• August
    26
    Monday

Main Area

Main



கர்நாடகாவை போல் புதுச்சேரிக்கு  பாஜக நெருக்கடி கொடுத்தால் சமாளிப்போம் - கொந்தளித்த புதுவை முதல்வார்

நாராயணசாமி
நாராயணசாமி
Loading...
narayana samy

‘இந்திய மருத்துவ கவுன்சிலுக்கு மாற்றாக, தேசிய மருத்துவ ஆணையத்தை உருவாக்கும் வரைவு மசோதாவை மத்திய சுகாதாரத்துறை அமைச்சகம் உருவாக்கி உள்ளது. நாட்டில் பல மாநிலங்களில் இதற்கு எதிர்ப்பு எழுந்துள்ள நிலையில், நாட்டின் அனைத்து மாநிலங்களிலும் நெக்ஸ்ட் எனப்படும் ‘நேஷனல் எக்ஸிட் டெஸ்ட்’ என்ற பெயரில் பொதுவான தேர்வாக நடத்தப்படும் என்று மத்திய அரசு தெரிவித்துள்ளது. தவிர, அந்த நெக்ஸ்ட் தேர்வில் எடுத்த மதிப்பெண்களின் அடிப்படையில், முதுநிலை மருத்துவ படிப்புகளுக்கு மாணவர்கள் சேர்க்கப்படுவார்கள் எனவும் மத்திய அரசு முடிவு செய்துள்ளது’ என்று புதுவை முதல்வர் நாராயணசாமி தெரிவித்தார்.

narayana samy

முன்னதாக இதுகுறித்து புதுச்சேரி சட்டப்பேரவையில் செய்தியாளர்களை சந்தித்த முதலமைச்சர் நாராயணசாமி, இந்த நெக்ஸ்ட் தேர்விற்கு எதிர்ப்பு தெரிவித்தார். மேலும், பாராளுமன்றத்தில் இதற்கு எதிர்ப்பு தெரிவித்து காங்கிரஸ் குரல் எழுப்பும் என்றும் கூறினார்.  இது தொடர்பாக எதிர்ப்பு தெரிவித்து பிரதமருக்கும், மத்திய சுகாதாரத்துறை அமைச்சருக்கும் கடிதம் எழுதப்படும் என்றும், நாளை மறுதினம் சட்டப்பேரவையில் இது தொடர்பான பிரச்சினை எழுப்பப்படும் என்றார். மேலும் கர்நாடகாவில் ஜனநாயக படுகொலை நடத்தி ஆட்சியை கவிழ்க்க பண பலம் மற்றும் அதிகார பலத்தை பாஜக பயன்படுத்துகிறது என்றும் குற்றம் சாட்டினார். மேலும் கர்நாடகாவை போல் புதுச்சேரியிலும் பாஜக செயல்பட்டால் எந்த சூழ்நிலையையும் அதனை சமாளிப்போம் என்றும் முதல்வர் நாராயணசாமி தெரிவித்தார்

2018 TopTamilNews. All rights reserved.