kaappan-mobile kaappan-large
  • September
    18
    Wednesday

Main Area

பருவ பெண்களின் இடுப்புக்கு பலம் சேர்க்கும் கிச்சடி!

இன்று வளரும் பெண்களுக்கு தேவையான ஊட்டச்சத்துக்கள் இல்லாமல் பெரும்பாலும் பள்ளி, கல்லூரிகளில் படிக்கும் மாணவிகள் மிகவும் பலவீனமாக காணப்படுகிறார்கள். போதிய உடல் உழைப்பு இல்லாததும், சரியான நேரத்திற்கு சத்தான உணவுகளை எடுத்துக் கொள்ளாததுமே இதற்கு காரணம் என, மருத்துவர்கள் முதல், பிட்னஸ் ட்ரைனர்கள் வரை தெரிவிக்கின்றனர். 
வளர் இளம் பருவத்தினர், வயது வந்த இளம் பெண்கள், புதிதாக திருமணம் ஆனோர், பிள்ளைப்பேறு அடைந்த பெண்கள், 50 வயதை கடந்தோர் என அனைவருக்கும், இடுப்புக்கு பலம் சேர்க்கும் அற்புதமான சிறுதானிய உணவை இங்கு பார்க்கலாம். 

kichadi

தேவையான பொருட்கள்: 
சாமை
தோலுடனான கருப்பு உளுந்து
வெங்காயம்
பூண்டு
மஞ்சள் தூள். 

செய்முறை: 
ஒரு கப் தோலுடன் இருக்கும் கறுப்பு உளுந்தை வெறும் வாணலில் வறுத்து, அதை பின் நன்றக ஆற வைத்துக் கொள்ளவும். இப்போது வறுத்த பருப்பை அப்படியே ஒரு மணி நேரம் தண்ணீரில் ஊற வைக்க வேண்டும். இப்படி செய்வதன் மூலம், உளுந்தினால் ஏற்படும் வாயு தொல்லையை தவிர்க்கலாம். 

kichadi

நன்றாக ஊறிய பருப்புடன், ஒரு கப் சாமையை சேர்த்து, இதை 5 கப் தண்ணீர் சேர்த்து, அத்துடன் தேவையான அளவு வெங்காயம், பூண்டு பற்கள், மஞ்சள் தூள், தேவைக்கேற்ப பச்சை மிளகாய், உப்பு சேர்த்து வேகவைக்கவும். நன்கு குழைவாக வெந்ததும், அதை இறக்கி, தேங்காய் துவையலுடன் சேர்த்து சாப்பிட்டால் அருமையாக

gowtham Sun, 09/08/2019 - 16:10
kichadi healthyfood  கிச்சடி உணவு

English Title

Adding to the hips of adolescent girls!

News Order

0

Ticker

0 வாழைத்தண்டு பொரியல்

வாரம் ஒருமுறை வாழைத்தண்டு சாப்பிடுவது மிகவும் நல்லது. அதிலும் அதனை சாறு எடுத்து குடித்தால், சிறுநீரக கற்கள் ஏற்படுவதைத் தடுக்கலாம். ஒருவேளை உங்களுக்கு வாழைத்தண்டு சாறு குடிக்க பிடிக்கா விட்டால், அதனை பொரியல் போன்று செய்தும் சாப்பிடலாம். அதிலும் வாழைத்தண்டு பொரியலானது புளிக்குழம்புடன் சேர்த்து சாப்பிட சூப்பராக இருக்கும். நம் டாப் தமிழ் வாசகர்களுக்காக சுவையான வாழைத்தண்டு பொரியல் ரெசிப்பி இதோ...

 

valathandu

தேவையான பொருட்கள்:
வாழைத்தண்டு - 1 
வெங்காயம் - 1 (பொடியாக நறுக்கியது)
துருவிய தேங்காய் - 2 டேபிள் ஸ்பூன்
பாசிப்பருப்பு - 1 1/2 டேபிள் ஸ்பூன்
மோர் - 1/4 கப்
மஞ்சள் தூள் - 1/4 டீஸ்பூன்
உப்பு - தேவையான அளவு
 தாளிப்பதற்கு...
 எண்ணெய் - 2 டீஸ்பூன்
கடுகு - 1 டீஸ்பூன்
உளுத்தம் பருப்பு - 1/2 டீஸ்பூன்
கறிவேப்பிலை - சிறிது
பச்சை மிளகாய் - 2 (நீளமாக கீறியது)

valathandu poriyal

செய்முறை:
வாழைத்தண்டு வாங்கும் போது நல்ல அடித்தண்டாக பார்த்து வாங்கிக் கொள்ளவும். முதலில் வாழைத்தண்டில் உள்ள நாரை நீக்கி, அதனை பொடியாக நறுக்கிக் கொள்ள வேண்டும். வாழைத்தண்டில் நார் இருந்தால், சாப்பிடும் போது நிறைய பேர் தவிர்த்து விடுவார்கள். வாழைத்தண்டை நறுக்கியதும், அதனை மோரில் போட்டு, சிறிது நேரம் ஊற வைக்க வேண்டும். பின்பு பாசிப்பருப்பை நீரில் போட்டு 30 நிமிடம் ஊற வைத்துக் கொள்ள வேண்டும். பிறகு ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், தாளிப்பதற்கு கொடுத்துள்ள பொருட்களை சேர்த்து தாளிக்க வேண்டும். வெங்காயம் மற்றும் பாசிப்பருப்பை சேர்த்து 3நிமிடம் வதக்கி விட வேண்டும். அதற்குள் மோரில் ஊற வைத்துள்ள வாழைத்தண்டை தனியாக வடித்து வைத்துக் கொள்ள வேண்டும். அடுத்து அதில் வாழைத்தண்டு மற்றும் மஞ்சள் தூள் சேர்த்து, தேவையான அளவு தண்ணீர் மற்றும் உப்பு சேர்த்து, மூடி வைத்து வாழைத்தண்டை வேக வைக்க வேண்டும். வாழைத்தண்டானது நன்கு வெந்து அதில் உள்ள நீர் வற்றியதும், அதில் துருவிய தேங்காயை சேர்த்து பிரட்டி இறக்கினால், வாழைத்தண்டு பொரியல் ரெடி!

gowtham Fri, 09/06/2019 - 17:16
valathandu poriyal healthyfood வாழைத்தண்டு பொரியல் உணவு

English Title

Banana Fries

News Order

0

Ticker

0 முருங்கையில் இத்தனை விஷயங்களா... அந்த விஷயத்துக்கு மட்டும்னு நினைச்சு ஒதுக்காதீங்க...!

முருங்கையில் அதிக அளவில் ஊட்டச்சத்துக்கள் நிரம்பியிருக்கின்றன. முருங்கையில் மிக அதிக அளவில் ஆண்டி ஆக்சிடண்ட் நிறைந்திருக்கின்றன. இது நம் உடலில் உண்டாகின்ற ஏராளமான நோய்களைத் தீர்க்கும் சக்தி கொண்டது. குறிப்பாக, உடல் பருமன், சர்க்கரை நோய், ரத்தசோகை, இருதய நோய்கள், ஆா்த்தரிட்டிஸ், கல்லீரல் நோய்கள், தோல் சம்பந்தப்பட்ட நோய்கள், ஜீரணக் கோளாறு ஆகியவற்றைக் குணப்படுத்தும் ஆற்றல் முருங்கை இலைக்கு உண்டு. கால்சியம், பொட்டாசியம் ஆகியவையும் வைட்டமின் ஏ மற்றும் சி ஆகியவை நிறைந்திருக்கின்றன.

drumstick

முருங்கை மரத்தில் உள்ள காய்கள், இலை, பூ மட்டும் தான் நமக்குப் பயன்படுகிறது என்று நாம் நினைத்துக் கொண்டிருக்கிறோம். ஆனால் முருங்கை மரத்தினுடைய பட்டைகள், வேர்கள், விதை, முருங்கை பிசின் ஆகிய எல்லாமே மருந்தாகப் பயன்படுகின்றன. நாட்டு மருத்துவத்தில் இவை எல்லாமே மருந்தாகப் பயன்படுத்தப்படுகின்றன. முருங்கை உடலுக்குள் இருக்கின்ற கொழுப்புகள் மற்றும் குளுக்கோஸின் அளவினைக் குறைக்கின்றது. இது உடலுக்குள் இருக்கின்ற ஆக்ஸிஜனேற்ற அழுத்தத்தைக் கட்டுப்படுத்தும். உடலுக்குள் உள்ள சர்க்கரை மற்றும் கொழுப்பின் அளவைக் குறைத்து சர்க்கரை நோய்க்கான அறிகுறிகளில் இருந்து முருங்கை முற்றிலும் உங்களைக் காப்பாற்றும். ஆரம்ப காலத்திலேயே சர்க்கரை நோயை துரத்தி உங்களைக் காப்பாற்றும்

drumstick

முருங்கை இலையினுடைய இலைகள், விதைகள் மற்றும் வேர்ப்பகுதிகளுக்கு நம்முடைய உடலில் காயங்களை ஆற்றுவதற்கான தன்மைகள் அதிகமாக உள்ளது. இது காயங்களில் இருந்து அதிகப்படியான ரத்தம் வெளியேறாமல் தடுக்கிறது. முருங்கை இலையை பொடி செய்து சாப்பிட்டு வந்தால் அதில் உள்ள ஆண்டி ஆக்சிடண்ட்டுகள் உங்கள் செல்களில் சேதம் உண்டாகாமல் தடுக்கிறது. மன அழுத்தம், வீக்கங்கள் ஆகியவற்றைக் கட்டுப்படுத்துகின்றன. உடலுக்குள் இருக்கும் உயிர் அணுக்கள் சேதமாவதைத் தடுக்கவும் இது உங்களுக்கு உதவும் . முருங்கை இலையின் பொடியில் பல்வேறு வகையான அழற்சி எதிர்ப்புப் பொருள்கள் இருக்கின்றன. குறிப்பாக, நீரிழிவு, கார்டிவாஸ்குலர் சம்பந்தமான இதய நோய்கள்ஈ ஆர்த்தரிட்டிஸ், எடை அதிகரிப்பு ஆகியவற்றின் மூலம் அழற்சி எதிர்ப்பு பொருள்கள் நிறைந்திருக்கின்றன.

drumstick

முருங்கை இலையினுடைய பொடியானது மூளையின் ஆரோக்கியத்துக்கு மிக்ப பெரிய அளவில் உதவுகின்றது. இது அல்சைமர் நோயைக் குணப்படுத்தும் ஆற்றல் கொண்டது. இதில் உள்ள வைட்டமின் இ மற்றும் வைட்டமின் சி ஆகியவை மன வளம், ஞாபக சக்தி ஆகியவற்றைப் பாதுகாக்க உதவுகிறது. முருங்கை இலையினுடைய பொடியானது இதய ஆரோக்கியத்தை மேம்படுத்த உதவுகின்றது. இது மிக முக்கியமாக ரத்தத்தில் உள்ள கொழுப்பைக் குறைக்க உதவுகின்றது. முருங்கை இலையினுடைய பொடியானது இதய ஆரோக்கியத்தை மேம்படுத்த உதவுகின்றது. இது மிக முக்கியமாக ரத்தத்தில் உள்ள கொழுப்புகளைக் குறைக்க உதவுகின்றது. முருங்கை இலையில் உள்ள பாக்டீரீயா மற்றும் பூஞ்சை எதிர்ப்பு சக்தியானது, உங்களுடைய சருமத்தில் உண்டாகின்ற தொற்றுக்கள், பாக்டீரியாவினால் உண்டாகும் பிரச்சினைகள் போன்றவற்றில் இருந்து உங்களைக் காப்பாற்ற உதவுகிறது. இது சிறுநீர்ப் பாதையில் ஏற்படுகின்ற தொற்றுக்களைப் போக்கவும் உதவுகிறது.

gowtham Fri, 09/06/2019 - 15:46
drumstick healthtips முருங்கை உணவு

English Title

drumstick health benefits

News Order

0

Ticker

0 ஆச்சி மசாலாவுக்கு தடை! பூச்சிக்கொல்லி மருந்து பயன்படுத்தியது அம்பலமானது!

தமிழகத்தைச் சேர்ந்த பிரபல ஆச்சி மசாலா நிறுவனம் சமையலுக்கான மிளகாய் தூள் உட்பட பல்வேறு பொருட்களைத் தயாரித்து விற்பனை செய்து வருகிறது. இந்நிறுவனம் தமிழகத்தில் மட்டுமல்லாது கேரளாவிலும் தங்கள் தயாரிப்புகளை விற்பனை செய்து வருகிறது. திருச்சூரில் இந்த நிறுவனத்தின் மசாலாப் பொருட்களை உணவு பாதுகாப்பு துறை அதிகாரிகள் கைப்பற்றி  கொச்சியில் உள்ள உணவுப் பொருள் பரிசோதனை கூடத்திற்கு அனுப்பி வைத்தனர். அங்கு நடத்திய ஆய்வில் ஆச்சி மசாலா நிறுவனத்தின் மிளகாய் பொடியில் பூச்சிக்கொல்லி மருந்துகளான இட்டியோன், புரபேனோபோஸ் ஆகியவற்றின் அளவு அதிகமாக இருப்பது கண்டுபிடிக்கப்பட்டது. 

aachi

ஆய்விற்கு பிறகு அவர்கள் அளித்த அறிக்கையின் அடிப்படையில் இந்த மிளகாய் பொடிக்கு தடை விதித்து கேரள உணவு பாதுகாப்பு துறை ஆணையர் உத்தரவு பிறப்பித்துள்ளார். இதையடுத்து கேரளாவில் ஆச்சி மசாலா நிறுவனத்தின் மிளகாய் பொடி விற்பனைக்கு தடை விதிக்கப்பட்டுள்ளது நுகர்வோரிடையே பலத்த அதிர்ச்சியை ஏற்படுத்தியுள்ளது.

aachi masala

தமிழகத்தில் மூலை முடுக்குகளில் உள்ள பெட்டிக் கடைகளில் எல்லாம் ஆச்சி மசாலா நிறுவனத்தின் பொருட்களை விற்பனையில் உள்ளன. குழந்தைகள் விரும்பி சாப்பிடும் குலோப் ஜாமூன் வகையான பொருட்களையும் ஆச்சி மசாலா நிறுவனம் விற்பனை செய்து வருகிறது. பூச்சிக்கொல்லி மருந்துகளைப் பயன்படுத்தி வருவதால், இதுவரையில் ஆச்சி மசாலா பொருட்களைப் பயன்படுத்தி வந்த மக்கள் பேரதிர்ச்சிக்கு ஆளாகியிருக்கின்றனர்.

gowtham Fri, 09/06/2019 - 14:16
aachi masala pesticides used ஆச்சி மசாலா தமிழகம் உணவு

English Title

Ban on Achi Masala! Exposure to pesticide use!

News Order

0

Ticker

0 ஃப்ரெஞ்ச் ஃப்ரை, சிப்ஸ் மட்டும் சாப்பிட்ட சிறுவனின் பார்வை பறிபோன பரிதாபம்!

அமெரிக்கா, வாஷிங்க்டனைச் சேர்ந்த 14வயது சிறுவனை மருத்துவர்களிடம் அழைத்துப் போகிறார்கள் பெற்றோர். பிரச்னை என்னவென்றால், எப்போதுமே டயர்டாக ஃபீல் பண்ணுவதாக அச்சிறுவன் சொல்லியிருக்கிறான். சரியான உடல் எடையுடன் சராசரியான தோற்றத்துடன் இருந்தாலும், வைட்டமின் பி12 குறைபாட்டால் சற்றே இரத்தசோகையோடு காணப்பட்டிருக்கிறார். பையனின் நடவடிக்கைகள் மற்றும் வழக்கமான உணவு பற்றி டாக்டர் விசாரிக்கும்போதுதான் தெரியவருகிறது, பையன் மூவேளையும் உருளைக்கிழங்கு சிப்ஸ், ஃப்ரெஞ்ச் ஃப்ரை, பிரெட் மட்டுமே சாப்பிடும் பழக்கம் உள்ளவனாம். நல்ல சத்தான சாப்பாடு சாப்பிடவேண்டும் என்று அறிவுரைச் சொல்லி, ரத்தசோகைக்கு மருந்து எழுதி தந்திருக்கிறார்.

Extensive French fry caused blindness

சரியாக ஒருவருடம் கழித்து திரும்பவும் மருத்துவரிடம் அழைத்து வந்திருக்கிறார்கள் பெற்றோர். இப்போது நிலைமை சற்று கவலைக்குறியதாக இருக்கிறது. பையனுக்கு காதிலும் கண்ணிலும் குறைபாடு, அதாவது கேட்கும்-பார்க்கும் சக்தி சற்று குறைந்திருக்கிறது. திரும்பவும் எல்லா டெஸ்டும் எடுத்துப் பார்த்திருக்கிறார்கள். ஒன்றும் பெரிதாக அறிகுறி இல்லை. இரண்டு வருடங்கள் கழித்து அதாவது 17 வயதில் அச்சிறுவனை முற்றிலும் பார்வை பறிபோன நிலையில் அழைத்து வந்திருக்கிறார்கள். இப்போதும் சிறுவனின் உணவுப்பழக்கம்பற்றி டாக்டர்கள் கேட்டதற்கு ‘எப்பவுமே அவன் உருளைக்கிழங்கு சிப்ஸும் ஃப்ரெஞ்ச் ஃப்ரையும் மட்டும்தான் டாக்டர் சாப்பிடுவான்’ என அப்பாவியாக சொல்லியிருக்கிறார்கள். பிரிஸ்டல் பல்கலைக்கழக மருத்துவர்கள் சிறுவனின் மருத்துவக் குறிப்புகளை பார்த்துவிட்டு, அவனின் கண்பார்வை பறிபோனதன் காரணமாக சுட்டிக்காட்டியது ஃப்ரெஞ்ச் ஃப்ரை மற்றும் உருளைக்கிழங்கு சிப்ஸையும்தான்.

gunaseelan Thu, 09/05/2019 - 17:21
Excessive intake of french fry causing serious illness french fry, pringles caused blindness in teenager nutritional optic neuropathy University of Bristol ஆரோக்கியம் உணவு

English Title

US teen looses eyesight after repeated food habit of French fries and Pringles.

News Order

0

Ticker

1 வாழைப்பழம் சாப்பிடறதுல இவ்வளவு ஆபத்தா...? மக்களே உஷார்!

மக்களிடையே பீட்சாவும், பர்கரும் ஒரு பக்கம் அதி ப்ரியமான உணவு வகைகளாக இருந்த போதிலும், ஆரோக்கியம் காப்போம் என்று மற்றொரு பக்கம் வெறும் பழங்களையும், பாதி வெந்தும், வேகாமலும் இருக்கும் காய்கறிகளையும் சாப்பிட்டு உடல் நலன் மீது இருக்கும் அக்கறையைக் காட்டுபவர்களும் இருக்கிறார்கள். இதில், பழங்களிலும், காய்கறிகளிலும் இருக்கும் மருத்துவ குணங்களைத் தெரிந்துக் கொண்டு, அவற்றின் தன்மைக்கு ஏற்ப அவற்றைச் சாப்பிட வேண்டும் என்று அறிவுறுத்துகிறார்கள் மருத்துவர்கள்.

green banana

குறிப்பாக எல்லா வகையான பழங்களும் நமக்கு நன்மை தரும் என்று சொல்லிவிட முடியாது. ஒரு சில பழங்கள் மருத்துவ தன்மை வாய்ந்ததாக இருக்கும். இன்னும் வேறு சில பழங்கள் அதிக ஊட்டச்சத்துக்கள் நிறைந்ததாக இருக்கும். அந்த வரிசையில் தீமை தரக்கூடிய பழங்களும் உள்ளன.  பொதுவாக பச்சை, மஞ்சள் என்று காணப்படுகின்ற வாழைப்பழங்களில், பச்சை நிற பழமானது கசப்புத் தன்மை கொண்டதாக காணப்படும். இவற்றில் குறைந்த அளவு சர்க்கரை உள்ளதால் இது ஜீரண சக்தியை அதிகரிக்க பயன்படும்.

banana

மஞ்சள் நிறத்தில் உள்ள வாழைப் பழங்கள் மிகவும் மென்மையாகவும், அதிக சுவை கொண்டதாகவும், இனிப்பாகவும் இருக்கும். குறிப்பாக இதில் அதிக அளவில் ஆன்டி-ஆக்ஸிடன்ட் உள்ளது. அதே நேரத்தில் இதில் அதிக அளவில் சர்க்கரையும்  உள்ளதால் சர்க்கரை நோயாளிகள் இதனை தவிர்த்து விடவும். சிவப்பு நிறம் வாழைப்பழங்களைச் சாப்பிடுவதால் நமக்கு பலவகையான நன்மைகள் கிடைக்கும். இந்த வகை பழங்கள் மிகவும் உடலுக்கு நன்மை தரும் என்றும் இதில் பல வகையான சத்துக்களும் உள்ளன என்றும் மருத்துவர்கள் தெரிவிக்கிறார்கள். எனவே இந்த வகை பழங்கள் உடலுக்கு நல்லது. ஆண்கள் இந்த பழத்தை சாப்பிட்டு வந்தால் ஆண்களுக்கான சில முக்கிய தாம்பத்திய பிரச்சினைகள் தீர்ந்துவிடும்

banana

வாழைப்பழத்தில் உள்ள சத்துக்கள் இதய ஆரோக்கியத்திற்கு சிறந்தது. மேலும் இது இரத்த அழுத்தம், மன அழுத்தம், நெஞ்சு எரிச்சல், அல்சர் மற்றும் உடலுக்கு குளிர்ச்சி தருகிறது. இதில் அதிகப்படியான இரும்புச்சத்து உள்ளது. இது உடலில் ஹீமோகுளோபின் எண்ணிக்கையை அதிகரித்து ரத்தத்தின் அளவையும் அதிகரிக்கிறது. என்னதான் சத்தான உணவாக இருந்தாலும் இதை வெறும் வயிற்றில் சாப்பிடலாமா சாப்பிடக்கூடாதா என்ற விவாதம் இப்போது வரை இருந்து வருகிறது. பல்வேறு ஆதாரங்களில் வாழைப்பழங்களில் பொட்டாசியம் மற்றும் மெக்னீசியம் இருப்பதால் வெறும் வயிற்றில் சாப்பிடுவது நல்லதல்ல என்று மருத்துவர்கள் தெரிவிக்கிறார்கள். வாழைப்பழங்கள் தற்காலிகமாக உத்தரவை அளித்தாலும் பின்னர் தூக்கத்தை வர வைக்கின்றன. வாழைப்பழங்களில் இயற்கையில் அமிலங்கள் இருக்கின்றன. எனவே இது வயிற்று பிரச்சனைக்கு காரணமாக அமையலாம் என்றும் வெறும் வயிற்றில் வாழைப்பழத்தை எப்போதுமே சாப்பிடாமல் தவிர்த்தல் நல்லது என்றும் மருத்துவர்கள் அறிவுறுத்துகிறார்கள். இனி வெறும் வயிற்றில் எப்போதுமே வாழைப்பழத்தை சாப்பிடாதீர்கள்!

gowtham Wed, 09/04/2019 - 14:15
banana dangerside of banana Healthy Food வாழைப்பழம் லைப்ஸ்டைல் உணவு

English Title

The banana is so dangerous ... People are on the alert!

News Order

0

Ticker

0 கருப்பட்டியுடன் இதையெல்லாம் சேர்த்து சாப்பிட்டால் அப்புறம் ஆரோக்கியம் தான்! karupati

பனை மரத்திலிருந்து கிடைக்கும் பனை நீரிலிருந்து கருப்பட்டி என்கிற வெல்லம் கிடைக்கிறது. கருப்பட்டியில் சுண்ணாம்பு சேர்த்து சாப்பிட்டால் உடல் சுத்தம் அடையும். சீரகத்தை வறுத்து சுக்கு மற்றும் கருப்பட்டியுடன் சேர்த்து சாப்பிட்டால் நன்றாக பசி எடுக்கும். ஓமத்தை கருப்பட்டியுடன் சேர்த்து சாப்பிட்டால் வாயுத்தொல்லை நீங்கும். குப்பைமேனிக் கீரையுடன் கருப்பட்டியைச் சேர்த்து வதக்கிச் சாப்பிட்டால் வறட்டு இருமல், நாள்பட்ட சளித்தொல்லை நீங்கும். கரும்பு சர்க்கரைக்குப் பதில் கருப்பட்டியைப் பயன்படுத்தினால் பற்களும், எலும்புகளும் உறுதியாகும். பருவம் அடைந்த பெண்களுக்கு கருப்பட்டியையும் உளுந்தையும் சேர்த்து உளுந்தங்களி செய்து கொடுத்தால் இடுப்பு வலுப்பெறுவதுடன் கருப்பையும் ஆரோக்கியமாக இருக்கும். நீரிழிவு நோயாளிகள் கைக்குத்தல் அரிசி சாதத்துடன் கருப்பட்டியை கலந்து சாப்பிட்டு வந்தால் சர்க்கரையின் அளவு கட்டுப்பாட்டில் இருப்பதுடன் அடிக்கடி சிறுநீர் போவது குறையும். குழந்தைகள் முதல் பெரியவர் வரை கருப்பட்டியை தொடர்ந்து சாப்பிட்டு வந்தால் நமது உடலுக்கு தேவையான கால்சியம் இதில் கிடைக்கிறது.

karupati

சுக்குக் கருப்பட்டி பெண்களின் கர்ப்பப் பைக்கு மிகவும் ஏற்றது. சுக்கு, மிளகு கலந்து கருப்பட்டியை குழந்தை பெற்ற பெண்கள் சாப்பிட்டால் பால் நன்றாக சுரக்கும். அந்தத் தாய்ப்பாலை குடிக்கும் குழந்தைகளுக்கு நல்ல ஊட்டச் சத்துக்கள் கிடைக்கப் பெறும். காபியில் சர்க்கரைக்குப் பதில் கருப்பட்டியைச் சேர்த்து குடித்தால் நமது உடலுக்கு சுண்ணாம்புச் சத்தும் நோய் எதிர்ப்பு சக்தியும் அதிகமாகும். மேலும் சர்க்கரை நோயாளிகளும் குடிக்கலாம். நகரத்தில் பிறந்து வளர்ந்து பனை மரத்தை பார்க்காமல் வளர்கிற இந்தத் தலைமுறைக்கு பனைமரம் என்பதன் ஒவ்வொரு அங்குலமும் பயன் கொடுக்கக் கூடியது என்பதை சொல்லிக் கொடுக்க வேண்டும்.

gowtham Sat, 08/31/2019 - 15:45
karupati Healthy Food கருப்பட்டி உணவு

English Title

If you eat all of these with a blackberry, then that's healthy!

News Order

0

Ticker

0 சுண்டைக்காய் சொல்லும் ஆரோக்கிய ரகசியம்

மருத்துவ மூலிகையாக பாவிக்கப்படும் சுண்டைக்காய் கசப்புச் சுவை உடையது. மூர்த்தி சிறியதாக இருப்பினும் இதன் கீர்த்தி பெரிது. கசப்பாக இருந்தாலும் இது நம் உடலில் ஏற்படுத்தும் விளைவுகளோ இனிப்பாகத் தான் இருக்கும். சுண்டைக்காய் சாப்பிடுவதன் மூலம் நம் குடலில் உள்ள புழுக்கள் இறந்து விடுகிறது. சர்க்கரை நோயைக் கட்டுப்படுத்துவதில் சுண்டைக்காய் அபரிமிதமாக வேலை செய்கிறது. உடலுக்கு தேவையான எதிர்ப்புச் சக்தியை அதிகரிக்கும்.

sudakkai

சுண்டைக்காயோடு மிளகு, கறிவேப்பிலை சேர்த்து கஷாயம் செய்து கொடுத்தால் சிறு குழந்தைகளின் குடலில் இருக்கும் கிருமிகள், பூச்சிக்கடி விஷம் ஆகியவை நீங்கும். சுண்டைக்காயை நசுக்கி மோரில் ஊற வைத்து வெயிலில் காயவைத்து எடுத்து பத்திரப்படுத்தி வைக்கலாம். இதை எண்ணெயில் வறுத்தும் சாப்பிடலாம். அல்லது குழாயில் வற்றலாகவும் உபயோகிக்கலாம். சுண்டைக்காய் மார்புச் சளியைப் போக்கும். குடலில் உள்ள கசடுகளை நீக்கும். சுண்டைக்காயில் புரதம் கால்சியம், இரும்புச்சத்து அதிகம் காணப்படுகிறது. இரத்த சோகை உள்ளவர்கள் தாராளமாக உண்ணலாம். வாரம் இருமுறை சமைத்து சாப்பிட்டாலே இரத்தம் சுத்தமடையும் உடற்சோர்வு நீங்கும். அடிக்கடி உணவில் சேர்த்து வர சுவாசம் சம்பந்தப்பட்ட தாக்குதலுக்கு உட்பட்டவர்களுக்கு உடனடி நிவாரணம் கிடைக்கும். சுண்டைக்காயை நசுக்கி, அதனுடன் பூண்டு ,சின்னவெங்காயம், மிளகு, சீரகம் கறிவேப்பிலை, கொத்துமல்லி சேர்த்து கொதிக்க விட்டு சூப்பாக சாப்பிடலாம். இதனால் கபக்கட்டு இருமல், மூலச்சூடு , தொண்டைக்கட்டு முதலியவை போயே போய்விடும். இரத்தத்தை சுத்தப்படுத்தி, சிறுநீரைப் பெருக்க வல்லது. ஆஸ்துமாவிற்கு இது கண்கண்ட மருந்தாகும். சுண்டை வேர், தும்பை வேர், இலுப்பை, பிண்ணாக்கு சம அளவு எடுத்து இழுத்துப் பொடி செய்து முகர்ந்து பார்த்தால் இழுப்பு நோய் வெகுவாக தணியும்.

sudukkai

இனி வாரத்திற்கு ஒரு நாள் என்று முறை வைத்து உங்களது உணவில் சுண்டைக்காய் பயன்படுத்த துவங்குங்கள். இதுவரையில் உங்கள் குழந்தைகள் உணவைக் கண்டாலே காத தூரத்திற்கு ஓடிச் சென்ற காலம் எல்லாம் மலையேறி, சத்தான உணவுகளை வேண்டாம் என்று ஒதுக்கித் தள்ளாமல் ஆர்வமுடன் சாப்பிட ஆரம்பிப்பார்கள். காரணம், நாவில் இருக்கும் சுவை நரம்புகளைத் தூண்டி விடும் அற்புத செயலையும் சுண்டைக்காய் செய்கிறது.

gowtham Fri, 08/30/2019 - 15:06
sudakkkai food சுண்டைக்காய் உணவு

English Title

The Secret of Health

News Order

0

Ticker

0 சிறுகீரைப் பச்சடி spinach

சிறுகீரை                        -    1கட்டு
சிறிய வெங்காயம்                -20
தக்காளி                                          -2
பூண்டு                                              -3பல்
மிளகாய்                                 -3
இஞ்சி                                       -சிறு துண்டு
சீரகம்                                                -1/4 டீஸ்பூன்
உப்பு                                   -தேவையான அளவு
நல்லெண்ணெய்        -2டேபிள் ஸ்பூன்
தயிர்                                  -1கப்

செய்முறை

spinach

சிறுகீரையை நன்றாக நான்கைந்து முறைகள் தண்ணீரில் அலசி சுத்தம் செய்து கொள்ள வேண்டும். அதன் பிறகு சிறுகீரையை தண்ணீர் தெளித்து வேக வைக்க வேண்டும். கடாயில் எண்ணெய் ஊற்றி, சீரகம் தாளித்து,  நறுக்கிய வெங்காயம், தக்காளி, இஞ்சி, பூண்டு, மிளகாய் சேர்த்து வேக வைக்க வேண்டும். ஆறியதும் மிக்சியில் அரைத்து  தயிரில் கலந்து வைத்தால் சிறுகீரைப் பச்சடி தயார். வழக்கமாக செய்யும் கீரை சமையலை விட இம்முறையில் சமைத்து பரிமாறினால், கீரையை இதுநாள் வரையில் பிடிக்காது என்று ஒதுக்கி வைத்தவர்கள் கூட ஆர்வமாக சாப்பிடுவார்கள்.
சிறுகீரை ரத்தத்தை சுத்தமாக்கும். நீர்க்கடுப்பை நீக்கும்.

gowtham Fri, 08/30/2019 - 14:37
serkeerai pachadi traditional food சிறுகீரைப் பச்சடி உணவு

English Title

serkerai pachadi

News Order

0

Ticker

0 பிரட், நட் ஸ்வீட்

தேவையான பொருட்கள்
பால்                    -4 கப்
பிரட்                   -6 துண்டுகள்
சர்க்கரை        -100கிராம்
நெய்                   -1கப்
பாதாம்        -    1கப்
முந்திரி        -    1கப்
பிஸ்தா        -    1கப்
ஆப்பிள்            -    1கப்
மாம்பழம்        -    1கப்
வாழைப்பழம்        -    1கப்

செய்முறை

bread nut sweet

முதலில் இரண்டு கப் பாலை 2கப் வரும்படி நன்றாக சுண்ட காய்ச்சிக் கொள்ள வேண்டும். பிரட் துண்டுகளை ஓரம் வெட்டி எடுத்து, ஒவ்வொன்றையும் இரு துண்டுகளாக்கி நெய்யில் பொறித்து எடுத்துக் கொள்ள  வேண்டும்.
பாலில்  பொடித்த சர்க்கரையைச் சேர்த்து பிரட் துண்டுகளை போட்டு பாலை உறிஞ்சியவுடன் இறக்க வேண்டும். இவ்வாறு செய்யும் போது அடுப்பை சிம்மில் வைத்துக் கொள்ள வேண்டும். இப்போது மேலே வறுத்த பருப்புகளை இதனுடன் சேர்க்க வேண்டும். ஆறியவுடன் பழத்துண்டுகளால் அலங்கரித்து கொடுக்க வேண்டும். மிக மிக வித்தியாசமான சுவையுடன் குழந்தைகள் விரும்பி சாப்பிடும் வகையில் இருக்கும். பர்த்டே பார்ட்டிகளுக்கு ஸ்பெஷல் டிஷ்ஷாக தயார் செய்யலாம்.

gowtham Fri, 08/30/2019 - 12:19
bread nut sweet food பிரட், நட் ஸ்வீட் உணவு

English Title

Bread, Nut Sweet

News Order

0

Ticker

0  
ஸ்பிரவுட் கொழுக்கட்டை

விநாயகர் சதுர்த்தி ஸ்பெஷல் | ஸ்பிரவுட் கொழுக்கட்டை 

தேவையானவை:  முளைகட்டிய பயறு - ஒரு கப் பச்சை மிளகாய்- 3  தேங்காய் துருவல் - கால் கப் அரிசி மாவு - ஒரு கப் கறிவேப்பிலை - சிறிதளவு பெருங்காயத்தூள் - கால் டீஸ்பூன் எண்ணெய் - 4...


கொழுக்கட்டை

விநாயகர் சதுர்த்தியை இனிப்பாக்க கொழுக்கட்டை ரெசிபிகள்!

விநாயகர் சதுர்த்தி என்றாலே விநாயகருக்கு மிகவும் பிடித்த கொழுக்கட்டையும் ஸ்பெஷல் தானே..? கொழுக்கட்டை இல்லாத விநாயகர் சதுர்த்தியை நினைத்துக் கூட பார்க்க முடியாது. எப்போதும் போல அதே வ...


கீரை குணுக்கு

சத்தான ஈவ்னிங் ஸ்நாக்ஸ் - கீரை குணுக்கு

தேவையான பொருட்கள்  கடலை பருப்பு            -1கப்  துவரம்பருப்பு            -1கப் உளுத்தம்பருப்பு             -1 கப்,  காய்ந்த மிளகாய்             – 2  அரைக்கீரை அல்லது முளைக்...


இட்லி சந்தை

தமிழகத்தில் கலக்கும் இட்லி சந்தை! மலேசியா வரை வியாபாரத்தில் கலக்குகிறது!

ஆட்டுச் சந்தை, மாட்டுச் சந்தை, மீன் சந்தை, பூச்சந்தை, காய்கறி சந்தை, வார சந்தை எல்லாம் கேள்வி பட்டிருக்கிறோம். இதைப் போலவே நம்ம இட்லிக்கும் தமிழகத்தில் தனியாக சந்தை இருக்கு தெரியும...



பஞ்சாபி லட்டு

அட்டகாசமான பஞ்சாபி லட்டு செய்வது எப்படி...

பஞ்சாபி லட்டு தேவையான பொருட்கள் உளுத்தம் பருப்பு    -1கப் கோவா        -1/2கப் அரிசி மாவு    -2டீஸ்பூன் சர்க்கரை    -ஒன்றரை கப் முந்திரி    -    10 திராட்சை    -10


பனை ஓலைக் கொழுக்கட்டை

பனை ஓலைக் கொழுக்கட்டை | விநாயகர் சதுர்த்தி ஸ்பெஷல்

விநாயகர் சதுர்த்தியின் ஸ்பெஷல் பலகாரமே கொழுக்கட்டைத் தானே? முழு முதற் கடவுளாம் விநாயகருக்கு மட்டுமல்லாமல் குழந்தைகள் முதல் பெரியவர்கள் வரை அனைவருக்குமே பிடித்த பலகாரம் கொழுக்கட்டை....


பால் ஆப்பம்

ஸ்ரீ கிருஷ்ண ஜெயந்தி பலகாரங்கள்

பால் ஆப்பம் தேவையான பொருட்கள் மைதா            -1கப் சர்க்கரை            -1கப் பால்                -1கப் தேங்காய் துருவல்    -1கப் முந்திரி            -5 ஏலக்காய்          ...


அவல் முறுக்கு

கிருஷ்ண ஜெயந்தி பலகாரங்கள்

அவல் முறுக்கு தேவையான பொருட்கள்  அவல்             - 2 கப் பாசிப்பயறு        -1/2கப் உடைத்த கடலை    -1/2கப் சீரகம்            -1டீஸ்பூன் எள்                -1டீஸ்பூன்

2018 TopTamilNews. All rights reserved.