• November
    21
    Thursday

Main Area

Main



தொடர் தோல்விகள்; தற்கொலை முடிவுக்கு தள்ளப்பட்ட பாகிஸ்தான் பயிற்சியாளர் !!

மிக்கி ஆர்தர்
மிக்கி ஆர்தர்

பாகிஸ்தான் அணியின் தொடர் தோல்விகளால் தனக்கு தற்கொலை செய்து கொள்ளும் என்ற எண்ணமே ஒரு கட்டத்தில் ஏற்பட்டதாக பாகிஸ்தான் அணியின் பயிற்சியாளரான மிக்கி ஆர்தர் தெரிவித்துள்ளார். 


நடப்பு உலகக்கோப்பை கிரிக்கெட் தொடரில் முழு பலம் பொருந்திய அணிகளுள் ஒன்றாக பார்க்கப்பட்ட பாகிஸ்தான் கிரிக்கெட் அணி தொடர் தோல்விகளை மட்டுமே சந்தித்து வருகிறது. இதில் குறிப்பாக இந்திய அணியுடனான போட்டியில் பாகிஸ்தான் அடைந்த படுதோல்வியால், அந்த அணியின் ஒவ்வொரு வீரர்களும் இன்றளவில் கடும் விமர்ச்சனத்திற்கு உள்ளாகியுள்ளனர். 


இந்த நிலையில், பாகிஸ்தான் அணியின் பயிற்சியாளரான மிக்கி ஆர்தர் நேற்று அளித்த பேட்டி ஒன்றில் கடும் மன உளைச்சலால் தனக்கு தற்கொலை எண்ணமே ஏற்பட்டதாக தெரிவித்துள்ளார். இது குறித்து பேசிய அவர், கடந்த ஞாயிற்றுக்கிழமை எனக்கு தற்கொலை செய்து கொள்ளும் எண்ணமே ஏற்பட்டது. இருந்தாலும் இது வெறும் ஒரு போட்டி தான் என்பதால் என் மனதை தேற்றி கொண்டேன், எங்கள் வீரர்களிடமும் இதனை தான் அறிவுறுத்தி வருகின்றேன். மீடியா, சமூக வலைதளங்கள் மற்றும் ரசிகர்கள் என அனைத்து பக்கங்களில் இருந்தும் கடும் விமர்ச்சனங்கள் எழுந்து வருவதால் பாகிஸ்தான் அணியின் ஒவ்வொரு வீரர்களும் கடுமையாக பாதிக்கப்பட்டுள்ளனர், அவர்கள் நிம்மதியாக தூங்குவது கூட கிடையாது” என்று வேதனை தெரிவித்துள்ளார்.

2018 TopTamilNews. All rights reserved.