kaappan-mobile kaappan-large
  • September
    22
    Sunday

Main Area

Main

kaappan-mobile kaappan-large


உலகின் அதிஅற்புத மந்திரத்தை ஜெபிக்கும் முறை

மந்திரம்
மந்திரம்
Loading...

இறைவனை வழிபட நிறைய யாகங்களும், மந்திரங்களும், ஜெபங்களும், ஸ்லோகங்களும் இருக்கின்றன. அவற்றையெல்லாம் எப்படி நினைவில் வைத்துக் கொள்வது. இது உயர்ந்தது எது? என்று நிறைய குழப்பங்கள் இருக்கிறதா..? கவலையே படாதீர்கள். உங்களுக்கு எல்லா ஸ்லோகங்களும், மந்திரங்களும் தெரிந்திருக்க வேண்டும் என்று அவசியம் கிடையாது. அனைத்தையும் நினைவில் வைத்திருந்து தினந்தோறும் மந்திரங்களைச் சொல்லி தான் பூஜை செய்ய வேண்டும் என்பதும் கிடையாது. ஆனால், மந்திரங்களுக்கு எல்லாம் உயர்ந்த மந்திரமான காயத்ரி மந்திரத்தை மட்டுமாவது சொல்லி பழகுங்கள். காயத்ரி மந்திரத்திற்கு மேலான மந்திரம் இந்த உலகில் கிடையாது.  காயத்ரி என்பதற்கு தன்னை ஜபிப்பவனைக் காப்பாற்றுவது என்று பொருள். 

slogan

ஓம் பூர்புவஸ் ஸுவ தத்ஸவிதுர் வரேண்யம் பர்கோ
தேவஸ்ய தீமஹி தியோயோன் ப்ரசோதயாத்
விசுவாமித்திரரால் அருளப்பட்டது இந்த காயத்ரி மந்திரம்.
ஒரு முறை பிரம்மதேவன் புஷ்கரம் என்ற புண்ணிய பூமியில் ஒரு பெரிய யாகத்தை தொடங்கினார். அந்த யாகத்தின் போது தன்னுடைய சக்தியினால் ஸ்ரீ காயத்ரி தேவியை சிருஷ்டித்தார். காயத்ரி தேவி சிகப்பு நிறமாகத் தோற்றம் கொண்டுள்ளாள்.  5 திருமுகங்களையும், 10 திருக்கைகளையும் கொண்டவள். இதை சொல்வதால் கொடிய வினைகள் அகலும், உடல் பலம், மனோபலம் கூடும். 24 அட்சரங்களைக் கொண்டது காயத்ரி மந்திரம். இதை தினசரி ஜபித்து வந்தால் பூர்வ ஜென்ம பாவங்கள் அகலும். சக்திகள் பெருகும். வைராக்கியம் உண்டாகும். 
தொடர்ந்து காயத்ரி மந்திரத்தை ஜபித்து வர எல்லாவித ஆபத்துக்களும் நீங்கும். மற்ற எல்லா மந்திரங்களுக்கும் தாய் போன்றவள் காயத்ரி. காயத்ரி சந்தசமம் மாத எனப்படும்.  இந்த ஜென்மத்தில் தெரிந்தோ தெரியாமலோ செய்த பாவம் அகலும். காயத்ரி என்ற மந்திரத்திற்கு சாவித்ரி என்றும் சரஸ்வதி என்றும் பெயர்கள் உண்டு.  இந்த மந்திரம் காலையில் காயத்ரிக்காகவும், நடுப்பகலில் சாவித்ரிக்காகவும், மாலை சந்தியா வந்தனத்தில் சரஸ்வதிக்காகவும் ஜபிக்கப்படுகிறது. காயத்ரி மந்திரம் ஜபிக்கப்பட்ட பின்னரே மற்ற மந்திரங்கள் ஜபிக்கப்படுகின்றன. மந்திர வழிபாட்டில் காயத்ரிக்குத் தான் முதல் இடம்.

gayathri

காயத்ரி ஜபம் செய்யாத எந்த ஜபமும், ஆராதனையும் பயனற்றது. மனம் ஒரு புறம் எதையோ நினைத்துக் கொண்டிருக்க வாய் மட்டும் இந்த மந்திரத்தை 1008 அல்லது 108 தடவை உச்சரித்தால் பலன் கிடையாது.  முறையாக 27 தடவை முழு மன ஒருமைப்பாட்டுடன் கூறினால் மட்டுமே பலன் கிடைக்கும். காலையில் கிழக்கு முகமாக சூரியனைப் பார்த்து நின்று கொண்டு இரு கைகளையும் முகத்திற்கு எதிராகக் கூப்பிக் கொண்டும், மதியம் கிழக்கு முகமாக உட்கார்ந்து கொண்டு கைகளை மார்புக்கு எதிரே கூப்பிக் கொண்டும், மாலையில் மேற்கு முகமாக அமர்ந்து கைகளை நாபிக்கு சமமாக கூப்பிக் கொண்டும் ஜபம் செய்ய வேண்டும். தினமும் குறைந்தது 108 முறை ஜபிக்கவும். ஆபத்துக் காலத்தில் 28 அல்லது 10 தடவை ஜபிக்கவும். உடலும், உள்ளமும் தூய்மையான குழந்தைகளும், வயதான பெண்களும் காயத்ரி மந்திரத்தை ஜபிக்கலாம்.

2018 TopTamilNews. All rights reserved.