதப்படுத்துவதோடு, அரிசியையும் விரும்பி சாப்பிடுமாம். இதனால்  இதை அரிசி ராஜா என்று அழைக்கின்றனர்.  2017 ஆம் ஆண்டு கோவை வெள்ளூரில் 4 பேரை மிதித்துக் கொன்றதாகவும், நவமலை காட்டுப்பகுதியில் 3 பேரை மிதித்துக் கொன்றதாகவும் அப்பகுதி மக்கள் கூறுகின்றனர். தற்போது  அர்த்தநாரி பாளையத்தில்  சுற்றி திரியும் இந்த காட்டு  யானை சமீபத்தில் விவசாயி ஒருவரைத் தாக்கி கொன்றதால் அச்சம் அடைந்த கிராம மக்கள் வனத்துறையினர் உதவியுடன் கடந்த திங்கட்கிழமை அதை பிடிக்கும் முயற்சியில் இறங்கினர். 

arisi raja

அரிசி ராஜாவைப் பிடிக்க கலீம் மற்றும் பாரி என்ற இரண்டு கும்கி யானைகள் வரவழைக்கப்பட்டுள்ளன. இதில் பாரிக்கு உடல்நலக்குறைவு ஏற்படவே இந்த முயற்சியில் கலீம் களமிறக்கப்பட்டது. இதையடுத்து வனத்துறையினர் 70க்கும் மேற்பட்டோர் அங்கு முகாமிட்டு ட்ரோன்  மூலம் அரிசி ராஜாவைத் தேடும் பணியை தீவிரப்படுத்தினர்.

elephant


இந்நிலையில் அரிசி ராஜாவை  நேற்று இரவு ஆண்டியூர் பகுதி தென்னந்தோப்புக்குள் வேட்டை தடுப்பு காவலர்கள் சுற்றிவளைத்தனர். இதன் பின்னர் மருத்துவக்குழுவின்  உதவியுடன் அரிசி ராஜாவுக்கு இரவு 9.45 மணியளவில் மயக்க ஊசி செலுத்தப்பட்டது. மேலும் மீண்டும் அதிகாலை 3 மணிக்கு மற்றொரு மயக்க ஊசி செலுத்தப்பட்டது. அதற்கு பிறகு கும்கி யானை கலீம் உதவியுடன்,  அரிசி ராஜாவை லாரியில் ஏற்றும் பணிகள் தொடங்கியது. அங்கிருந்து காட்டு யானை அரிசி ராஜா டாப்ஸ்லிப் அருகே உள்ள வரகளியாறு யானைகள் பயிற்சி முகாமுக்கு அழைத்துச் செல்லப்பட்டது குறிப்பிடத்தக்கது. 
 

2018 TopTamilNews. All rights reserved.