kaappan-mobile kaappan-large
  • September
    23
    Monday

Main Area


kullu dussera in himachal pradesh

கண்களை கவரும் குல்லு தசரா திருவிழா

தசரா திருவிழா நவராத்திரி திருவிழா, விஜயதசமி, துர்கா பூஜை, பத்துகம்மா பண்டுக்கா,ராம்லீலா, குல்லு தசரா என்று வெவ்வேறு பெயர்களில் வெவ்வேறு விதங்களில் நாடு முழுவதும் கொண்டாடப்பட்டு வரு...

 பங்கி ஜம்ப் பண்ண இனி ஃபாரினுக்கு போக வேண்டாம்... நம்ம நாட்டிலேயே அதகளம் பண்ணலாம்...

கடற்கரை சுற்றுலாவா அப்போ கோவாதான் போகனும். இனி பங்கி ஜம்பிங் என்னும் சாகச விளையாட்டுக்காகவும் கோவா போகலாம்.

goa

விடுமுறையை இயற்கை எழில் கொஞ்சும் கோவாவுக்குச் சென்று மகிழ்ச்சியாக செலவுசெய்ய வேண்டும் என்பதே பெரும்பாலானவர்களின் கனவாக உள்ளது. நம்மில் பலரும் கோவா சென்று வரப் பலமுறை திட்டமிட்டிருப்போம். அதை ரத்து செய்தும் இருப்போம். சிலருக்கு மட்டுமே கோவா செல்லும் கனவு நனவாகியிருக்கும். மொரிஷியஸ் மால்தீவ்ஸ் போன்ற இடங்களுக்கு செல்வதைக் காட்டிலும் கோவாவுக்கு செல்வதையே பலர் முதன்மை விருப்பமாக கொண்டுள்ளனர். கல்லூரி மாணவர்கள் முதல் வெலைக்கு செல்ப்வர்கள் வரை எல்லோரட பட்ஜெட்க்கும் ஏற்ற சுற்றுலாவா கோவா இருக்கும். 5,000 ரூபாய் இருந்தால் போதும் கோவாவுக்கு சென்று வரமுடியும். உள்நாட்டில் மட்டுமல்லாமல் வெளிநாட்டிலிருந்தும் ஏராளமான சுற்றுலாப் பயணிகள்  கோவாவிற்கு வந்து செல்கின்றனர். இரவு விடுதி, கடற்கரைகளைத் தாண்டி கோவாவில் இருக்கும் சுதந்திரமும், வெப்பநிலையும், நீர்வீழ்ச்சிகளும், பழைய தேவாலயங்களும், கலாச்சார நிகழ்ச்சிகளும், தீவுகளும்,பாரம்பரிய உணவுகளும் மக்களை சுண்டி இழுக்கிறது.

இந்நிலையில், வடக்கு கோவாவில் உள்ள மாயெம் ஏரியில் பங்கி ஜம்பிங் விளையாட்டு அறிமுகப்படுத்தப்பட்டு சுவாரசியத்தை ஏற்படுத்தியுள்ளது. இதற்காக மாயெம் ஏரியின் மீது 55 மீட்டர் குதிக்கும் மேடை அமைக்கப்பட்டுள்ளது. இந்த விளையாட்டு 'ஜம்பிங் ஹைட்ஸ்' என்ற நிறுவனத்தால் நடத்தப்படுகிறது.

bungee jump

இதுபோன்ற சாகசங்களை சராசரி மக்கள் யாரும் பெரிதும் விரும்புவதில்லை என்றாலும், இதை விரும்பு மக்கள் இதை செய்ய வெளிநாடுகளுக்குச் சென்றுள்ளனர். இந்தியாவில் இந்த விளையாட்டு அறிமுகப்படுத்தப்பட்டு பெறும் வரவேற்பை பெற்றுள்ளது. 

முதன்முதலாகப் பங்கி ஜம்பிங் விளையாட்டு கடந்த ஆகஸ்ட் மாதம் உத்தர காண்ட் மாநிலம் ரிஷிகேஷ் நகரில் அறிமுகப்படுத்தப்பட்டது. அங்கு 83 அடி உயரத்தில் குதிக்கும் மேடை அமைக்கப்பட்டது. இந்தியாவிலேயே மிக அதிக உயரத்தில் குதிக்கும் மேடை அமைந்திருக்கும் இடம் இதுதான் என்பது குறிப்பிடத்தக்கது.

இதுதவிர, மகாராஷ்டிராவில் உள்ள லோனாவ்லா, டெல்லி, பெங்களூர் உள்ளிட்ட நகரங்களில் பங்கி ஜம்பிங் விளையாட்டு நடத்தப்படுகிறது. இதில் பங்கேற்க ரூபாய் 1500 முதல் கட்டணம் வசூலிக்கப்படுகிறது.

poongodi Sat, 09/21/2019 - 17:09
"Goa tourism bungee jump 53 meters goabungeejumping லைப்ஸ்டைல் சுற்றுலா

English Title

bungee jumping destination in India

News Order

0

Ticker

1 கேதார்நாத் யாத்திரை : குவியும் பக்தர்கள்

இமயமலையில் கடல் மட்டத்திலிருந்து 11,755 அடி உயரத்தில் உள்ள கேதார்நாத் சிவன் கோயிலுக்குச் செல்ல லட்சக்கணக்கான பக்தர்கள் முன்பதிவு செய்து, சிவனைத் தரிசித்து வருகின்றனர்.  

temple

உத்தர காண்ட் மாநிலம் இமயமலையில் அமைந்துள்ளது உலகப் புகழ்பெற்ற கேதார்நாத் சிவன்கோயில்.  இந்தியாவில் உள்ள 12 ஜோதிர்லிங்கத் தலங்களில் கேதார்நாத்தும் ஒன்று.  எனவே, தமிழகம் உட்படப் பல்வேறு மாநிலங்களைச் சேர்ந்த பக்தர்கள் இந்த கோயிலுக்கு யாத்திரையை மேற்கொள்கின்றனர். 

சார்தாம் யாத்திரை

சார்தாம் (யமுனோத்ரி, கங்கோத்ரி, கேதார்நாத் மற்றும் பத்ரிநாத் ஆகிய நான்கு தலங்களுக்கு ஒரே சமயம் தலயாத்திரை செல்வது)  என்றழைக்கப்படும் இப்புனித யாத்திரையை மேற்கொள்வதால் முக்தி கிடைக்கும் என்பது அவர்களின் நம்பிக்கை. எனவே, முதலில் யமுனோத்ரியில் வழிபாடு நடத்தி விட்டு அதன்பின்னர் கங்கோத்ரி, கேதார்நாத் தலங்களில் தரிசனம் செய்துவிட்டு, இறுதியாக பத்ரிநாத் வந்து விஷ்ணுவை வழிபட்டு யாத்திரையைப் பக்தர்கள் நிறைவு செய்கின்றனர். 

ஆண்டின் 6  மாதங்கள் இக்கோயில்கள் கடும் பனியால்  சூழப்பட்டிருக்கும். அதன் காரணமாக, நான்கு கோயில்களின் நடையும் 6 மாதங்கள் வரை சாத்தப்படும். ஏப்ரல் மாதம் அட்சய திருதியையொட்டி திறக்கப்படும் இக்கோயில்களின் நடை தீபாவளி வரை திறந்திருக்கும். இக்கோயிலுக்கு நேரடியாகச் சாலை வழியாகச் செல்ல முடியாது. கௌரிகுண்ட் என்னுமிடத்திலிருந்து 14 கிமீ தொலைவு வரை மலை ஏறியே செல்ல வேண்டும். 

temple
உத்தர காண்ட் வெள்ளம்

கடந்த 2013 ஆம் ஆண்டு உத்தர காண்டில் பெய்த கனமழையினால் கேதார்நாத் கோயிலைச் சுற்றியுள்ள பகுதிகள் வெள்ளத்தால் பெருமளவு பாதிக்கப்பட்டன.சார்தாம் யாத்திரைக்கு சென்ற 8000-க்கும் மேற்பட்ட பக்தர்கள் நிலச்சரிவில் சிக்கி இறந்தனர். ஒரு லட்சத்திற்கும் மேற்பட்டோர், வெளியேற முடியாமல் சிக்கித் தவித்தனர். அவர்களை இந்திய ராணுவத்தினரும், பேரிடர் நிர்வாகக் குழுவினரும் பத்திரமாக மீட்டனர். இந்த சம்பவத்தால், பக்தர்கள் சார்தாம் யாத்திரைக்குச் செல்ல பயந்தனர். 

அதைத் தொடர்ந்து, உத்தரா காண்ட் அரசு மேற்கொண்டுள்ள மறுகட்டமைப்பு பணிகளால் மக்கள் நம்பிக்கையுடன் சார்தாம் யாத்திரையை மேற்கொண்டு வருகின்றனர்.2018-ம் ஆண்டு 26லட்சம் பக்தர்கள் கேதார்நாத் யாத்திரையை மேற்கொண்டுள்ளனர்.  

யாத்திரை செல்ல கடந்த ஆகஸ்ட் 25-ம் தேதி வரை, ஆன்லைன் மூலமும் செல்போன் செயலி மூலமும் சுமார் 8 லட்சத்து 4 ஆயிரம் மக்கள் முன்பதிவு செய்துள்ளார். 

 
temple
சார்தாம் நெடுஞ்சாலை திட்டம்

கடந்த 2016-ம் ஆண்டு , டிசம்பர் மாதம் டேராடூனில் சார்தாம் நெடுஞ்சாலை திட்டத்தை பிரதமர் மோடி திறந்து வைத்தார் . இதனால், யாத்திரை செல்லும் பக்தர்களின் எண்ணிக்கை வரும் காலங்களில் இரண்டு மடங்கு அதிகரிக்கும் என எதிர்பார்க்கப்படுகிறது.

மறுகட்டமைப்பிற்கு வரவேற்பு

வெள்ளத்தால் சேதமடைந்த கேதார்நாத் செல்லும் நடைபாதையை சீரமைக்க 2660 கற்களை படிக்கட்டுகளாக செதுக்கி பயன்படுத்தியுள்ளனர். கோயிலுக்கு செல்லும்270 மீட்டர் தொலைவு வரையிலான பாதை 50 மீட்டர் அகலப்படுத்தப்பட்டுள்ளது. மேலும், சிறப்பு வருகை தளமும் உருவாக்கப்பட்டுள்ளது. கூட்ட நெரிசலான நேரத்திலும் கூட 3,000 பக்தர்கள் இந்த வருகை தளத்திலிருந்தே கேதார்நாத் கோயிலை தரிசிக்கமுடியும்.  இந்த மறுகட்டமைப்பிற்கு பக்தர்கள் பெருமளவில் வரவேற்பு தெரிவித்துள்ளனர். 

மேலும், கேதார்நாத்தில் உள்ள அடிப்படை முகாம்களில் பக்தர்களுக்கான இலவச மருத்துவ வசதிகள் ஏற்பாடு செய்யப்பட்டுள்ளன. செப்டம்பர் 2-ம் தேதி சுவாமி விவேகானந்தா  மருத்துவமனையை  உத்தர காண்ட் முதல்வர் திரிவேந்திரா சிங் திறந்து வைத்தார். 12 மெத்தைகள், ஐசியு உள்ளிட்ட பல்வேறு வசதிகளை கொண்ட இந்த மருத்துவமனையில் பக்தர்களுக்கு இலவசமாக சிகிச்சை அளிக்கப்படுகிறது என்பது குறிப்பிடத்தக்கது.

poongodi Sat, 09/21/2019 - 15:17
"Kedarnath, pilgrims floods PM Modi kedarnathyatra லைப்ஸ்டைல் சுற்றுலா

English Title

kedarnath: pilgrims counts increases

News Order

0

Ticker

1 மதிப்பு மிக்க பயண விருதுகளைத் தட்டி சென்ற கேரளா

பசிபிக் ஆசியப் பயண சங்கத்தின் (பாட்டா )மூன்று மதிப்புமிக்க பயண  விருதுகளைக் கேரள சுற்றுலாத் துறை வென்றுள்ளதுஇந்தியச் சுற்றுலாத் துறை ஒரு விருதை பெற்றுள்ளதுகடந்த 19-ம் தேதி, கஜகஸ்தான்  நாட்டின்  நூறு-சுல்தான்(ஆஸ்தான) நகரத்தில் நடைபெற்ற பாட்டா டிராவல் மார்ட் 2019 விழாவில் கேரள சுற்றுலாத்துறைக்கு பாட்டா 3 தங்க விருதுகளை வழங்கி கவுரவித்தது.
விருதுகளை கேரள சுற்றுலாத் துறை அமைச்சர் கடகம் பள்ளி சுரேந்திரன், கேரளா சுற்றுலா இயக்குநர் பாலா கிரண் ஆகியோர் பெற்றுக்கொண்டனர்.

 

kerala tourism

இம்மூன்று விருதுகளில் ஒரு விருது குமரக்கோமில் பாரம்பரிய உணவகத்தை நடத்தி வரும் பெண்ணிற்கும், 2 விருதுகள் கம் அவுட் & ப்ளே (come out & play) என்னும் கேரள சுற்றுலாவின் விளம்பர பிரச்சாரத்திற்கும், பல்வேறு சிறப்பு வசதிகளை கொண்ட கேரள சுற்றுலாத் துறை இணையதளத்திற்கும் வழங்கப்பட்டது
 

இதுகுறித்து அம்மாநில சுற்றுலாத் துறை அமைச்சர் கடகம் பள்ளி சுரேந்திரன், ”இந்த விருதுகள் கேரள சுற்றுலாத் துறைக்கு கிடைத்த மிகப் பெரிய கவுரவமாகக் கருதுகிறேன். இதன்மூலம் உலகம் முழுவதும் உள்ள சுற்றுலாப் பயணிகளின் நம்பிக்கையைக் கேரள மாநிலம் பெறும். குமரக்கோமில் உணவகத்தை நடத்தி வந்த பெண்ணிற்கு விருது கிடைத்தது பெரிதும் மகிழ்ச்சியளிக்கிறதுஎன்றார்சுற்றுலா இயக்குநர் பாலா கிரண் கூறியதாவது, இந்த ஆண்டில் அதிகமான பாட்டா விருதுகளை கேரள சுற்றுலாத் துறை வென்றுள்ளது. இந்த விருது எங்கள் இலக்குகளை ஊக்குவிக்கவும்  கேரளாவை விரும்பத்தக்க இடமாக உயர்த்தவும் உதவும்எனக் கூறினார்.

kerala tourism

கடந்த ஆண்டு கேரள சுற்றுலாத் துறை  வளைகுடா நாடுகளில் எல்லாம் கேரள அச்சு ஊடக பிரச்சாரத்தை மேற்கொண்டது. அதற்காக  இரண்டு பாட்டா தங்க விருதுகளைப் பெற்றதுஇந்த ஆண்டின் பாட்டா விருதுகள் உலகளவில் 78 நிறுவனங்கள் மற்றும் தனிநபர்களிடமிருந்து 197 பதிவுகளை ஈர்த்துள்ளது என்பது குறிப்பிடத்தக்கது.

poongodi Sat, 09/21/2019 - 15:07
Kerala tourism patana award kerala tourism லைப்ஸ்டைல் சுற்றுலா

English Title

kerala tourism bags the prestigious travel awards

News Order

0

Ticker

1 
கெல்லி-கோடி

மனைவியை இப்படியெல்லாம் சந்தோஷமா வெச்சிருக்கணும்...! வைரலாகும் புகைப்படங்கள்!

அஞ்சு வருஷம் காதலிச்சோம், பத்து வருஷம் காதலிச்சோம் என்று திருமணம் செய்து கொள்ளும் காதல் ஜோடிகள் எல்லாம் திருமணத்துக்கு அப்புறம் அவர்கள் தேக்கி வைத்திருக்கும் காதலை எல்லாம் தொலைத்து...

சிசேரியன்ல குழந்தை பிறந்தும் நடிகைகள் ஸ்லிம்மாக இருப்பது இப்படித்தானாம்!

நதியா கம்மல், நதியா தோடு, நதியா கொண்டை என்று ஒரு காலத்தில் தமிழகம் முழுக்கவே ஆடைகளுக்கும், அழகுக்கும் நதியா புராணம் பாடிக்கொண்டிருந்தது. அதன் பிறகு கல்யாணம் பண்ணிக் கொண்டு, இரு குழந்தைகளுக்கு தாயாகி மும்பையில் செட்டிலாகிவிட்ட நதியா திரும்ப நீ...ண்ட வருடங்கள் கழித்து நடிக்க வரும் போது பழைய நதியாவாகவே வந்திருந்தார். ஏன்.. ஸ்லிம் சிம்ரன், பழைய சிம்ரனாக ரஜினியுடன் டூயட் பாடும் அளவிற்கு வந்திருந்தாரே... இவர்கள் எல்லாம் கல்யாணம் பண்ணிக்கொண்டு, சிசேரியன் முறையில் குழந்தைகளையும் பெற்றெடுத்து பின் எப்படி ஸ்லிம்மாகவே உடம்பை வைத்திருக்கிறார்கள் என்கிற ரகசியம் தெரியுமா? 

nadhiya

இதெல்லாம் ரொம்ப சிம்பிளான விஷயம் தான்... தேவை உடம்பின் மீது நிறைய அக்கறையும், கொஞ்சம் விடாமுயற்சியும் தான்!
பெண்களின் உடலமைப்பு படி இயல்பாகவே திருமணம் முடிந்த பின்னரோ, குழந்தை பிறப்புக்குப் பின்பே எடை கூடிவிடும். கர்ப்ப காலத்தில் எடை கூடுவது முக்கிய காரணமாக சொல்லப்பட்டு வந்தாலும், கற்பகாலத்தில் 12 கிலோ வரை எடை கூடலாம்.  கருவுற்றிருக்கும் போது உடல் எடை 9 மாதங்கள் நிதானமாகவும் கொஞ்சம் கொஞ்சமாகவும் தான் அதிகரிக்கிறது.

simran

அதே போல நாம் உடல் எடையை குறைக்கும் போதும் கொஞ்சம் கொஞ்சமாக குறைக்க முயற்சி செய்வதே சிறந்த பலன்களைத் தரும்.  குழந்தை பெற்றெடுத்த பின்பு முதல் 40 நாட்கள் தாய்மைக்கு முக்கியமான காலங்களாக இருக்கின்றன. இந்த காலங்களில் உடலளவிலும், மன அளவிலும் தெம்பு கிடைப்பதற்ஆக பெண்கள் நன்றாக சாப்பிட்டு நல்ல ஓய்வு எடுத்து தங்கள் உடல் எடை அளவிலும் மனதளவிலும் சீராக்கிக் கொள்ள வேண்டும்.  உடல் எடையை குறைக்க வேண்டும் என்று உணவு சரியாக சாப்பிடாமல் இருந்தால் அது பின்னர் பெரிய சிக்கலை ஏற்படுத்தி விடும்.
குழந்தைக்கு தாய்ப்பால் கொடுப்பதினால், இந்த காலக்கட்டங்களில் நிச்சயமாக நீங்கள் வழக்கமாக உண்பதைவிட 300 கலோரி அளவு சரியான ஊட்டச்சத்துள்ள உணவை அதிகமாக எடுத்துக் கொள்ள வேண்டும். அதே சமயம் தாய்ப்பால் கொடுப்பதன் மூலம் 500 கலோரிகள் வரை உங்கள் எடை குறைவதாக ஆராய்ச்சிகள் கூறுகிறது. பேறு காலம் முடிந்து 40 நாட்களுக்குப் பின்பு மெல்ல மெல்ல உடல் எடைக் குறைப்புக்கான பயிற்சிகளை மேற்கொள்ளலாம் அதிலும் அறுவை சிகிச்சை முறையில் குழந்தை பெற்றுக் கொண்டவர்கள் நிச்சயம் மருத்துவரின் அனுமதியுடன் அவர்கள் சொல்லும் காலம் வரை காத்திருந்து அதன் பின் எளிய உடற்பயிற்சிகளில் ஆரம்பிக்கலாம்.

pregnant women

பிரசவத்திற்கு பின்பு எடை குறைப்பின் முக்கியம் உங்களுக்கு இன்னொரு குழந்தை பெற்றுக் கொள்ளும் விருப்பம் இருந்தால் உடல் எடை குறைப்பது மிக முக்கியமான ஒன்றாகும். மிக மெதுவான நடைப்பயிற்சியில் ஆரம்பித்து நீங்கள் நடக்க முயற்சிக்கலாம். உடல் பயிற்சியை ஆரம்பித்ததும் வயிற்றுப்பகுதியை குறைக்க வேண்டுமென்று முழுக்கவனத்தையும் செலுத்தாமல் நடப்பதன் மூலம் உடலின் மொத்த எடையையும் மெல்ல மெல்ல குறைய ஆரம்பிக்கும் பயிற்சிகளைச் செய்யலாம். அதன் பின் இறுதியாக உங்கள் தசைகளுக்கு வலு சேர்க்க கூடிய பயிற்சிகளை செய்து வரலாம். இரண்டு மூன்று உடற்பயிற்சிகள் இணைந்து சில பயிற்சிகள் செய்யும் போது உங்கள் தசைகள் வலுப்படும். உதாரணமாக,  தரையில் மல்லாந்து படுத்துக் கொள்ளவும் உங்கள் கைகளை நேராக வைத்து தரையில் இருந்து மெதுவாக கால்களை உயர்த்தவும். பின்னர் மெதுவாக கால்களை கீழே இறக்கவும். கால்கள் பூமியில் படும் போது உங்கள் வயிற்று பகுதி மிகச் சுலபமாக எடுக்க தயாராகும். இது போல் செய்யவும். தரையில் படுத்து கால்களை மடக்கிக் கொள்ளவும். பாதங்கள் தரையில் ஊன்றியிருக்க வேண்டும். அப்படியே மூச்சை உள்ளிழுக்க வேண்டும். அப்போது உங்கள் வயிறு நன்றாக உள்ளிழுத்தபடி இருக்கும். இந்த மூச்சு விடும் பயிற்சியை செய்ய வேண்டும். இதே போல் மூச்சை உள்ளிழுத்தபடி ஐந்து விநாடிகள் இருக்கவும். மூச்சை வெளியே விடும்போது உங்கள் இடுப்புப் பகுதியை சற்று மேலே தூக்கவும். இதே போல 5 நொடிகள் இருக்கவும். பின் இயல்பு நிலைக்கு வரவும். 

fruits

தவிர, வழக்கமான மூன்று நேர உணவை விட சிறிது சிறிதாக 6 வேளை உணவு சாப்பிடும் போது இடைவேளைகளில் ஆரோக்கியமான பழங்கள் போன்றவற்றை சாப்பிடுவது உங்கள் வளர்சிதை மாற்றத்திற்கு உதவி செய்யும். காலை நேர உணவு என்பது மிக முக்கியமான ஒன்றாகும். அதனை ஆரோக்கியமான உணவாக சரிவிகித உணவாக இருக்கும் படி பார்த்துக் கொண்டால் உங்கள் குழந்தையின் ஆரோக்கியம் சீர்படும். பச்சை குடைமிளகாய், ஆரஞ்சு, ஆப்பிள், வாழைப்பழம், நிலக்கடலை, முட்டை போன்றவற்றைச் சாப்பிடுங்கள். நார்ச்சத்து அதிகமான உணவை சாப்பிடுங்கள். இரும்புச்சத்து கால்சியம் மற்றும் புரதசத்து அதிகம் இருக்கும் உணவை சாப்பிடுங்கள்.  இத்தருணத்தில் நீர்ச்சத்து சீக்கிரம் குறைந்து விடுவதால் அடிக்கடி பலரும் அருந்தவேண்டும் நாள் ஒன்றிற்கு 10, 12 டம்ளர் நீர் மிகவும் அவசியமாகும். எடைகுறைப்பு கவனம் செலுத்துவதால் நீங்கள் சர்க்கரையை தவிர்ப்பது நல்லது. மருத்துவரின் ஆலோசனையின் பேரில் இவற்றை கடைபிடித்து நீங்களும் குழந்தை பிறந்த பிறகும் ஸ்லிம்மாக வலம் வரலாம்!

gowtham Wed, 09/18/2019 - 10:38
women fitness Pregnant Women நடிகைகள் சினிமா லைப்ஸ்டைல்

English Title

Cesarean baby actresses are slim!

News Order

0

Ticker

0 ஆன்லைனில் ரூம் புக் செய்யறீங்களா... இப்படியெல்லாம் மாட்டிக்காதீங்க!

தென்னகத்தின் காஷ்மீர் என்று பெருமைக்குரிய சுற்றுலா தளமாக இருக்கிறது மூணாறு. சுற்றிலும் அழகிய மலைகள், தேயிலை தோட்டங்களின் நடுவில் வெள்ளியை உருக்கி ஊற்றிக் கொண்டிருப்பதைப் போல் கொட்டும் நீர்வீழ்ச்சிகள், துள்ளி ஓடும் புள்ளி மான்கள், வரையாடுகள், காட்டெருமைகள், காட்டு யானைகள் என வனமும், வனப்பும் சூழ்ந்த ரம்யமான பகுதியை கண்டு களிக்க புத்துணர்ச்சி பெறுவதற்காக  இந்தியர்கள் மட்டுமின்றி வெளிநாடுகளைச் சேர்ந்த சுற்றுலாப் பயணிகளும் அதிகளவில் மூணாறு வந்து  செல்கின்றனர்.

munnar


அப்படி சுற்றுலாத் தலங்களுக்கு வந்த பின் தங்கும் விடுதிகளை தேடிய அலைந்த காலம் போய், தற்போது ஆன்லைனில் விடுதிகளைப் பார்த்து, விலையை விசாரித்து  புக் செய்துவிட்டு வரும் சுற்றுலாப் பயணிகள் தான் அதிகம். மூணாறு அருகே குறைந்த விலையில், சொகுசான தங்கும் விடுதிகள் என ஆன்லைனில் பதிவிட்டுள்ளதைப் பார்த்து, அதன் உண்மை தன்மையை அறியாமல் சுற்றுலாப் பயணிகள் அறைகளைப் பதிவு செய்து விடுகின்றனர். அப்படி அறையை முன்பதிவு செய்துவிட்டு, மூணாறு வருபவர்கள், விழி பிதுங்கி நிற்கிறார்கள். 

resort


மூணாறுக்கும், தாங்கள் பதிவு செய்துள்ள விடுதிக்கும் சுமார் 50 முதல் 60 கிலோ மீட்டர் தூரம் இருப்பது அவர்களை பேரதிர்ச்சிக்கு ஆளக்குகிறது. அழகிய மலைகளையும், இயற்கை எழிலையையும் கண்டுகளிக்க நீண்ட தொலைவில் இருந்து வரும் சுற்றுலாப்பயணிகள், மூணாறுக்கு கொஞ்சமும் சம்பந்த்மேயில்லாத ஏதோ ஒரு இடத்தில் அறை எடுத்து தங்கும் அவஸ்தை அவர்களுக்கு பெரும் ஏமாற்றத்தை தருவதுடன் மனஉளைச்சலையும் ஏற்படுத்தி வருகிறது! இப்படி சுற்றுலா பயணிகளை வலை விரித்து வலைத்தளங்களில் ஏமாற்றும் சொகுசு விடுதிகள், அழகழகான மூணாறின் புகைப்படங்களை ஆன்லைனில் பதிவிட்டு ஏமாற்றுகின்றன. இந்தப் புகைப்படங்களை இணையதளங்களில் பார்த்து விட்டு, அந்த விடுதிகளிலேயே தங்குவதற்கு முன்பதிவு செய்து விடுகின்றனர். இதில், வருத்தம் என்னவென்றால் தங்கியிருக்கும் இடமே மூணாறு என நம்பி, ஒரிஜினல் மூணாறை பார்க்காமலேயே பெரும்பாலான சுற்றுலாப்பயணிகள் திரும்பிச் சென்ற கதையும் உண்டு. மூணாறு பகுதிக்கு உட்படாத குறிப்பிட்ட பகுதியின் பெயர்களை சிறிய எழுத்திலும், மூணாறை பெரிய எழுத்திலும் பொறித்துள்ள தனியார் விடுதிகள் மற்றும் கடைகள் மீது உரிய அதிகாரிகள் நடவடிக்கை எடுக்க வேண்டும் என்பதே அப்பகுதியைச் சேர்ந்த சமூக ஆர்வலர்களின் கோரிக்கையாக இருந்து வருகிறது.

admin Sat, 09/14/2019 - 12:15
Kerala's Munnar Online hotel booking travel tips online hotel booking லைப்ஸ்டைல் சுற்றுலா

English Title

becareful while booking online hotels

News Order

0

Ticker

0 உடல் எடையை பக்கவிளைவுகள் இல்லாமல் குறைப்பது எப்படி? ஸ்லிம் ரகசியம் இது தான்!

உடல் எடையைப் பற்றி கவலைப்படுவதில் இரண்டே விஷயங்களில் தாங்க ரொம்ப எச்சரிக்கையா இருக்கணும். உங்களுடைய அதிகளவிலான உடல் எடை மரப்பணு ரீதியிலானதா இல்லை உடலில் சேர்ந்திருக்கும் கெட்ட கொழுப்புகளினாலா என்பதை மட்டும் செக் பண்ணிக்கோங்க... அது தான் ரொம்ப முக்கியம்.
அளவுக்கு அதிகமா உடல் எடை இருப்பதைத் தான் உடற்பருமன் என்கிறோம். 

weight

உடல் பருமன் ஏற்படுவதற்கான காரணங்களாக கருதப்படுவது மரபு ரீதியிலானது, அதிக அளவில் உணவுகளை உட்கொள்வது, 
உடல் உழைப்பு இன்மை, கவலை, தூக்கமின்மை, அமர்ந்த படியே இயங்கும் வாழ்க்கை முறை, 
நாளமில்லாச் சுரப்பிகளினால் ஏற்படும் பாதிப்புகள், மது, புகைப்பழக்கம், அதிகமான அளவுகளில் மருந்துகளை உட்கொள்வது, தாமதமான குழந்தைப்பேறு, உணவு மாற்றங்கள் போன்றவற்றை சொல்லலாம்.

அளவுக்கு அதிகமான எடை ஏற்பட்டால் நமது உடலில் பல்வேறு மாற்றங்களுக்கும், நோய்களுக்கும் வழிவகுக்கிறது. முக்கியமாக 
உயர் ரத்த அழுத்தம், சர்க்கரை நோய், மூச்சுத்திணறல், மூட்டு வலி, முதுகு வலி, மாரடைப்பு, மார்பகப் புற்றுநோய், பித்தப்பை கற்கள், குடலிறக்கம், உறக்கச் சுவாசத்தடை, மலட்டுத் தன்மை போன்றவைகள் ஏற்பட வழிவகுக்கிறது.

weight loss

இவை தவிர சில வகையான உணவுகள் எடை அதிகரிப்பதற்கு வழிவகுக்கும். அந்த மாதிரியான உணவுகளை தவிர்த்து விடலாம். பதப்படுத்தப்பட்ட உணவுகளில் உயர்-பிரக்டோஸ் போன்ற சேர்க்கைகள் உள்ளன. இது உடலில் மாற்றங்களை ஏற்படுத்தி கூடுதல் எடை அளிக்கும். சர்க்கரை மற்றும் கொழுப்பு அதிகம் உள்ள பதப்படுத்தப்பட்ட உணவுகளை உட்கொள்வதாலும் உடல் எடை அதிகரிக்கும். அதே சமயம் முழு தானியங்கள் மற்றும் பிற உயர் ஃபைபர் உணவுகளை உண்பது, பழங்கள் மற்றும் காய்கறிகள் போன்றவை ஒரு நபரின் எடையை குறைக்க உதவும்.
நன்றாக கைகளை வீசி விறுவிறுப்பாக நடப்பது, நீச்சல், லிஃப்ட் பயன்படுத்துவதற்கு பதிலாக படிக்கட்டுகளைப் பயன்படுத்துதல் போன்ற சிறு சிறு முயற்சிகள் உடல் எடை அதிகரிப்பதை தவிர்க்கும்.  உடல் எடையை குறைப்பதற்கும், மெலிதான உடல்வாகை கொண்டு வருவதற்கும் சந்தையில் பல மருந்து பொருட்கள் விற்பனைக்கு உள்ளன. ஆனால் இவை யாவுமே நிரந்தர தீர்வை கொடுக்குமா என்பது சந்தேகம் தான். மருந்துகளை நம்பாமல் ஆரோக்கியமான உணவையே மருந்தாக நினைத்து உட்கொள்ளுங்கள்.

gowtham Wed, 09/11/2019 - 18:25
weight loss healthtips உடல் எடை லைப்ஸ்டைல்

English Title

How to reduce weight without side effects? The Slim Secret This Is It!

News Order

0

Ticker

0 முடி உதிர்வதைத் தடுப்பதற்கான நிரந்தர தீர்வு இது தான்!

பாஸ்ட் புட் கலாசாரத்தில் மூழ்கி போன உணவு முறை, பதினைந்து, இருபது வயதுகளிலேயே ஏற்படுகின்ற மன அழுத்தங்கள் காரணமாக  தற்போது ஆண்களுக்கும், பெண்களுக்கும், தலை முடி உதிர்வு என்பது சர்வ சாதாரணமாகி விட்டது. ஆனால் தலைமுடி உதிரும் பிரச்சனையை அப்படியே சாதாரணமாக  எடுத்துக் கொண்டால் நாளடைவில் அது தலை வழுக்கையாக மாறி விடுவதற்கான வாய்ப்பு அதிக அளவில் உள்ளது. தலை வழுக்கையாக மாறுவதற்கு பெரும்பாலும் சொல்லப்படுகிற காரணமாக மரபணுக்களாக இருந்தாலும், சுற்றுச்சூழல் மாசு, ரசாயனங்கள் அதிகளவில் கலக்கப்பட்ட ஷாம்பு  மற்றும் எண்ணெய்களை உபயோகப்படுத்துவது, உடல்ரீதியான மன உளைச்சல், மன அழுத்தம், ஊட்டச்சத்து குறைபாடு போன்றவை இருக்கின்றன. 

hair loss

இயற்கையான முறையில் தயாரிக்கப்பட்ட மருத்துவ குணமுள்ள எண்ணெய்களை முறையாக தொடர்ந்து பயன்படுத்தி வந்தால் வழுக்கை தலையில் விரைவாக தலைமுடி வளர்ச்சியை தூண்டி, தலை முடியை மென்மையாகவும், ஆரோக்கியமாகவும் வைத்துக் கொள்ள உதவும்.
அதற்கு முன்பாக, தலைமுடி எப்படி உதிர்கிறது என்பதைப் பார்ப்போம். டிஹைடிரோடெஸ்டோஸ்டெரோன் (டிஎச்டி) மற்றும் கொலாஜன் போன்றவைகள் நம் உடலில் அதிகரிப்பதால் நாம் தலை முடியை அதிகமாக இழக்க நேரிடுகிறது.  தலையில் முடி வேர்கால்களுக்கு செல்லும் இரத்த ஓட்டத்தையும் குறைக்கிறது. இதனால் தலைமுடி பொலிவை இழந்து, முடி மெலிதாகி பின்பு அனைத்து முடியும் இழக்க நேரிடும்.
இயற்கையான முறையில் தயாரிக்கப்பட்ட மருத்துவ குணமுள்ள எண்ணெய்களை முறையாக தொடர்ந்து பயன்படுத்தி வந்தால் வழுக்கை தலையில் விரைவாக தலைமுடி வளர்ச்சியை தூண்டி தலை முடியை மென்மையாகவும், ஆரோக்கியமாகவும் வைத்துக் கொள்ள உதவும். முதல் வேலையாக, முடி உதிர்கிறதே என்று கவலைப்படுவதை நிறுத்துங்கள். அதிகளவில் கவலைப்பட்டால், அதிகளவில் முடிகள் உதிர ஆரம்பிக்கும். எப்போதும் மனதை ரிலாக்ஸாகவும், மகிழ்ச்சியாகவும் வைத்திருங்கள்.

hair loss

தேவையற்ற பதட்டத்தையும், பரபரப்பையும், டென்ஷனையும் ஏற்படுத்திக் கொள்ளாதீர்கள். கூடுமானவரை அதிகளவில் தண்ணீர் உட்கொள்ள துவங்குங்கள். சத்தாண உணவு பழக்கத்திற்கு மாறுங்கள். அதிகளவில் கீரைகள், கறிவேப்பிலை போன்றவைகளை உட்கொள்ள துவங்குங்கள். இந்த மாற்றங்களைக் கொண்டு வந்தால், உடனடியாக முடி உதிரும் வேகத்தைக் கட்டுப்படுத்தி படிப்படியாக முற்றிலும் முடி உதிர்வதைத் தவிர்க்கலாம்.

gowtham Wed, 09/11/2019 - 17:15
hair loss healthtips முடி உதிர்வு லைப்ஸ்டைல்

English Title

This is the permanent solution to prevent hair loss!

News Order

0

Ticker

0 குழந்தைகளுக்கு என்ன சாப்பிட தரலாம்... எவ்வளவு சாப்பிட தரலாம்?

கூட்டுக் குடும்பங்கள் சிதைந்து போன காலக்கட்டத்தில் வாழ்கிற தாய்மார்களின் துயரம் மிகவும் பெரிது. குழந்தை எதற்காக அழுகிறது என்கிற கேள்வியில் ஆரம்பிக்கிற அன்றைய தினம், எதைச் சாப்பிடக் கொடுக்கலாம்...எவ்வளவு கொடுக்க வேண்டும் என்று அன்று முழுவதுமே நீள்கிறது.

childrens

அம்மாக்களின் மிகப் பெரிய பிரச்சனையாக இருப்பதே குழந்தைகளுக்கு என்ன உணவு கொடுக்க வேண்டும்? என்ன உணவு கொடுக்கக் கூடாது? எது ஆரோக்கியமான உணவு என்பது தான். பெரும்பாலோனோர் கூகிள் டாக்டரை முழுதாக நம்பி விடுகிறார்கள். இன்னும் பலரோ அருகில் இருக்கும் உயர்தர மருத்துவமனைகளை முழுதாக நம்பி, கலர் கலராக டானிக்குகளை குழந்தையின் வாயில் திணிக்கிறார்கள். உங்கள் குழந்தைகளை ஆரோக்கியமாக வளர்க்க பழகுங்கள். டானிக் குடித்து வளரும் பொம்மையாக மாற்றி விடாதீர்கள்!

குழந்தைகளுக்கு சில உணவுகளைக் கொடுக்கக் கூடாது என்ற கட்டுக்கதைகள் பல உள்ளன. ஆனால் அவற்றுள் சில உணவுகள் குழந்தைகளுக்கு உண்மையில் ஆரோக்கியத்தை விளைவிக்கக் கூடிய ஒன்றாகத் தான் உள்ளது.  குழந்தைகளுக்கு உணவுப் பழக்கத்தைச் சொல்லிக் கொடுப்பது அத்தனை எளிய விஷயம் கிடையாது தான். ஆனால், கொஞ்சம் முயற்சி செய்தால் அவர்களுக்கு ஆரோக்கியமான உணவை அறிமுகப்படுத்தலாம். 

child

குழந்தைகளுக்கு என்ன உணவு தேவை என்பதை அறிந்து கொடுக்க வேண்டியது ஒவ்வொரு அம்மாவின் கடமை. மேலும் குழந்தைகளுக்குக் கொடுக்கும் உணவு ஆரோக்கியமானதாகவும் ஊட்டச்சத்துக்கள் நிறைந்ததாகவும் இருக்க வேண்டும். குழந்தைகளுக்குச் சுவையை விரும்பும் பண்புகள் உள்ளன. ஆனால் அவற்றை உணவில் காட்டமாட்டார்கள். அவர்களுக்கு நீங்கள் என்ன உணவு கொடுக்கிறீர்களோ அவற்றைச் சாப்பிடுவார்கள். எனவே குழந்தைகளுக்கு ஆரோக்கியமான மற்றும் ஊட்டச்சத்துக்கள் நிறைந்த உணவைக் கொடுக்கும் பழக்கத்தைத் தொடருங்கள். குழந்தைகளுக்குக் கொடுக்கும் உணவைப் பல வகை சத்துக்கள் நிறைந்ததாகக் கொடுங்கள். அதாவது ஊட்டச்சத்து நிறைந்து உள்ளதுள்ளது என்பதால் ஒரே உணவை அடிக்கடி கொடுக்காதீர்கள். ஊட்டச்சத்துக்கள் நிறைந்த உணவை மாற்றி மாற்றிக் கொடுங்கள். நீங்கள் மளிகை சாமான்களை வாங்கும் போது அதில் குழந்தைகளையும் ஈடுபடுத்துங்கள். எது சிறந்தது எதற்காக அந்த சத்து நிறைந்த பொருட்களை வாங்குகிறோம் என்று சொல்லிக் கொடுங்கள்.  குழந்தைகளுக்கு படிப்படியாக எல்லா சுவைகளையும் சொல்லிக் கொடுங்கள்.

gowtham Wed, 09/11/2019 - 15:49
childrens eating food குழந்தை லைப்ஸ்டைல்

English Title

What can children eat… how much can they eat?

News Order

0

Ticker

0   
தாய்ப்பால்

தாய்ப்பால் கொடுக்கும் பெண்கள் அவசியம் இதைத் தெரிஞ்சுக்கோங்க!

பெரும்பாலான தாய்மார்கள் குழந்தைப் பிறந்ததும், முழு அக்கறையையும் குழந்தையின் மீது செலுத்தி, அவர்களது ஆரோக்கியத்தை காக்க மறந்து போய் விடுகிறார்கள்.  தாய்ப்பால் கொடுக்கும் தாய்மார்கள்...

வாழைப்பழம் சாப்பிடறதுல இவ்வளவு ஆபத்தா...? மக்களே உஷார்!

மக்களிடையே பீட்சாவும், பர்கரும் ஒரு பக்கம் அதி ப்ரியமான உணவு வகைகளாக இருந்த போதிலும், ஆரோக்கியம் காப்போம் என்று மற்றொரு பக்கம் வெறும் பழங்களையும், பாதி வெந்தும், வேகாமலும் இருக்கும் காய்கறிகளையும் சாப்பிட்டு உடல் நலன் மீது இருக்கும் அக்கறையைக் காட்டுபவர்களும் இருக்கிறார்கள். இதில், பழங்களிலும், காய்கறிகளிலும் இருக்கும் மருத்துவ குணங்களைத் தெரிந்துக் கொண்டு, அவற்றின் தன்மைக்கு ஏற்ப அவற்றைச் சாப்பிட வேண்டும் என்று அறிவுறுத்துகிறார்கள் மருத்துவர்கள்.

green banana

குறிப்பாக எல்லா வகையான பழங்களும் நமக்கு நன்மை தரும் என்று சொல்லிவிட முடியாது. ஒரு சில பழங்கள் மருத்துவ தன்மை வாய்ந்ததாக இருக்கும். இன்னும் வேறு சில பழங்கள் அதிக ஊட்டச்சத்துக்கள் நிறைந்ததாக இருக்கும். அந்த வரிசையில் தீமை தரக்கூடிய பழங்களும் உள்ளன.  பொதுவாக பச்சை, மஞ்சள் என்று காணப்படுகின்ற வாழைப்பழங்களில், பச்சை நிற பழமானது கசப்புத் தன்மை கொண்டதாக காணப்படும். இவற்றில் குறைந்த அளவு சர்க்கரை உள்ளதால் இது ஜீரண சக்தியை அதிகரிக்க பயன்படும்.

banana

மஞ்சள் நிறத்தில் உள்ள வாழைப் பழங்கள் மிகவும் மென்மையாகவும், அதிக சுவை கொண்டதாகவும், இனிப்பாகவும் இருக்கும். குறிப்பாக இதில் அதிக அளவில் ஆன்டி-ஆக்ஸிடன்ட் உள்ளது. அதே நேரத்தில் இதில் அதிக அளவில் சர்க்கரையும்  உள்ளதால் சர்க்கரை நோயாளிகள் இதனை தவிர்த்து விடவும். சிவப்பு நிறம் வாழைப்பழங்களைச் சாப்பிடுவதால் நமக்கு பலவகையான நன்மைகள் கிடைக்கும். இந்த வகை பழங்கள் மிகவும் உடலுக்கு நன்மை தரும் என்றும் இதில் பல வகையான சத்துக்களும் உள்ளன என்றும் மருத்துவர்கள் தெரிவிக்கிறார்கள். எனவே இந்த வகை பழங்கள் உடலுக்கு நல்லது. ஆண்கள் இந்த பழத்தை சாப்பிட்டு வந்தால் ஆண்களுக்கான சில முக்கிய தாம்பத்திய பிரச்சினைகள் தீர்ந்துவிடும்

banana

வாழைப்பழத்தில் உள்ள சத்துக்கள் இதய ஆரோக்கியத்திற்கு சிறந்தது. மேலும் இது இரத்த அழுத்தம், மன அழுத்தம், நெஞ்சு எரிச்சல், அல்சர் மற்றும் உடலுக்கு குளிர்ச்சி தருகிறது. இதில் அதிகப்படியான இரும்புச்சத்து உள்ளது. இது உடலில் ஹீமோகுளோபின் எண்ணிக்கையை அதிகரித்து ரத்தத்தின் அளவையும் அதிகரிக்கிறது. என்னதான் சத்தான உணவாக இருந்தாலும் இதை வெறும் வயிற்றில் சாப்பிடலாமா சாப்பிடக்கூடாதா என்ற விவாதம் இப்போது வரை இருந்து வருகிறது. பல்வேறு ஆதாரங்களில் வாழைப்பழங்களில் பொட்டாசியம் மற்றும் மெக்னீசியம் இருப்பதால் வெறும் வயிற்றில் சாப்பிடுவது நல்லதல்ல என்று மருத்துவர்கள் தெரிவிக்கிறார்கள். வாழைப்பழங்கள் தற்காலிகமாக உத்தரவை அளித்தாலும் பின்னர் தூக்கத்தை வர வைக்கின்றன. வாழைப்பழங்களில் இயற்கையில் அமிலங்கள் இருக்கின்றன. எனவே இது வயிற்று பிரச்சனைக்கு காரணமாக அமையலாம் என்றும் வெறும் வயிற்றில் வாழைப்பழத்தை எப்போதுமே சாப்பிடாமல் தவிர்த்தல் நல்லது என்றும் மருத்துவர்கள் அறிவுறுத்துகிறார்கள். இனி வெறும் வயிற்றில் எப்போதுமே வாழைப்பழத்தை சாப்பிடாதீர்கள்!

gowtham Wed, 09/04/2019 - 14:15
banana dangerside of banana Healthy Food வாழைப்பழம் லைப்ஸ்டைல் உணவு

English Title

The banana is so dangerous ... People are on the alert!

News Order

0

Ticker

0   
தலைமுடி உதிர்வு

தலைமுடிகள்  வேர் வேராக உதிர்வதை தடுக்கும் இயற்கை மருத்துவ முறைகள்!

வீட்டில் எங்கு பார்த்தாலும் முடிகள் கிடக்கின்றன. தலைவாரும் போதெல்லாம் அப்படியே வேரோடு கொத்து கொத்தாக முடிகள் உதிர்கின்றன. தலை வாருவதற்கே பயமாக இருக்கிறது என்கிற கவலை ஒவ்வொரு பதின் ...


 நோய்

தினமும் ஒரு ஸ்பூன் சாப்பிடுங்க... நோய்கள் எல்லாம் கிட்டவே நெருங்காது!

எதைச் சாப்பிட்டால் பித்தம் தெளியும் என்கிற நிலைக்கு தான், இன்று பெரும்பான்மையான தமிழக மக்கள் தள்ளப்பட்டிருக்கிறோம். தெருவிற்கு நான்கைந்து மருத்துவமனைகள் திடீர் திடீரென முளைத்து காச...


 பிஸ்கட்

எமனாகும் பிஸ்கட் ... தமிழகத்தை அச்சுறுத்தும் கலாசாரம்!

காலையில் பள்ளிக்கு குழந்தைகளை அனுப்பும் போது, அவர்களுக்கு என்ன ஸ்நாக்ஸ் வைத்து அனுப்புவது என்பது தான் பலரது வீட்டின் பரபரப்பாக இருக்கும். என்ன தான் நாம் ஆரோக்கியமான பழங்களையோ, காய்...

2018 TopTamilNews. All rights reserved.