• November
    12
    Tuesday

Main Area

Main



அதிகாலையில் பிரியாணி சாப்பிடுவதுதான் நல்லது…! திண்டுக்கல் பெருமாள் நாயுடு சொல்லும் ஃபிட்னெஸ் ரகசியம்!?

பிரியாணி
பிரியாணி

திண்டுக்கல் மதுரை சாலையில் பேகம்பூரில் இருக்கும் இந்த பெருமாள் நாயுடு பிரியாணி ஹோட்டல் 170 ஆண்டுகள் பழைமையானது என்கிறார்,இன்றைய உரிமையாளர் நந்தகோபால்.

briyani

பத்தொன்பதாம் நூற்றாண்டில் இந்த உணவகத்தை துவங்கியிருக்கிறார்  பெருமாள் நாயுடு.அப்போது ,கட்டிடம் கட்ட அன்றைய ஆங்கில அரசிடம் அனுமதி பெற்ற கடிதத்தை,அவரது மகன் திருவேங்கட ராமானுஜ நாயுடு  இன்னும் பத்திரமாக வைத்து இருக்கிறார்.

briyani

அதுவே 150 வருடத்துக்கு முந்தியது.அதன்படி பார்த்தாலும் இது 150 வருடம் முன்பிருந்தே நடந்துவரும் உணவகம்.அதுமட்டுமல்ல பெருமாள் நாயுடு பிரியாணி ஓட்டலின் சிறப்பு,அதிகாலை 7 மணிக்கே ஆவிபறக்கும் மட்டன் பிரியாணி,இட்லி,மட்டன் சாப்ஸ் என்று சூடும் சுவையுமாகப் பரிமாறுகிறார்கள். 

அலங்கார விளக்குகள்,ஏர்- கண்டிஷன்,பிரமாண்ட பெயர்ப்பலகை எதுவும் இல்லை.அவளவு ஏன்,பிரியாணி ரெடி என்று வாசலில் ஒரு அறிவிப்பு பலகை கூட இல்லை! அதற்குபதிலாக,கடை வாயிலின் உட்புறம் வாழை இலைத் துண்டுகளை தோரணம் போல தொங்கவிட்டு இருக்கிறார்கள். 

briyani

பிரியாணி ரெடி என்பதை அந்த வாழை இலைகள் வாடிக்கையாளர்களுக்கு தெரிவிக்கின்றன.காலை ஏழு மணிக்கு துவங்கும் ஹோட்டல் மதியம் 11.30 வரை நடக்கிறது.ஆட்டுக்கறி பிரியாணி ஒரு பிளேட் 400 ரூபாய். நான்கு பேர் சாப்பிடலாம்.படியில் அளந்தும் விற்கிறார்கள்.அது 2000 ரூபாய்.உணவகத்தில் வந்து சாப்பிடும்போது பிரியாணி 100 ரூபாய்.

பிரியாணி மட்டுமல்ல...இட்லி தோசை சோறு,மற்ற அசைவ தொடுகறிகளும் உண்டு.வெளியிலிருந்து வரும் ஆர்டகளுக்கும் சப்ளை செய்கிறார்கள். தலப்பாகட்டி பிரியாணிக்கெல்லாம் இது சீனியர் பிரியாணி. 

briyani

“டேஸ்ட்ட  விட எனக்கு குவாலிட்டிதான் முக்கியம்,நல்ல குவாலிட்டி,நல்ல சுவையைக் கொண்டு வந்துடும்”என்கிறார், நாலாவது தலைமுறை பிரியாணி தயாரிப்பாளர் நந்தகுமார்.காலையில் பிரியாணி சாப்பிடுவதுதான் நல்லது,அப்போதுதான் நாள் முழுக்க  வேலை செய்ய சக்தி கிடைக்கும் என்று தங்கள் கடை டைமிங்குக்கு விளக்கம் தருகிறார் நந்தகுமார்.

ஆந்திர முதல்வர் என்.டி ஆர் தனது வாழ்நாள் முழுக்க காலையில் ராஜவிருந்து சாப்பிடுவார்,அதன் பிறகு நாள் முழுக்க பழங்கள் மட்டுமே சாப்பிடுவார் என்று ஆந்திர திரையுலகில் இப்போதும் ஹெல்த் ஃபிட்னெஸ் பத்தி பேசுகிற நடிகர்கள் உண்டு! திண்டுக்கல் பெருமாள் நாயுடுதான் அவருக்கு இன்ஸ்பிரேசனா இருந்திருப்பாரோ!?

2018 TopTamilNews. All rights reserved.