darbar
  • January
    20
    Monday

Main Area

Main



பா.ஜ. உறுப்பினர்கள் எண்ணிக்கையை விட 8 நாடுகளில் மட்டுமே மக்களின் தொகை அதிகம் - பா.ஜ. செயல் தலைவர் நட்டா பெருமிதம்

ஜே.பி.நட்டா
ஜே.பி.நட்டா

புதிய உறுப்பினர்கள் சேர்க்கை தொடர்பாக பா.ஜ. செயல் தலைவர் ஜே.பி. நட்டா செய்தியாளர்களிடம் கூறுகையில், பா.ஜ.வில் புதிதாக 7 கோடி உறுப்பினர்கள் சேர்ந்தள்ளனர். இதனையடுத்து பா.ஜ. உறுப்பினர்கள் எண்ணிக்கை 18 கோடியை தாண்டி விட்டது. தற்போது பா.ஜ. உறுப்பினர்கள் அளவை காட்டிலும் 8 நாடுகளில் மட்டுமே மக்கள் தொகை அதிகமாக உள்ளது. 

அமித் ஷா

கடந்த 2016ம் ஆண்டில் பா.ஜ. உறுப்பினர்கள் எண்ணிக்கை 16 கோடியை எட்டியது. இதனையடுத்து சர்வதேச அளவில் மிகப்பெரிய அரசியல் கட்சி என்ற பெருமை பா.ஜ. பெற்றது. மேற்கு வங்கத்தில் 10 லட்சம் புதிய உறுப்பினர்களை சேர்க்க இலக்கு நிர்ணயித்து இருந்தோம். ஆனால் புதிதாக ஒரு கோடி உறுப்பினர்கள் பா.ஜ.வில் சேர்ந்தனர். ஜம்மு அண்டு காஷ்மீரில் கட்சியில் 6 லட்சம் புதிய உறுப்பினர்களை சேர்த்துள்ளோம். இவ்வாறு அவர் கூறினார்.

பா.ஜ. தொண்டர்கள்

பா.ஜ. தலைவர் அமித் ஷா மத்திய உள்துறை அமைச்சரானதை தொடர்ந்து கடந்த ஜூன் மாதத்தில் ஜே.பி. நட்டா செயல் தலைவராக தேர்ந்தெடுக்கப்பட்டார். விரைவில் முழு நேர தலைவராக ஜே.பி.நட்டா செயல்படுவார் என எதிர்பார்க்கப்படுகிறது. பா.ஜ. தலைவரின் பதவி காலம் 3 ஆண்டுகள். இருப்பினும் 2வது முறையாக மேலும் 3 ஆண்டுகளுக்கு அந்த பதவியில் இருக்க வாய்ப்பும் உண்டு.

2018 TopTamilNews. All rights reserved.